Џон Леџенд го прекина 20- годишното пријателство со Канје Вест поради Трамп и политиката

Музичарите Џон Леџенд и Канје Вест повеќе не се пријатели, како што самиот Леџенд откри во подкастот The Axe Files на Дејвид Акселрод, велејќи дека нивната 20-годишна врска не е ни блиску до она што беше некогаш.

„Ние не сме пријатели како порано, искрено верувам дека тоа е затоа што јавно не се согласивме за неговата претседателска кандидатура и неговата поддршка за Доналд Трамп. Мислам дека тоа стана премногу за нашето пријателство“, рече Леџенд.

Во април 2018 година, двајцата се судрија околу пораките за поддршка на Канје за Трамп, а Леџенд му рече на раперот: „Толку многу луѓе кои те сакаат се чувствуваат изневерени во моментов затоа што знаат каква штета предизвикува политиката на Трамп, особено на обоените луѓе. не дозволувај тоа да биде дел од твоето наследство“.

Леџенд, исто така, објасни како Вест бил лут на него што не ја поддржал неговата неуспешна претседателска кандидатура во 2020 година. „Патем, не беше единствениот“, забележа водителот Акселрод. „Не бев единствениот, но знаете, тој не беше среќен поради тоа. И оттогаш навистина не сме блиски“, возврати Леџенд. Познатиот пејач објасни каков е Канје како личност.

„Мислам дека тој беше многу отворен за тоа кој е, а исто така беше многу отворен за неговите борби со менталното здравје. И тој е многу реален, искрено. Затоа, мислам дека нема многу работи за него што луѓето не ги сфаќаат. Тој исто така беше доста отворен во своите мислења, неговите борби, сите работи со кои се соочува. И мислам дека со него најмногу го добивате она што го гледате“, заклучил Леџенд.

Русија од денеска ги намалува можностите на инвеститорите од „непријателските земји“

Централната банка на Русија денеска објави мерки кои имаат за цел да ги спречат инвеститорите од „непријателските“ земји да ги искористат придобивките што им овозможуваат на оние од „пријателските земји“ да продолжат да тргуваат на Московската берза.

Московската берза во петокот објави дека ќе им дозволи на клиентите од пријателските земји, или оние кои не ја санкционирале Русија поради војната во Украина, да започнат со тргување по речиси половина година пауза.

Но, подоцна било кажано дека ова ќе важи само за пазарот на деривати, а не за главната берза, и не било кажано кога ќе биде дозволен поширок пристап. Аналитичарите веруваат дека доцнењето делумно се должи на загриженоста дека инвеститорите од ЕУ, САД и Обединетото Кралство, на кои во моментов им е забрането да тргуваат во Москва, би можеле да го искористат континуираното тргување со инвеститори од земји што Русија ги смета за пријателски како задна врата за тргување со руски акции, кои се во нивна сопственост.

Централната банка денеска објави дека шест месеци ги блокира руските депозитари и регистри да извршуваат трансакции поврзани со хартии од вредност добиени од странски партнери, вклучително и од пријателски земји.

Регулаторот објавил дека забележал како брокерите нудат опција за купување хартии од вредност од резиденти на странски земји и потоа нивно пренесување во руски депозитар, потег што се опишува како ризичен и „без гаранција за очекуваниот финансиски исход“. Западните санкции го ограничија пристапот на Русите до светските берзи, додека контрамерките од Москва исто така ги блокираа повеќето странци да купуваат и продаваат руски акции.

Од утре стапува на сила планот на ЕУ за заштеда на гас, некои земји се изземаа

Планот на Европската унија за дејствување во вонредни ситуации, кој се однесува на подготовка за евентуален прекин на снабдувањето со руски гас, стапува на сила утре откако вчера беше објавен во службениот весник на ЕУ.

Според планот, земјите-членки на ЕУ треба доброволно да ја намалат потрошувачката на гас за 15 отсто во периодот од 1 август до 31 март следната година, во споредба со просечната потрошувачка во истиот период во изминатите пет години.

Податоците на ЕК покажуваат дека треба да се заштедат вкупно 45 милијарди кубни метри гас за да се постигне зацртаната цел. Германија треба да потроши околу 10 милијарди кубни метри помалку од претходниот период.

Крајната цел на заштедите е да се подготват за можен целосен прекин на испораката на руски гас за земјите од ЕУ, откако Москва во последните месеци значително го намали снабдувањето.

Во случај на голем недостиг на гас, новиот план за вонредни ситуации предвидува и можност за задолжителни заштеди.

Најмалку 15 земји-членки на ЕУ, кои сочинуваат околу 65 отсто од вкупното население на блокот, ќе треба да дадат одобрение за активирање на таквата мерка.

Неколку земји, меѓу кои Италија и Шпанија, си обезбедија изземање од таквата ситуација.

Планот за вонредни состојби ќе остане на сила една година.

Американците со опомена до Русите: Прекинете ги борбените дејства околу нуклеарката Запорожје

Белата куќа се приклучи на размената на обвинувања меѓу Украина и Русија во врска со нуклеарната централа Запорожје.

Да потсетиме, Русите и Украинците меѓусебно се обвинуваат за гранатирање и ракетирање на областа на нуклеарната централа.

Портпаролката на Белата куќа Карин Жан-Пјер денеска изјави дека „борбите во нуклеарната централа се опасни“, додавајќи дека руските сили, кои ја окупираа нуклеарната централа Запорожје на почетокот на војната, треба да ја предадат „целосната контрола“ на нуклеарната централа во Украина.

Таа рече дека САД внимателно ја следат ситуацијата околу Запорожје и додаде: „За среќа, сензорите за радијација досега не покажаа никакви индикации за зголемени или абнормални нивоа на радијација“.

Жан-Пјер тврди дека Америка е запознаена со извештаите за рускиот третман на персоналот на нуклеарната централа и додаде: „Им честитаме на украинските власти и оператори за нивната посветеност на нуклеарната безбедност под овие тешки околности“.

притисни ентер