. Пресудата за него ќе биде изречена во петок..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

По повеќе од две децении развој на брендот JYSK во Косово, Албанија и Македонија, Scandinavian Living Holding постигна договор со JYSK Данска за продажба на својот JYSK бизнис и пренесување на работењето во сите три земји под директно управување на JYSK Данска.

Она што започна со отворањето на првиот продажен салон на JYSK во Косово во 2004 година, со текот на годините прерасна во регионален бизнис со 25 продажни салони во Косово, Албанија и Македонија. Во овој период, бизнисот се развиваше заедно со локалните тимови на сите три земји, градејќи силно и стабилно присуство на JYSK во регионот.

Во текот на овие години, трите локални франшизни компании тесно соработуваа со JYSK Данска во развојот на брендот и проширувањето на бизнисот на сите три земји. Овој развој беше поддржан од искуството и одличното познавање на локалните пазари, како и од континуираниот фокус на понудата на квалитетни производи за домот и животен стил инспириран од скандинавската традиција.

„Многу сме горди на она што го изградивме заедно во текот на овие години. Од отворањето на првиот продажен салон на JYSK до 25 продажни салони во три земји, ова е достигнување што ги одразува работата и придонесот на нашите тимови, довербата на клиентите и силата на нашето партнерство со JYSK. Особено сме горди што изградивме компании и бизнис со високи стандарди, кои привлекоа ваква директна странска инвестиција во Косово, Албанија и Македонија од силна меѓународна групација со широко портфолио на брендови. За нас, ова претставува значајно признание за она што го изградивме низ годините и важен момент за нашата компанија. Задоволни сме што овој бизнис влегува во нова фаза заедно со JYSK“, изјави г. Фатмир Зимбери, сопственик на Scandinavian Living Holding.

Овој договор претставува природен следен чекор за бизнисот на JYSK на сите три земји. Со преминувањето под директно управување на JYSK, бизнисите ќе имаат можност да ги искористат придобивките од директните инвестиции на JYSK, како и од континуираниот фокус на компанијата на понатамошен раст во регионот.

Трансакцијата ќе биде завршена на 1 јануари 2027 година.

За клиентите, услугата ќе продолжи без прекин, а JYSK ќе продолжи да ги опслужува клиентите во Косово, Албанија и Македонија преку постојната мрежа на продажни салони и онлајн каналите.

За Scandinavian Living Holding

Scandinavian Living Holding е матична компанија со диверзифицирано портфолио на бизниси, кои работат преку нејзините локални компании во регионот.

Во рамките на ова портфолио, локалните компании на Групацијата го управуваат бизнисот на JYSK во Косово, Албанија и Македонија, додека во секторот за брза храна ги управуваат франшизните бизниси на KFC во Косово, Албанија, Северна Македонија и Црна Гора.

Групацијата, исто така, поседува и управува со сопствен логистички центар и со Scan Color, а воедно е и еден од главните инвеститори во Prishtina Mall.

Преку овие активности, Scandinavian Living Holding во текот на годините изгради широко портфолио на бизниси и брендови, развивајќи компании со високи стандарди и силно и стабилно присуство во Косово и на земјите во регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вака одлучи Комисијата за имунизација по информациите од Хрватска, каде што вакцинацијата е стопирана поради пријавени четири случаи на остеомиелитис, односно воспаление на коските што го зафаќа коскеното ткиво и коскената срцевина, а поради сомнежи дека е предизвикан од бе-се-же вакцината од бугарскиот производител „Бул Био“ што години наназад се користи и во Македонија.

Причина за привремено стопирање и кај нас е од претпазливост и превентивно бидејќи во Макенија нема пријавено ниту еден случај на остеомиелитис, а ќе трае се додека МАЛМЕД не ги провери сериите и квалитетот на вакцините но и дали има некакви нови пријави за несакани ефекти кај децата, за што надлежните сметаат дека ќе биде потребна околу една недела.

Педијатрите апелираат до родителите - простор за паника нема, но за претпазливост има. Температура, омалаксаност и болки кај детето и по подолг период по примена вакцина се симптоми за кои се препорачува лекарски преглед.

Во Македонија во последните десет години е пријавен само еден случај на сомнеж за несакана реакција по БСЖ вакцинација, во август 2022 година, а се однесувала на апсцес на местото на апликација.

Надлежните потенцираат дека БСЖ вакцинацијата е задолжителна, особено имајќи предвид дека Македонија е земја со висок ризик од туберкулоза, а и годинава има активни случаи, туберкулоза моментално се лекуваат 95 пациенти, од кои 83 се нови случаи од годинава, додека во детската болница Козле годинава се евидентирани 12 нови случаи на туберкулоза.

Во Хрватска, сега се проверуваат сите серии од овој производител, по четирите пријавени случаи, а тамошните власти посочуваат дека станува збор за невобичаено зголемена појава на оваа ретка несакана реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.