Над 80 % од пациентките со рак на дојка и грло на матка доцна започнуваат со лекување што значи дека скринингот на кој се повикуваат граѓаните да направат превентивен преглед не ги дава посакуваните резултати – рано да се детектира карциномот и да се намалат смртните случаи. Ова се нотира во последниот извештај на Заводот за ревизија во кој стои дека ваквите програми во периодот од 2021-2024 вклучуваат помал број на пациенти споредено со европскиот просек, а со тој обем не може да се очекува доволен ефект во раното откривање на болеста. Меѓудругото ревизорите контатираат дека парите за оваа намена се ограничени.

-Програмите за рана детекција и скрининг на рак на дојка и рак на грло на матка, и покрај долгогодишното спроведување и остварениот напредок од аспект на нивното планирање и реализација сè уште не обезбедуваат доволна покриеност на целната популација, ниту пак континуирана, квалитетна и навремена дијагностика, во обем што би овозможил системско потврдување на нивниот придонес кон раното откривање на малигните заболувања и намалувањето на морталитетот. - Завод за ревизија .

Од Здружението на онколошки пациенти „ХЕМА-ОНКО“ велат дека засега во Македонија она што се случува со превентивните прегледи не може да се нарече скрининг.

Министерот Алиу вели дека е свесен за недостатоците и дека ќе бара промени кои би биле клучни за поуспешни резултати на скринингот во иднина.

Ревизорите направиле анализа и за тоа колку се чека за термин во Кабинетот за дојка, па до 30 септември 2025 за термин чекале над 3.000 жени, во просек по околу 100 дена, или повеќе од три месеци, 80 од упатите биле издадени претходната, 2024 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.