ДКСК: Иницијативи за кривично гонење на в.д директорот на Агенцијата за филм ..

Иницијативи за кривично гонење на в.д директорот на Агенцијата за филм и за сегашниот и поранешни директори на Радовиш.

Државната комисија за спречување на корупција (ДКСК) на денешната седница донесе одлука да поднесе иницијатива за одговорност до Владата и за кривично гонење за несовесно работење и трошење на буџетски средства на директорот на Агенцијата за филм.

Претседателката на ДКСК Билјана Ивановска детално го образложи случајот со Агенцијата за филм, ревизорските извештаи за финансиското работење на Агенцијата и документите што се проверувани, меѓу кои и за вработувањата во Агенцијата и ангажирање експерти и лица со договор на дело.

Ивановска истакна дека Владата треба да ги слуша нивните препораки и да ги препрочитува ревизорските извештаи.

-Глава не можеме да кренеме од партиски вработувања, вели претседателката на ДКСК во однос на ангажирањето на вршители на должност во некои институции и вработени со авторски договори.

Иницијатива за кривично гонење ДКСК усвои и за актуелниот и поранешни градоначалници на Радовиш затоа што 12 пати ангажирале лице како вршител на должност директор на јавното претпријатие „Плаваја“ Радовиш без објавување оглас.

Членот на Комисијата Нури Бајрами, кој рефереираше за случајот, рече дека за ангажирање на ова лице не е објавен оглас ниту еднаш, оти нема можност и за други кандидати односно му се овозможува само на едно лице да се вработи и функционерска плата. Според него, нема како да се нарече оваа ситуција освен дека е корупција и упад во правниот систем.

Во проверката на документацијата е утврдено дека лицето има соодветно високо образование.

До ДКСК се стасани материјали и за случајот со Клиниката за онкологија, но тие ќе бидат проследени до надлежните институции имајќи предвид дека за него веќе се води истрага во Обвинителството.

На почетокот на денешната седница, ДКСК го разгледа Извештајот на ЕК во делот што се однесува на нивната работа.

Претседателката Ивановска рече дека без разлика што веќе петта година се во Комисијата, ефектот од нивната работа не може да дојде до целосна реазлизација поради неспроведување на нивните иницијативи од страна на институциите, Владата и други органи. Не знам, вели таа, како да се мотивираат институциите да ги спроведуваат иницијативите на антикорупциската комисија.

Таа изрази надеж дека наредниот состав на Комисијата, за којшто веќе е распишан оглас, ќе ја надмине нивната работа во позитивна смисла бидејќи има добра основа за тоа.

- Се надевам дека свеста кај институциите, кај раководната структура, кај лидерите, кај сите ќе проработи и да знаеме дека од нас се зависи и дека навистина мораме сериозно да се зафатиме со овој проблем, рече Ивановска.

Членот на ДКСК Владимир Георгиев рече дека оценката во Изештајот е дека назадуваме.

-Нема прогрес што е две скалила подоле, вели тој додавајќи дека се наведени многу причини за оваа состојба во Судскиот совет, во судството, изборот на првиот човек на обвинителството за организиран криминал, носењето на Кривичниот законик, ниска имплементација од Националната стратегија само 10 отсто, корупциски афери и скандали...

На денешната седница, ДКСК разгледа и други предмети.

УЕФА ќе ја казни Албанија поради политички пораки

 УЕФА објави дека ќе ја казни Фудбалската федерација на Албанија. Причината е што навивачите на „орлите“ користеа пиротехнички средства за време на пресметката со Италија во групната фаза на ЕП 2024. 

Покрај тоа, албанските навивачи кренаа плакати со политички пораки кои ги дискриминираа другите етнички групи, но главно Србите.

-Фудбалскиот празник не треба да се затемнува. Ваквите акции немаат место на стадионите. Не сакаме играта да стане катализатор на омраза. Допрва ќе разговараме за големината на санкцијата, соопшти организацијата.

Албанија и Србија имаат долгогодишен конфликт околу ситуацијата во Косово, при што контроверзноста често се прелева на спортски настани.

Следниот натпревар на Албанија е против Хрватска и ќе се игра на 19 јуни.

Одбор за акредитација на високото образование: Поништена акредитацијата

Одбор за акредитација на високото образование: Поништена акредитацијата на Проектот за основање на Факултет за здравствени науки на Меѓународниот универзитет во Струга.

Одборот за акредитација на високото образование на денешната седница донесе Одлука за поништување на акредитацијата на проектот за основање на Факултет за здравствени науки на приватната високообразовна установа Меѓународниот Универзитет во Струга.

-Со оваа Одлука на Одборот за акредитација на високото образование се поништуваат и сите други правни дејства во врска со почеток со работа на Факултетот за здравствени науки на приватната високообразовна установа Меѓународниот Универзитет во Струга, соопштија од Одборот за акредитација на високото образование.

Почна со работа отворениот базен во Куманово

Почна со работа отворениот базен во рамки на спортскиот комплекс базени Куманово, информираа денеска надлежните од јавното претпријатие „Куманово паркинг“, кој менаџира со базенот.

Базенот ќе работи секој ден од 10 до 18 часот.

- Претходно се чистеше самиот базен и неговата околина, цевките, водните пумпи, одводот, беа извршени поправки онаму каде што имаше потреба. Подготвени сме да ги примиме рекреативците, да овозможиме забава за сите генерации кои во жешките денови сакаат да се разладат. Секако дека има правила на користење и тие сите ќе мора да ги почитуваат, изјави Сашо Петрушевски, директор на ЈП „Куманово паркинг“

И оваа сезона за капачите ќе се грижат вработените-спасители на вода и медицински персонал. Цената за влезот е непроменета и изнесува 150 денари за ден.

притисни ентер