Државен службеник примал плата 10 години, а не се појавил на работа- сега ќе оди во затвор и ќе плати огромна казна - Канал 5

Бизарно

Државен службеник примал плата 10 години, а не се појавил на работа- сега ќе оди во затвор и ќе плати огромна казна

Касациониот суд во Кувајт донесе една од најстрогите пресуди во последните години во борбата против злоупотребите во јавниот сектор.

Државен службеник примал плата 10 години, а не се појавил на работа- сега ќе оди во затвор и ќе плати огромна казна

Неименуван државен службеник е осуден на пет години затвор и ќе мора да плати парична казна и надомест од 312.000 кувајтски динари (околу 875.000 евра) откако беше утврдено дека тој ја примал платата 10 години - иако не се појавувал на работа, објавува „Одити Централ“.

Платата редовно пристигнувала

Според судските документи, државниот службеник работел во одделот за граѓански услуги. Сепак, истрагата открила дека една деценија не извршувал никакви работни задачи, ниту пак доаѓал во канцеларијата, иако неговата плата редовно ја примал секој месец.

Кога случајот конечно бил откриен, беше покрената кривична постапка за нелегално богатење и злоупотреба на јавни средства.

Државниот службеник претходно беше ослободен од обвиненијата - пред пониските судови, но Касациониот суд направи пресврт, оценувајќи дека доказите се „неоспорни“.

Случај на наставник во Германија

Сепак, слични случаи не се невообичаени во светот.

Порано оваа година, германските медиуми објавија за неименуван наставник кој бил на боледување 16 години, а редовно добивал целосна плата.

Тагови: затвор плата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер