Македонија

Драгиша Милетиќ: Коалицијата предводена од СДСМ ќе победи на изборите на 12 април

Добрососедството е патриотизам, а Македонија досега има најдобри односи со соседите, истакна на трибината под мотото „На прав пат", претседателот на Српската напредна странка во Македонија, Драгиша Милетиќ, чија партија е дел од коалицијата со СДСМ.

,,Не ме интересира што прави опозицијата, туку што прави нашата влада, а таа прави само добро за граѓаните, зголемување на плати, пензии, повеќе инвестиции и работни места, е тоа е вистински патриотизам, рече Милетиќ.

,,Не добивме преговори со ЕУ, но тоа не беше наш проблем, и тоа не е наш срам тоа е срам за ЕУ, но наша цел е Европа да дојде кај нас, и ние тоа го правиме. Работиме за граѓаните и државата и затоа Коалицијата предводена од СДСМ ќе победи на изборите, истакна Милетиќ во Валандово.

Свет

Киев: Русија ја нападна енергетската инфраструктура во три украински региони

Руските вооружени сили денеска ја нападнаа енергетската инфраструктура во три украински региони, соопшти украинскиот министер за енергетика Херман Халушченко.

Нападнати се објекти во областите Дњепропетровск, Ивано-Франковск и Лавов.

Халушченко информираше дека во нападот е оштетена енергетската опрема, а најмалку еден работник е повреден.

Тој на својот канал во апликацијата „Телеграм“ напиша дека сега се откстрануваат последиците од нападот.

Здравје

Одбележување на Европската недела на имунизација во Градски парк во Скопје

 Под мотото „Заштитуваме генерации“, со детските ликови „Биби и Боби“ и детска балетска претстава, денеска во  Градскиот парк во Скопје, на отворената сцена „Школка“, ќе биде одбележана Европската недела на имунизација.

На настанот организиран од Министерството за здравство, заедно со Институт за јавно здравје, СЗО и УНИЦЕФ, поддржани од УСАИД и ЕУ, обраќања ќе имаат евроамбасадорот Дејвид Гир, специјалната претставничка на СЗО д-р Ане Јохансен, претставничката на УНИЦЕФ д-р Патриција ди Џовани и претставник од Министерство за здравство.

- Заедно да ја подигнеме свесноста за важноста на имунизацијата, како значаен сегмент за градење колективен имунитет, спречување епидемии и обезбедување здрави поколенија, истакнуваат од Министерство за здравство.

Други спортови

Кикбоксерот Бобан Илиоски светски првак во ВАКО ПРО

 Најдобриот македонски кикбоксер Бобан Илиоски е нов светски професионален првак во кикбокс на ВАКО ПРО во дисциплината К1, до 88,6 кг, откако синоќа во борба за титулата го совлада Берк Дузенли од Турција.

Бодрен во СЦ „Јане Сандански“ од домашната публика и навивачката група „Комити“, Илиоски го совлада актуелниот аматерски светски првак со судиска одлука од 2-1.

Илиоски во ноември лани го освои златниот медал на Светското ВАКО првенство во категоријата лоу кик до 86 килограми и ја обедини светската и европската титула.

За своите успеси на меѓународната сцена Илиоски беше избран за спортист на Македонија во 2023 година.

притисни ентер