Драконски санкции за порно платформите- ЕУ се заканува со огромни казни, пристапот на децата не е оневозможен - Канал 5

Технологија

Драконски санкции за порно платформите- ЕУ се заканува со огромни казни, пристапот на децата не е оневозможен

Европската комисија соопшти дека четири главни порнографски платформи не успеале да го блокираат пристапот до децата, што е прекршување на Законот за дигитални услуги на Европската унија.

Драконски санкции за порно платформите- ЕУ се заканува со огромни казни, пристапот на децата не е оневозможен

Според прелиминарните наоди, Pornhub, Stripchat, XNXX и XVideos не успеале правилно да ги идентификуваат и проценат ризиците за малолетниците, како што е пропишано со Законот за дигитални услуги (DSA), пренесе Индекс.

Комисијата вели дека потпирањето на корисниците да се самопотврдат дека се полнолетни не се покажало ефикасно во спречувањето на пристапот до децата.

Истрагата беше започната во мај 2025 година.

- Иако во своите услови за користење наведуваат дека нивните услуги се наменети само за возрасни, сите четири платформи им дозволуваат на малолетниците да пристапат до нив со едноставен клик со кој се потврдува дека имаат над 18 години - вели Комисијата.

Истрагата беше започната во мај 2025 година и е една од најбрзите процедури спроведени според DSA. Порно платформите сега имаат право на пристап до докази и можност да се одбранат. Доколку наодите се потврдат, тие се соочуваат со казни до 6% од нивниот вкупен годишен глобален приход.

Stripchat одби да коментира, додека Pornhub, XNXX и XVideos сè уште не одговорија на барањата за коментар. Наодите доаѓаат во време кога ЕУ тестира безбедна апликација за проверка на возраста во шест земји што им овозможува на корисниците да докажат дека имаат над 18 години без да откриваат лични информации.

X на Маск досега е казнет

Висок функционер на Комисијата рече дека тоа е „најдобриот начин да се потврди возраста, а воедно да се зачува приватноста“ бидејќи не дозволува корисниците да бидат следени помеѓу платформите. Тој додаде дека и други решенија би можеле да бидат прифатливи. Pornhub веќе учествува во пилот-проектот, потврди друг функционер.

Комисијата, исто така, предупреди за начинот на кој платформите ги проценуваа ризиците во своите годишни извештаи. Како што се вели, „тие непропорционално ги нагласуваа деловните ризици, како што е оштетувањето на репутацијата, наместо социјалните ризици за малолетниците“.

Европската комисија досега изрече една казна на DSA, на платформата X на Илон Маск, додека некои други платформи, како што е AliExpress, се согласија да ги решат проблемите што ги идентификуваа.

Тагови: децата порно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер