Шпанија, Малта, Ирска и Словенија наскоро официјално ќе ја признаат државата Палестина, што би можело да ги поттикне и другите земји од ЕУ да го сторат истото, изјави денеска високиот претставник на Европската унија за надворешна политика и безбедност Жозеп Борел.

Тој потврди дека добил гаранции од шпанскиот министер за надворешни работи Хозе Мануел Албарес дека Мадрид официјално ќе ја признае Палестина на 21 мај. Борел рече дека Белгија сега нема да ја признае „независна Палестина“, но оти Брисел „не ја исклучува“ таа можност во иднина, пренесува шпанска РТВЕ.

Министерката за надворешни работи на Словенија, Тања Фајон, вчера изјави дека словенечката влада ја почнала процедурата за „признавање на независна, суверена држава Палестина“.

Фајон објасни дека одлуката на словенечката влада се заснова на „границите меѓу Израел и Палестина од 1967 година, што значи дека територијата на Палестина би ги опфаќала Појасот Газа, Западниот Брег и Источен Ерусалим“.

Федералниот апелационен суд во Делавер го одби барањето на Хантер Бајден (54), син на американскиот претседател Џо Бајден, да го отфрли неговиот случај поврзан со прекршување за поседување оружје, што го отвора патот за судење пред порота со што се соочува со 25 години затвор доколку биде осуден.

Како што истакнува „Дејлимејл“, Хантер Бајден е првото дете на претседател на САД во историјата, против кого е покренато обвинение додека неговиот татко се уште е во Белата куќа. Тричлениот совет на Апелација го одби барањето затоа што не може да донесе одлука пред да ја донесе пресудата понискиот суд. Набргу потоа, судијката Мерилин Нореика нареди судењето да започне на 3 јуни во Вилмингтон, Делавер.

Hunter Biden's bid to throw out federal gun case is rejected clearing the way for president's son to face jury trial next month https://t.co/r5qhFXyn2J pic.twitter.com/2TngZh1khb

— Daily Mail Online (@MailOnline) May 9, 2024

Судењето се очекува да трае до девет дена. Хантер Бајден тврди дека е цел на политички прогон. Хантер Бајден претходно се изјасни за невин по обвинението со три точки во кое се товари дека лажел за употреба на дрога при купувањето пиштол. Ова е сериозен прекршок иако Америка генерално има флексибилни закони за оружје, што е многу лесно да се добие.

Хантер Бајден е исто така под кривична истрага во Калифорнија за наводни даночни прекршувања. Самиот Хантер призна дека имал многу проблеми и се борел со зависноста од кокаин во 2018 година. Неговите адвокати тврдат дека тој не го прекршил законот и дека легално поседувал пиштол.

Минатата година, обидот на Хантер да склучи договор со обвинителите во кој ќе се изјасни за виновен за кршење на законот во замена за двегодишна условна затворска казна, не успеа. Меѓутоа, поради притисокот од Доналд Трамп и другите републиканци, овој договор имаше контраефект. Набрзо беше откриено дека Хантер Бајден имал кокаин во багажникот каде што го чувал оружјето.

Во септември, специјалниот советник Дејвид Вајс го обвини Хантер под обвинение за оружје, со што Хантер стана првото дете на актуелен претседател кој е обвинет. Бајден, исто така, се изјасни за невин за федералните даночни злосторства во посебен случај што го покрена Вајс во Калифорнија.

Тоа судење треба да започне на 20 јуни. Специјалниот советник го обвини Бајден дека не платил даноци од 1,4 милиони долари меѓу 2016 и 2019 година, додека трошел милиони долари на дрога, придружба, егзотични автомобили и други скапи производи.

На 1 април, американскиот окружен судија Марк Скарси во Лос Анџелес ги отфрли предлозите на Бајден за отфрлање на даночното обвинение. Одделот за правда вели дека Хантер се соочува со 17 години затвор за даночните обвиненија.

Снежана Санева, раководител на Секторот за образование во Општина Штип, изјави дека симулацијата ја прават по анкетирањето на повеќе од 100 матуранти, кои над 90 проценти одговориле дека сакаат да имаат пробно тестирање и да бидат дел од симуалцијата, со цел да видат како тече процесот, но и да го надминат стресот.

Во четирите средни општински училишта во Штип над 500 матуранти ќе полагаат матура во јуни.

-Овој проект првпат го реализираме годинава и се надеваме дека ќе продолжи и во иднина. Целта беше да се подготват учениците за полесно да го поминат тестот на државната матура, рече Санева.

Според директорката на Средното општинско училиште „Коле Нехтенин“-Штип, Јованка Шалева, од досегашните искуства самиот чин на полагање на државна матура предизвикува стрес кај учениците.

-Се случувало во минатото некој ученик да се соочи со здравствени проблеми пред полагањето на матурата или на самиот чин на полагање на матурата. Се случувало одлични ученици, коишто сметаат дека ги знаат одговорите, при брзање да направат грешки. Исто така, имаше и примери кога ученици го решиле тестот, меѓутоа не го пренеле на дополнителниот лист што е за одговори. Нашето училиште ја прифати идејата на општината бидејќи, на некој начин, ние ќе им го доближиме чинот на полагање на матурата, истакна Шалева.

Учениците коишто денеска беа дел од симулацијата на полагање на државната матура велат дека на овој начин можат да видат како се полагаат тестовите кои им се важни за да се запишат на некој од факултетите.

Симулацијата беше организирана во регионалниот електро-машински центар „Коле Нехтенин“ и во регионалното медицинско училиште „Јане Сандански“.