Две спортски велесили го откажаа учеството на Олимиските игри во Токио - Канал 5

Други спортови

Две спортски велесили го откажаа учеството на Олимиските игри во Токио

Радикална одлука на две спортски велесили. Канада и Австралија  поради коронавирусот го откажуваат учеството на своите спортисти на Олимписките игри во Токио.

Две спортски велесили го откажаа учеството на Олимиските игри во Токио

Нивната порака е јасна, Игрите мора да бидат откажани за една година.

Коронавирусот направи хаос во светскиот спорт, последиците од Кобид 19 ќе се чувствуваат во следните неколку месеци, можеби и цела година, посебно поради фактот дека нема никакви назнаки дека ситуацијата во светот ќе се нормализира.

Најголемиот настан на светот е планирано да се одржи во Токио од 24 јули до 9 август, од Меѓународниот олимписки комитет порачуваат дека подготовките се одвиваат според планот и дека сега е прерано да се донесе одлука за откажување на Олимписките игри.

Но, со оваа препорака не се сложуваат неколку национални Олмписки комитети, први гласот го подигнаа комитетите на Канада и Австралија со радикална одлука да го откажат учеството на своите спортисти на Игрите.

-Олимпискиот и Параолимпискиот комитет на Канада донесоа тешка одлука да не испраќаат своите спортисти на Олимписките и Параолимписките игри во 2020 година во Токио Јапонија. ОКК и ПКК ги повикуваат челните луѓе на Меѓународниот олимписки комитет да ги одложат Игрите за една година, стои меѓу другото во писменото соопштението од Олимпискиот комитет на Канада.

Олимпискиот комитет на Австралија пак наведе дека планира да се подготви за Олимписките игри за следното лето во 2021 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер