Претходно беше решено дека априлската пленарна седница нема да се одржи во Стразбур на 1 и 2 април туку во Брисел ќе се одржи мини-пленарна сесија. Денес, таа седница е откажана, како и онаа закажана за 22-23 април во Брисел. Наместо тоа, ќе има еднодневна видео сесија во Брисел на 10 април.
Наместо претходно закажаната пленарна сесија од 11 до 14 мај во Стразбур, дводневна седница ќе се одржи на 13 и 14 мај во Брисел, а наместо сесијата на Стразбур од 15 до 18 јуни, европратениците ќе се состанат на 17 и 18 јуни во Брисел.
Наместо седницата од 6-9 јули во Стразбур, мини-пленарна сесија ќе се одржи на 8-9 јули во Брисел.
Никогаш немало пленарни сесии во август и целиот Европски парламент е на колективен одмор.
Сасоли најави дека понатамошниот тек на настаните ќе биде разгледан во согласност со развојот на состојбата во врска со пандемијата на коронавирус.
Европскиот парламент има две седишта, едно во Брисел и едно во Стразбур, додека дел од администрацијата е во Луксембург. Според правилата, 12 пленарни седници се одржуваат годишно во Стразбур. Седниците се одржуваат еднаш месечно, а бидејќи нема во август, во септември се одржуваат две пленарни сесии. Овие сесии траат четири дена. Пратениците се состануваат кога е потребно на пленарни сесии во Брисел, кои обично траат два или понекогаш еден ден и затоа се нарекуваат мини-пленарни сесии.
Пленарните сесии во Стразбур веќе долго време беа предмет на остри критики, бидејќи се проценува дека чинат околу 200 милиони евра годишно. Околу 5.000 лица, парламентарни функционери, персонал, пратеници и нивни помошници се преселуваат во Стразбур 12 пати годишно, заедно со неколку камиони документи и опрема.
Сепак, на укинувањето на седиштето во Стразбур остро се спротивставува Франција, така што има мали шанси ова да се промени бидејќи одлуката бара консензус.