ДЗР: Слабостите во управувањето со здравствените услуги и лекови Клиниката за дерматологија - Канал 5

Здравје

ДЗР: Слабостите во управувањето со здравствените услуги и лекови Клиниката за дерматологија

Слабостите во управувањето со здравствените услуги и лекови создаваат финансиски и оперативни предизвици во Клиниката за дерматологија.

ДЗР: Слабостите во управувањето со здравствените услуги и лекови Клиниката за дерматологија

Слабости во управувањето со лековите за ретки болести, финансиското управување и недостиг на ефикасност во реализацијата на договорените здравствени услуги се утврдени со ревизијата на Државниот завод за ревизија (ДЗР) на ЈЗУ Универзитетска клиника за дерматологија.

- Изразено е неповолно мислење во однос на вистинитоста и објективноста на финансиските извештаи и за усогласеноста на финансиските трансакции со релевантната законска регулатива за 2023 година за сметката за средства од фондот 737, додека за сметката за сопствени приходи 531 изразено е мислење без резерва во однос на вистинитоста и објективноста на финансиските извештаи и мислење со резерва за усогласеноста на финансиските трансакции со релевантната законска регулатива за 2023 година, стои во соопштението.

Утврдени се повеќе слабости кои се однесуваат на управувањето со лековите за ретки болести во Клиниката. Потребните лекови од добавувачите преку Програмата за ретки болести ги набавува и нарачува Министерството за здравство, каде е воспоставен и електронски регистар за нивно евидентирање. Утврдено е дека нема сметководствена евиденција на примените и потрошените лекови за ретки болести и не е направен попис за нив. Во текот на 2023 година примени се лекови во износ од 37.434 илјади денари, а во интерните рачни евиденции на клиниката се прикажани издадени лекови во износ од 27.394 илјади денари што е помалку за 8.843 илјади денари во однос на евидентираните во регистарот.

Во текот на ревизијата направен е попис и побарани се податоци од пациентите за видот и количината на лекови кои ги имаат подигнато од Клиниката, а поради природата на болеста ги немаат потрошено. Притоа е утврдено дека пациентите располагаат со лекови во вредност од 31.748 илјади денари, од кои 39 отсто се лекови со поминат рок.

Фондот одобрил условен надоместок за 2023 година на Клиниката за набавка на апарати и специфични лекови во износ од 13.000 илјади денари. Утврдено е дека потребата за оваа набавка не е резултат на доставени предлози од страна на стручниот колегиум. Притоа набавени се два ласери во вредност од 9.995 илјади денари, кои до денот на ревизијата не се ставени во употреба. Исто така за вршење на дополнителни услуги со нив не е добиена согласност на ценовникот од страна на Министерството, особено што поголем дел од услугите кои може да се вршат со овие апарати се од естетска и козметолошка природа и не се опфатени со задолжителното здравствено осигурување.

Во рамки на спроведената ревизија истакнато е клучно прашање во врска со неисполнувањето на законските обврски за обезбедување вистинско и ефикасно купување на здравствени услуги, како што е предвидено во Законот за здравствено осигурување.

- Согласно член 69 од Законот за здравствено осигурување, Фондот за здравствено осигурување има обврска да обезбеди средства за купување на здравствени услуги од јавните здравствени установи (ЈЗУ), со договорен надоместок утврден според критериумите на Одлуката за утврдување на буџетот на здравствените установи. Фондот е исто така задолжен да обезбеди средства за целосно функционирање на тие ЈЗУ кои не можат да остварат доволен обем на услуги во рамките на договорениот надоместок, во кој спаѓа и Клиниката, се вели во соопштението.

Во 2023 година обемот на услуги се намалил во споредба со 2022 година, додека договорниот надоместок бил зголемен.

Податоците од системот „Мој Термин“ покажуваат дека услугите на Клиниката ги користат помал број на пациенти и се реализирани значително помалку услуги од планираните термини и расположливите капацитети.

- Во делот на Останати прашања е известено за Националниот систем за материјално-финансиско и сметководствено работење и Централниот систем за регистрација на работното време при Министерството, кои не се воспоставени во целост, како и за ненаплатените побарувања од Министерството за здравство за извршени здравствени услуги по програми за здравствена заштита во износ од 1.319 илјади денари, чија наплата е неизвесна, се наведува во соопштението од ДЗР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Реконструкцијата влегува во завршна фаза – предложените имиња до петок ќе бидат доставени до Собранието

Владината реконструкција влегува во завршна фаза. Познати се имињата и на министрите од ВРЕДИ кои ќе седнат во министерските фотељи во рамки на владината реконструкција.

Реконструкцијата влегува во завршна фаза – предложените имиња до петок ќе бидат доставени до Собранието

Од партијата за Канал 5 потврдуваат дека Јетон Шасивари ќе биде предложен за нов министер за правда, а Седат Сулејмани за култура. Но според нашите извори во ВРЕДИ се уште се кршат копјата околу изборот на Агон Ферати, на местото на Иван Столковиќ во министерството за односи меѓу заедниците.

Предложените пресонални решенија се прифатливи и за премеирот Христијан Мицкоски.

ВРЕДИ по реконструкцијата на владата ќе има едно вицепремирско место. Беким Сали останува прв вицепремиер и министер за европски прашања, а на партијата ѝ остануваат и секторите животна средина и економија и труд. Вицепремиерската функција за добро владеење, која ја извршуваше Арбен Фетаи нема да постои во реконструираната влада, а овој ресор ќе се покрива од кабинетот на премиерот. Кадар на знам пак ќе раководи со министерството за земјоделство, каде Димитриевски го номинира Борче Серафимовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Англија, Белгија и САД нови осминафиналисти на Светскиот шампионат

Англија со резулатски пресврт го победи одличниот Конго, фаворизираната Белгија со неверојатен финиш се врати од бездната против сенегал, а домаќинот САД минимално беше подобар од БиХ.

Англија, Белгија и САД нови осминафиналисти на Светскиот шампионат

Фантастичниот Хари Кејн не дозволи нови изненадување на Мундијалот. Со два гола најдобриот англиски голгетер обезбеди голема победа за својата селекција која скоро 70 минути беше во негатива против одличниот тим на Конго.

Белгија се пласираше во осминафиналето на Светското првенство откако го совлада Сенегал со 3:2 по продолженијата, во драматичен натпревар одигран во Сиетл.

Белгијците дојдоа до победата со неверојатен пресврт во завршницата, откако губеа со 2:0 сè до 86-тата минута. Во финишот на регуларниот тек проработе Ромален Лукако кој со два гола го однесе мечот во продолженија.

Во следната рунда од нокаут-фазата, Белгија ќе игра против САД. Сенегал доминираше и поведе Почетната иницијатива на Сенегал вроди со плод во 25-тата минута.

Белгија продолжи да врши притисок во продолженијата, иако и Сенегал имаше свои шанси. Ибрахим Мбаје ја пропушти најдобарата можност во 109. минута, не успевајќи да постигне гол од поволна позиција. Можеа скапо да платат за тоа во 118. минута кога, по една одлична акција, Лукебакио се најде сам пред голот, но ја погоди стативата. Токму кога се чинеше дека натпреварот ќе се решава со изведување пенали, настапи одлучувачкиот момент.

Во 119. минута, по проверка преку ВАР, на Белгија ѝ беше досуден пенал поради прекршок врз Тилеманс. Самиот Тилеманс ја презеде одговорноста и погоди од белата точка во петтата минута од судиското надополнување, со што ја потврди победата од 3–2 и предизвика големо славје во таборот на Белгија.

Фудбалерите на Босна и Херцеговина беа елиминирани во шеснаесеттина-финалето на Светското првенство во фудбал, по натпреварот против САД, во кој домаќинот во предградието на Сан Франциско победи со 2:0.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

По силното невреме: УХМР најавува пороен дожд, грмежи, ветер и град

Според Управата за хидрометеоролошки работи денеска  на одделни места атмосферските процеси ќе бидат поизразени, со интензивен пороен дожд, силен ветер и услови за краткотрајно невреме.

По силното невреме: УХМР најавува пороен дожд, грмежи, ветер и град

И денеска во поголем дел од државата се очекува променливо облачно и нестабилно време, проследено со локални врнежи од дожд и грмежи. Според Управата за хидрометеоролошки работи денеска на одделни места атмосферските процеси ќе бидат поизразени, со интензивен пороен дожд, силен ветер и услови за краткотрајно невреме.

Локално се очекуваат врнежи поголеми од 15 литри на квадратен метар, како и засилени налети на ветер што може да надминат 60 километри на час. Во делови од земјата не е исклучена ниту појава на град.

Утринските температури ќе се движат од 11 до 19 степени, додека дневните ќе достигнат од 27 до 35 степени Целзиусови.

Во Скопје се прогнозира променливо облачно време со повремени врнежи, грмежи и засилен ветер. Во одделни делови од котлината постои можност за пообилен дожд, краткотрајно невреме и појава на град. Температурата ќе се движи од 17 степени во утринските часови до околу 32 степени во текот на денот.

Според најавите на Управата за хидрометеоролошки работи (УХМР), нестабилното време ќе продолжи и утре, кога повторно се очекуваат локални поројни врнежи, грмежи и силен ветер. Од викендот следува постепена стабилизација на временските услови со претежно сончево време, а во сабота ќе дува умерен до засилен северен ветер.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер