Дрон погоди зграда во Дубаи- странци се уапсени, зашто се јавиле дома дека се живи - Канал 5

Свет

Дрон погоди зграда во Дубаи- странци се уапсени, зашто се јавиле дома дека се живи

Тројца странски државјани кои биле во зграда во Дубаи која била погодена од дрон биле приведени откако испратиле фотографии или пораки до членовите на семејството за да ги уверат дека се безбедни, соопшти група за јавна заштита.

Дрон погоди зграда во Дубаи- странци се уапсени, зашто се јавиле дома дека се живи

Групата „Заклучено во Дубаи“ изјави дека жителите биле дома кога дронот удрил и ја предизвикал експлозијата, и веднаш фотографирале од штетата и ја испратиле сликата приватно до своите семејства за да ги уверат дека преживеале.

„Наместо да добијат поддршка како жртви на инцидентот, жителите биле приведени од полицијата во Дубаи откако властите побарале да ги видат нивните телефони“, соопшти групата, која обезбедува правна помош на луѓето во Обединетите Арапски Емирати.

Рада Стирлинг, извршен директор на „Заклучено во Дубаи“, изјави дека властите треба да усвојат внимателен и сочувствителен пристап кон жителите кои реагирале инстинктивно за време на трауматичниот момент.

Тврдењата на групата и апсењата не можеа веднаш да бидат независно потврдени, објави „Гардијан“.

За потсетување, минатата недела беше објавено дека 60-годишен Британец, за кој се верува дека е турист, бил меѓу 20-те лица обвинети во ОАЕ според законите за сајбер криминал за снимање и објавување материјал поврзан со иранските напади врз земјата.

За потсетување, властите во Дубаи денес привремено ги прекинаа летовите на аеродромот откако „инцидент со дрон“ предизвика пожар во близина.

Според официјалните информации, во инцидентот нема повредени, а летовите оттогаш делумно се обновени.

Тагови: дрон Дубаи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден танкер во Ормускиот теснец

Агенцијата за поморски трговски операции на Велика Британија соопшти дека во Ормускиот теснец, во близина на брегот на Оман е погоден танкер од „непознат проектил“.

Погоден танкер во Ормускиот теснец

Моторот на бродот е оштетен, но нема повредени луѓе и причинета еколошка штета.

Инцидентот се случи околу 20 километри североисточно од оманскиот град Лима.

Иран бара бродовите да ја користат рутата низ ормуска теснина долж неговиот брег, повторувајќи дека само рутата одредена од Техеран е безбедна за пловидба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евроњуз: ЕК ја изгуби институционалната меморија и капацитет од последниот бран на проширување

Проширувањето на ЕУ се забрзува, но во надлежниот оддел на комисијата снемува капацитет за управување со преговорите со неколку земји-кандидатки одеднаш – тврди бриселскиот медиум Евроњуз повикувајќи се на свои извори.

Евроњуз: ЕК ја изгуби институционалната меморија и капацитет од последниот бран на проширување

Притисокот врз Европскиот генерален директорат за проширување и источно соседство се должи на забрзаното затворање на преговарачките поглавја од страна на четири земји кандидатки, што изискува значително прераспределување на ресурсите а според Евроњуз, проблеми со внатрешниот капацитет има и Советот на ЕУ.

„Генералниот директорат, како и многу други оддели на комисијата, во голема мера се потпира на привремени договори и малку постојани службеници. Ова значи дека има висока стапка на флуктуација на кадри и малку искуство во затворањето на преговорите, со оглед на тоа дека последната примена земја во блокот беше хрватска во 2013 година.„ – пишува Евроњуз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку деветмина загинати при руските напади врз Киев

Русија ноќеска повторно ја нападна украинската престолнина Киев со балистички ракети, при што загинаа и беа повредени повеќе луѓе. 

Најмалку деветмина загинати при руските напади врз Киев

Според државната служба за вонредни состојби на Украина, бројот на жртвите изнесува најмалку девет. Повредени се 23 лица.

Градоначалникот на Киев, Виталиј Кличко на телеграм објави дека градот утрово е нападнат со балистички ракети.

-Експлозии одекнуваат во градот. Киев е нападнат со балистички ракети. Скријте се во засолништата за бомби, наведе Кличко.

Градови беа цел на обемен руски напад. Според украинските власти, низ целата земја тогаш загинале најмалку десет лица, а десетици биле повредени.

Големи штети претрпе и градот Лавов на западот од земјата, во близина на полската граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер