Македонија

Државниот завод за ревизија пред комплетна блокада

Државниот завод за ревизија пред комплетна блокада. Институцијата која го контролира материјалното и организациско работење на државните органи и политички партии, веќе извесен период е без прв човек.

Вработените преку писмо бараат „спас.“„Со континуирано одлагање на избор на главен ревизор уште еднаш укажуваме дека институцијата се соочува да биде комплетно блокирана на неопределено време, што ќе доведе до немање контрола врз трошењето на јавните пари.“ стои во писмото адресирано до сите највисоки чинители во политиката.

Велат дека заводот веќе не може да влезе во ниедна државна институција за да изврши надзор во нејзиното финансиско работење, а и самите вработени би останеле без плата и социјално и здравствено осигурување.

“Извесно е дека ќе се организираат предвремени парламентарни избори, за што согласно Изборното законодавство, ДЗР има важна улога во реализирање на истите, а нема да биде во можност да ги исполни.“ пишува меѓудругото во писмото, на кое стои потпис од 66 вработени.

Изборот за прв човек на ДЗР веќе извесен период е заглавен во комисијата за избори и именувања. Членовите досега никако не успејаа да се усогласат кој да ја преземе челната позиција. Претседателот Илија Димовски, кој, во понеделникот на собраниската седница, истакна дека меѓупартиските консултации течат и доколку се оди во најдобар ред, до крајот на оваа недела би можел да биде избран нов државен ревизор.

Инаку ДЗР веќе 2 години е без прв човек, откако во 2017тата истече мандатот на главниот државен ревизор Тања Таневска. Изминатите две години со институцијата раководеше заменикот Насер Адеми, но и неговиот мандат истече пред скоро три недели.

Свет

Саудискиот крал Салман бин Абдулазиз на медицински прегледи поради висока температура и болки

Саудискиот крал Салман бин Абдулазиз на медицински прегледи поради висока температура и болки во зглобовите

Кралот на Саудиска Арабија, Салман бин Абдулазиз (88) денеска ќе биде подложен на медицински прегледи поради висока температура и болки во зглобовите, објавија државните медиуми.

Кралот на Саудиска Арабија ќе биде подложен на прегледи во Кралската клиника во палатата Ал Салам во пристанишниот град Џеда на Црвеното Море, објави државната саудиска новинска агенција.

Како што се наведува, лекарскиот тим одлучил да изврши лекарски прегледи за да се утврди здравствената состојба на саудискиот крал, но не се соопштуваат детали. Саудискиот монарх беше примен во болница на лекарски прегледи во април, а подоцна беше отпуштен.

Тој е на власт од 2015 година, но се верува дека неговиот син, престолонаследникот Мохамед бин Салман е задолжен за секојдневните државни работи./МИА

Македонија

Првата официјална посета во странство на претседателката Сиљановска Давкова во Ватикан и Рим

На 23 мај, според протоколот, претседателката Сиљановска Давкова ќе има аудиенција кај Папата Франциск, а потоа средба и со генералниот секретар на Ватикан за односи со државите.

Претседателката Гордана Сиљановска Давкова првата официјална посета во странство ќе ја оствари во Ватикан и во Рим, каде што ќе ја предводи државно црковната делегација за чествувањето на Св. Кирил и Методиј, потврдија за МИА од претседателскиот кабинет.

На 23 мај, според протоколот, претседателката Сиљановска Давкова ќе има аудиенција кај Папата Франциск, а потоа средба и со генералниот секретар на Ватикан за односи со државите.

Чествувањето на сесловенските просветители ќе се одржи на 24 мај со посета на базиликата Свети Климент каде се наоѓа гробот на Св. Кирил, а потоа и во базиликата Санта Мариа Маџоре каде венец ќе постават на плочата испишана на македонски јазик.

Во рамки на посетата на Рим, претседателката Сиљановска Давкова ќе се сретне и со нејзиниот италијански колега Серџо Матарела.

Сиљановска Давкова, како што велат од нејзиниот кабинет, се уште не е познато дали ќе има средба со претседателот на Бугарија, Румен Радев, чие доаѓање во Рим е исто така најавено по истиот повод.

Македонија

Дваесет лица загинаа во израелскиот напад врз бегалскиот камп Нусеират

Дваесет лица загинаа пред да зазори во израелски воздушен напад врз куќа во бегалскиот камп Нусеират, во централниот дел на Појасот Газа, уништен за време на војната, соопштија од болницата Ал Акса и потврдија очевидци.

„Примивме 20 убиени луѓе и неколку ранети откако израелски воздушен напад беше насочен кон куќа на семејството Хасан во бегалскиот камп Нусеират во центарот на Газа“, се вели во соопштението на болницата.

Очевидци изјавија дека нападот бил извршен околу 3 часот по локално време. Израелската војска соопшти дека го проверува извештајот.

Официјалната палестинска новинска агенција објави дека меѓу ранетите има неколку деца и дека спасувачките екипи трагаат по затрупаните луѓе во урнатините.

Израелската војска вели дека спроведува само целни операции.

Очевидци велат дека се слушнале експлозии и дека борбите во Џабалија траеле цела ноќ./МИА

притисни ентер