Драматично предупредување на Бајден: Пријатели, мора да се соочиме со суровата вистина (ВИДЕО) - Канал 5

Свет

Драматично предупредување на Бајден: Пријатели, мора да се соочиме со суровата вистина (ВИДЕО)

Поранешниот американски претседател Џозеф Бајден изрази загриженост за нападите врз владеењето на правото и заканите врз граѓанските права под претседателот Доналд Трамп.

Драматично предупредување на Бајден: Пријатели, мора да се соочиме со суровата вистина (ВИДЕО)

Поранешниот американски претседател Џозеф Бајден изрази загриженост за нападите врз владеењето на правото и заканите врз граѓанските права под претседателот Доналд Трамп, нарекувајќи ги мрачни денови, според американскиот портал Политико.

Во разговорот пред Националната адвокатска комора во Чикаго во четврток, Бајден не го спомена Трамп по име, но беше јасно дека тој бил цел на неговите забелешки, кои траеле околу 20 минути, објави американскиот портал.

„Не можете да го засладите. Ова се мрачни денови“, им рече Бајден на речиси 1.100 членови на претежно афроамериканската правна организација.

Изјавите ги повторија некои од неговите претходни коментари за Трамп, прикажувајќи го како закана за демократијата и владеењето на правото, објави порталот.

„Според мене, ние сме во таков момент во американската историја, што се рефлектира во секоја сурова извршна акција, секое укинување на основните слободи, секој колапс на долгогодишните, воспоставени преседани“, рече тој.

Бајден, исто така, ја критикуваше администрацијата за обидот да ја „избрише вистината“ и го обвини Конгресот за „свртување на погледот“ и неможноста да ја ограничи моќта на извршната власт.

„Пријатели мои, мора да се соочиме со суровата вистина за оваа администрација, а тоа е дека нејзината цел е да поништи сè што постигнавме за време на мојата администрација“, рече Бајден.

Според него, таа ја брише историјата наместо да ја создава, ја брише праведноста, еднаквоста, самата правда, а тоа не е претерување, туку е факт.

Нарекувајќи ја администрацијата на Трамп „сурова“, Бајден посочи на „имигрантите кои се легално во земјата, а тие се одведуваат со лисици“.

Тој, исто така, ги критикуваше нападите на администрацијата врз адвокатските канцеларии и медиумите.

„Помеѓу спиењето на плажа и предавањето на претседателската функција преку автопен (автоматизиран потпис), Џо Бајден ги помина деновите гледајќи ги неговите помошници како го уништуваат нашиот Устав со автопен преку правни битки, напаѓајќи ја јужната граница и продавајќи ја нашата земја на остатокот од светот. Тој е последната личност што треба да зборува за тоа како се води оваа земја, со оглед на тоа што ја уништи“, рече портпаролот на Белата куќа, Харисон Филдс, како одговор на обраќањето на Бајден, објави Политико.

Тагови: Бајден вистината

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Лука Дончиќ испишува НБА историја: Го надмина и Џордан – вакво нешто не е видено уште од далечната 1963 година

Еден од најдобрите светски кошаркари, ѕвездата на ЛА Лејкерс, Словенецот, Лука Дончиќ е на прагот на НБА историјата, со просек од 38,5 поени – достигнување што не е видено уште од 1963 година и Вилт Чемберлен.

Лука Дончиќ испишува НБА историја: Го надмина и Џордан – вакво нешто не е видено уште од далечната 1963 година

Словенечкиот кошаркар Лука Дончиќ ја продолжува својата сезона од сништата. Лука ја игра сезоната на кариерата, а синоќа ја демонстрираше својата моќ во победата на Л.А. Лејкерс против Сакраменто (116:103) – тим кој, иако неочекувано, беше неговиот „прв“ избор на НБА-драфтот.

Со оглед на тоа што Сакраменто ја пропушти можноста да го избере, Дончиќ секогаш е посебно мотивиран кога игра против „Кингси“, а со оглед на формата во која се наоѓа на почетокот на сезоната, дополнителна мотивација и не му е потребна. Така, Дончиќ повторно ја покажа својата сила и докажа дека во моментов е главен кандидат за МВП-наградата, бидејќи никој не е ни блиску до бројките што ги остварува Словенецот.

YouTube video

Дополнително, тимот на Лејкерс изгледа многу подобро отколку минатата година.

Претходната вечер, Лука Дончиќ постигна 40 поени, оствари девет скока и седум асистенции. Во играта на Лејкерси, апсолутно сè се врти околу него, па овој пат тој „ги држеше сите конци во свои раце“ додека беше на теренот. Имаше солиден шут од 11 од 23, погоди шест тројки, а единствена негативност беа шесте изгубени топки.

Дончиќ стана првиот кошаркар во историјата на НБА кој на шест натпревари по ред остварил повеќе од 35 поени, пет скока, пет асистенции и пет погодени тројки, а никој досега нема постигнато повеќе од 300 поени и 50 асистенции во една НБА сезона побрзо од него.

И што е најинтересно – тоа не е сè; Дончиќ е на прагот на бројки какви што во НБА не се видени уште од шеесеттите години на минатиот век.

Поточно, тој има најдобар просек во првите осум натпревари уште од времето на Вилт Чемберлен во 1963 година (52,3 поени), а го надмина и остварувањето на славниот Мајкл Џордан од сезоната 1986/87, кој тогаш имаше просек од 38,4 поени. Лука Дончиќ моментално има просек од 38,5 поени.

Тагови: ЛА Лејкерс Лука Дончиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Палента

Во четврток (29.10.2026) во емисијата гостин ни бeше Александар Терца Мишковски.

„Гответе со Дракче“ - Палента

Состојки за денешниот рецепт:

200 гр. палента

100 гр. кашкавал

50 гр. сирење

1 мала кисела павлака

20 гр. путер

сол, бибер,

сув зачин и свежо нане

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Здружение на млади паравници: За несобран отапд испратете фотографии на [email protected]

Македонското здружение на млади правници со интересна иницијатива, ги повикува граѓаните да пријавуваат локации во Скопје каде има несобран комунален отпад, со цел да се побара инспекциски надзор и реакција од надлежните институции.

Здружение на млади паравници: За несобран отапд испратете фотографии на contact@myla.org.mk

За да се документираат проблемите, граѓаните треба да испратат фотографија или видео од отпадот, точна локација, како и датум и време кога е направена снимката.

Пријавите може да се достават преку приватна порака или на електронската адреса на здружението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер