Дрифтал со БМВ на бензинска и завршил пред полициско возило (ВИДЕО)

Возач на БМВ во Полска решил да ги тестира своите вештини за дрифтање на бензинска, за да го заврши лице в лице со полицајци.

Како што е снимено од безбедносната камера на бензинска пумпа во Сиерча, Полска, возачот на БМВ 3 го лизга возилото околу тревникот на патот кон главната улица, каде што го пречека полицаец.

Според полицијата на Малопоска, 21-годишниот возач бил приведен од полициските службеници од Одделот за контрола на патниот сообраќај при Покраинскиот полициски штаб во Краков.

Возачот сигурно го видел автомобилот на полицаецот токму кога возилото се вртело зад аголот, но во тој момент веќе било предоцна да се скрие.

Инаку дрифтањето на бензинска пумпа е една од најглупавите работи што може да се направат бидејќи секоја погрешна пресметка може да доведе до несреќа и огромен пожар.

Возачот добил парична казна од 5.000 PLN (1.170 американски долари), шест казнени поени во неговата дозвола, а му била одземена и регистеркста табличка. Во Полска, на возачите им се дозволени максимум 15 поени за брзо возење пред да се соочат со одземање на дозволата.

За попладне и вечер најава за изолиран развој на пороен дожд, грмежи, ветер

Времето денеска е сончево и многу топло со слаб до умерен ветер од северозападен правец.

Попладне и во вечерните часови ќе има изолиран развој на нестабилна облачност со пороен дожд, грмежи, засилен ветер и услови за појава на град.

Максималната температура ќе биде во интервал од 30 до 35 степени, УВ индексот ќе биде осум.

Во Скопје времето ќе биде сончево и топло со мала до умерена облачност и слаб до умерен северен ветер. Попладне ќе има услови за краткотраен пороен дожд и грмежи. Температурата ќе се движи до 34 степен.

Од УХМР најавуваат дека под влијание на влажна и нестабилна маса утре попладне и за време на викендот времето ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град.

Во недела дневната температура ќе се намали за неколку степени.

Утре попладне и за време на викендот пороен дожд, грмежи и засилен ветер

Под влијание на влажна и нестабилна маса утре попладне и за време на викендот времето ќе биде нестабилно со пороен дожд, грмежи и засилен ветер.

Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град.

И во Скопската Котлина за време на викендот времето ќе биде нестабилно со пороен дожд, грмежи и засилен ветер, повремено и во форма на краткотрајно невреме.

Во случај на појава на електрични празнења од УХМР препорачуваат поголема внимателност, да не се престојува на отворен простор и под осамени дрвја.

Без вода неколку улици во Центар

Без вода денеска ќе бидат дел од корисниците на улица „Киро Крстевски Платник" до „Коста Неделковски", „Златко Шнајдер" и уметничкото училиште во Општина Центар.

Прекинот во водоснабдувањето, како што соопшти ЈП „Водовод и канализација" – Скопје, е поради уличен дефект на водоводна цевка Ф 80мм. на улица „Златко Шнајдер" крстосница со „Киро Крстевски Платник".

притисни ентер