ЗдравјеДојче Веле: Германски научници открија антитело против ХИВНаучници во Келн открија ново антитело против ХИВ, кое во лабораториски услови покажа способност да ја спречи инфекцијата и да го неутрализира вирусот.Истражувачки тим предводен од директорот на Институтот за вирологија, Флоријан Клајн, проучи примероци од крв од 32 лица заразени со ХИВ кои самостојно, односно без терапија, развиле силен и широко ефективен имунолошки одговор преку антитела против вирусот, пишува Дојче веле. Како што се наведува, научниците во лабораторија тестирале повеќе од 800 различни антитела од тие примероци, испитувајќи ја нивната способност да го неутрализираат ХИВ вирусот, а едно од нив, означено како 04_A06, посебно се истакнало. Ова антитело го блокира местото преку кое вирусот се врзува за клетките на домаќинот за време на инфекцијата. На тој начин се спречува влегувањето на ХИВ вирусот во клетките. Кога вирусот ќе влезе во клетката, тој ги презема нејзините функции и ги користи за сопствено размножување, со што долгорочно го слабее имунолошкиот систем. Се додава дека планот за производство на антителото се наоѓа во човечкиот имунолошки систем, во Б-лимфоцитите, кои, кога ќе дојдат во контакт со патогени, созреваат во плазма клетки кои произведуваат големи количини антитела, вклучувајќи го и 04_A06. Истражувачите го дешифрирале генетскиот план за негово создавање и успеале да го репродуцираат. - Значи, веќе не е потребно да се зема крв од пациенти, туку тој генетски план може да се вметне во друга клетка и да ѝ се нареди да го произведува тој протеин, односно тоа антитело, рече Клајн. Дојче Веле понатаму наведува дека, во експериментите на глувци кои носеле компоненти на човечкиот имунолошки систем и кои биле заразени со ХИВ, антителото 04_A06 успеало целосно да го неутрализира поголемиот дел од ХИВ вирусите. Истражувачите спровеле тестови на околу 340 различни варијанти на ХИВ, вклучувајќи ги и оние кои веќе биле отпорни на други антитела. „Вирусите се многу разновидни, и тоа е причината зошто е толку тешко да се лекува ХИВ, бидејќи постои голема генетска разновидност меѓу вирусите“, рече Клајн и додаде дека новооткриеното антитело успеало да неутрализира 98 отсто од тестираните варијанти. Според него, 04_A06 би можело да им помогне на луѓето кои се веќе заразени со ХИВ, бидејќи на вирусот му го оневозможува пристапот до клетката. „Се врзува за рецепторот на вирусот, го блокира и на тој начин го спречува да ја зарази целната клетка. Освен тоа, вирусите кои се означени со антитела полесно се препознаваат и уништуваат од страна на имунолошкиот систем. Ова антитело би можело да се користи и превентивно, за да се спречи ХИВ инфекција – ако антителото веќе постои во телото, вирусот што ќе влезе би бил веднаш запрен пред да успее да ја зарази клетката“, рече тој. Дојче Веле наведува и дека новото антитело би можело да дејствува како т.н. пасивна имунизација, за разлика од активната имунизација која подразбира вакцина која му овозможува на телото само да произведува антитела, но засега таква вакцина не постои. Се појаснува дека постојат истражувања со mRNA вакцина, која би требало да го поттикне имунолошкиот систем да реагира на одреден протеин од обвивката на ХИВ вирусот, но овој пристап досега е тестиран само на една варијанта на вирусот. Во моментов, различни лекови во форма на таблети или инјекции се користат за профилакса против ХИВ инфекции, и тоа со голем успех, но таблетите најчесто мора да се земаат секојдневно. Идејата зад профилаксата со антитела како што е 04_A06, објаснува Клајн, е тоа што може да се избегне секојдневното земање таблети, бидејќи би постоела веројатност поголема од 90 отсто инфекцијата да се спречи. „Профилаксата со антитела би се земала приближно на секои шест месеци“, рече Клајн. Директорката на Институтот за медицинска вирологија на Универзитетот во Цирих, Александра Тркола, вели дека досега веќе се откриени и други антитела со широко дејство против ХИВ, но дека 04_A06 е дефинитивно исклучително силен претставник на таа групација. „Теоретски, 04_A06 само постигнува ефикасност која инаку се достигнува само со комбинација на повеќе антитела“, рече таа. Шефот на Одделението за инфективни болести на Универзитетската клиника „Рехтс дер Изар“ во Минхен, Криштоф Шпинер, смета дека може да помине доста време до развој на вистински лек врз основа на 04_A06 и додава дека резултатите од Келн засега се само лабораториски податоци, поради што ефикасноста не може директно да се пренесе на реални животни услови. „Потребни се дополнителни студии за дозирањето, безбедноста и ефикасноста на антителото“, рече тој. Од 1981 година, кога болеста стана позната, СИДА-та одзеде 44 милиони животи ширум светот и се смета за една од најтешките епидемии во историјата на човештвото. Иако бројот на смртни случаи со текот на времето опадна благодарение на едукацијата и превентивните мерки, луѓето сè уште умираат од последиците на оваа болест, а само во 2024 година, од СИДА во светот умреле околу 630.000 луѓе. Светскиот Ден за борба против СИДА се одбележува секој 1 декември од 1988 година.Тагови: научници ХИВ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЗабаваФото: Ревија на костими за капење на „Sports Illustrated Swimsuit“Списанието „Sports Illustrated Swimsuit“ секоја година организира ревија на костими за капење во Мајами. Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава. Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер. Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење. Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Шоу бизФото: Секси русокосата не препушта ништо на случајностаАктерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица. Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи. Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите. Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЕпидемиолошката состојбата во Гостивар останува стабилна – велат од министерството за здравство15:00Вечерва во 21 часот и 54 минути почувствуван земјотрес во Скопје и околината08:56 Од крушевската република до АСНОМ – денес се одбележува 2. август празникот што ги обединува историјата и идеалите15:00Мицкоски: Битката на оваа генерација е да ја победи омразата, цинизмот и талогот што ја трујат Македонија12:09Гостиварци сè уште чекаат питка вода: Мицкоски најавува резултати од хиперхлорирањето15:00
Од крушевската република до АСНОМ – денес се одбележува 2. август празникот што ги обединува историјата и идеалите15:00
Мицкоски: Битката на оваа генерација е да ја победи омразата, цинизмот и талогот што ја трујат Македонија12:09
ФудбалВеќе 21 фудбалер се платени повеќе од 100 милиони евра за трансферДали фудбалерите навистина вредат толку многу? Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот. Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид. Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра. Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл. Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано. Доаѓањето на клубови во сопственост на држави и милијардери дополнително го зголеми бројот на вакви трансфери. Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона. Само неколку недели подоцна, ПСЖ го доведе и Килијан Мбапе од Монако за 180 милиони евра. Ако има еден клуб што доминира на оваа листа, тоа е Челзи. Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц. Клубови од Премиер лигата учествуваа во дури 11 од вкупно 22 трансфери вредни над 100 милиони евра. Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид. Франција е претставена од ПСЖ, додека единствениот претставник на Серија А е Јувентус, поради Кристијано Роналдо. Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера. Барселона и ПСЖ заедно платија речиси 400 милиони евра за неговите трансфери. На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони. Трансфери над 100 милиони евра: 1.Нејмар – 222 милиони евра (Барселона → ПСЖ) 2.Килијан Мбапе – 180 милиони евра (Монако → ПСЖ) 3.Александар Исак – 145 милиони евра (Њукасл → Ливерпул) 4.Морган Роџерс – 138 милиони евра (Астон Вила → Челзи) 5.Елиот Андерсон – 135 милиони евра (Нотингем Форест → Манчестер Сити) 6.Жоао Феликс – 127,2 милиони евра (Бенфика → Атлетико Мадрид) 7.Флоријан Вирц – 125 милиони евра (Баер Леверкузен → Ливерпул) 8.Енцо Фернандес – 121 милиони евра (Бенфика → Челзи) 9.Филипе Кутињо – 120 милиони евра (Ливерпул → Барселона) 10.Антоан Гризман – 120 милиони евра (Атлетико Мадрид → Барселона) 11.Џек Грилиш – 117,5 милиони евра (Астон Вила → Манчестер Сити) 12.Мојсес Каиседо – 116 милиони евра (Брајтон → Челзи) 13.Еден Азар – 115 милиони евра (Челзи → Реал Мадрид) 14.Ромелу Лукаку – 113 милиони евра (Интер → Челзи) 15.Кристијано Роналдо – 112 милиони евра (Реал Мадрид → Јувентус) 16.Сандро Тонали – 108 милиони евра (Њукасл → Тотенхем) 17.Пол Погба – 105 милиони евра (Јувентус → Манчестер Јунајтед) 18.Усман Дембеле – 105 милиони евра (Борусија Дортмунд → Барселона) 19.Џуд Белингем – 103 милиони евра (Борусија Дортмунд → Реал Мадрид) 20.Герет Бејл – 101 милион евра (Тотенхем → Реал Мадрид) 21.Каи Хаверц – 100 милиони евра (Баер Леверкузен → Челзи)Тагови: милиони Фудбал Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter