Авионот во тоа време бил над Индискиот Океан, соопштија од авио компанијата Џетстар, пренесе Си-Ен-Ен.
Видеото се појави на социјалните мрежи.
„Нашиот авион синоќа се врати во Денпасар (аеродром во Бали), откако патник предизвика вознемиреност обидувајќи се да ја отвори вратата од авионот, навредувајќи го и попречувајќи го персоналот“, се вели во соопштението.
Патничката по слетувањето ја презеле локалните власти на Бали, додаваат од компанијата.
Според видеото кое се појави на социјалните мрежи, жената која седела во задниот дел на авионот успеала да ја подигне рачката на вратата, но потоа бил активиран безбедносен сигнал кој го алармирал екипажот, по што капетанот зборувал на системот за јавно обраќање и ги предупредил патниците.
Откако ги известил присутните дека ситуацијата е под контрола, и дека ќе се врати во Денпасар, одекна громогласен аплауз.
Несоодветно однесување
Податоците од порталот за следење летови „Flightradar242“ покажаа дека авионот се свртел околу еден час по полетувањето, додека се уште бил над Индискиот Океан.
Џетстар не го прецизира точниот број на патници и членови на екипажот на летот од Бали до Мелбурн.
Слични инциденти на несоодветно однесување на патниците се забележани и претходно - од отворање на излези за итни случаи и лизгање на лизгалки за евакуација, до удирање и гризење на стјуардесите, до физички напади врз членовите на екипажот, кои често ги принудувале авионите да отстапуваат од планираните рути.