Две жени се удавија во Јадранското Море додека нуркале - Канал 5

Балкан

Две жени се удавија во Јадранското Море додека нуркале

Две лица загинаа вчера во Јадранското Море, во Хрватска, по нуркање. Словакинка загинала кај Корчула, а Словенка кај островот Сушац, јавува 24сата.хр.

Две жени се удавија во Јадранското Море додека нуркале

„Попладнето околу 14 часот и 30 минути во општина Блато, на 100 метри од брегот, додека нуркале со група нуркачи и инструктори за нуркање, забележано е дека на површината плови 39-годишна словачка државјанка. На самото место е направен обид за реанимација, но била констатирана смрт во 17 часот и 30 минути. Објавија од Полициската управа Дубровник-Неретва за Морски.хр.

Во исто време, само четири часа подоцна и 23 наутички милји југозападно, се случи за жал идентична трагедија.

„Истиот ден, околу 18 часот и 30 минути, двајца државјани на Словенија, 64-годишен маж и 46-годишна жена, нуркале со опрема за нуркање на островот Сушац, општина Ластово. Жената излегла на површина од длабочина од околу 50 метри, а по неа мажот кој ја нашол на површината во несвест“, изјави за Morski.hr Андријана Бискуп.

Во меѓувреме, Словенечката нуркачка асоцијација соопшти дека нивниот член Ирена Чок, претседател на Асоцијацијата за истражување на море во Љубљана и член на Надзорниот одбор на Словенечката нуркачка асоцијација, починала кај Сушац.

„Сакаме да ја објавиме тажната вест дека Ирена Чок загина за време на нуркање во Сушац. Таа беше претседател на Асоцијацијата за истражување на море во Љубљана и член на Надзорниот одбор на Словенечката нуркачка асоцијација, а пред се беше многу посветена на нуркањето, особено за подводна фотографија, каде што беше и национален шампион. Со смртта на Ирена, словенечкото нуркање изгуби многу. Во името на Словенечката нуркачка асоцијација и моето име, сакам да изразам искрено сочувство до сите негови луѓе, особено до Борут. напиша претседателот на Словенечката нуркачка асоцијација Митја Славинец во врска со трагичната несреќа.

Претходно 59-годишен нуркач вчера околу 15:00 часот бил погоден од пловило во водното пристаниште Червар кај Пореч. Мажот бил пренесен во болницата во Пула, каде што констатирале дека е тешко повреден.

Глисерот со германска ознака бил управуван од 57-годишен германски државјанин, а според досегашните информации, нуркачот во моментот на несреќата бил на спортски риболов без видлива бова.

Полицијата во соработка со Капетанијата на пристаништата продолжува со утврдување на околностите на несреќата,јавува 24 сата .хр.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер