Џоана ќе се кандидира за претседател на Романија откако ќе му заврши мандатот во НАТО - Канал 5

Џоана ќе се кандидира за претседател на Романија откако ќе му заврши мандатот во НАТО

Тој рече дека одлуката да влезе во трката за претседател на Романија не била лесна.

Џоана ќе се кандидира за претседател на Романија откако ќе му заврши мандатот во НАТО

Заменик генералниот секретар на НАТО, Мирчеа Џоана денеска соопшти дека одлуката да се кандидира на претседателските избори во Романија е негова лична одлука, но оти одлуката за тоа официјално ќе ја соопшти кога ќе му заврши мандатот во Северноатлантската алијанса на 1 октомври.

- На политичко и институционално ниво морам да ги почитувам правилата на игра во НАТО и веднаш штом ќе ми заврши мандатот ќе објавам официјално соопштение, што ќе се случи наскоро, изјави Џоана за приватната телевизија Диги24.

Тој рече дека одлуката да влезе во трката за претседател на Романија не била лесна.

- Тоа е одлука која со себе носи одредено ниво на одговорност на лично ниво, а во исто време се консултирате со семејството, пријателите, луѓето кои ве поддржуваат … Тоа не е нешто со кое си играте, туку така. Разговарав со многу, со голем број луѓе, разговарав со романскиот народ, ширум земјата. Разговарав и со дијаспората и мислам дека Романците во овој момент се подготвени за вистинска промена, рече Џоана.

Според него, овие претседателски избори се „веројатно најважната работа низ која минува Романија во изминатите, ако не 35, барем 20 години“.

- Со целото мое срце се надевам дека сите Романци, како и другите етнички групи, исто така и романската дијаспора, ќе излезат во голем број да гласаат, бидејќи се одлучува за иднината. Не зборувам само за следните пет или десет години, зборувам за следните генерации, истакна Џоана.

Првиот круг од претседателските избори во Романија ќе се одржи на 24 ноември, а доколку е потребно, вториот круг ќе биде на 8 декември. Мандатот на актуелниот претседател Клаус Јоханис истекува во декември и со оглед на тоа што двапати беше претседател, тој нема право на реизбор. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трагедија во туристички рај: Десетина мртви и повредени во пожар во Пукет (ВИДЕО)

Единаесет лица загинаа, а 16 други се повредени во пожар што зафати бензинска пумпа на тајландскиот остров Пукет, познат како туристички рај, соопштија официјални лица.

Трагедија во туристички рај: Десетина мртви и повредени во пожар во Пукет (ВИДЕО)

Пожарот на патот Фангмуанг Саи Кор избувна околу 3:15 часот наутро кога трансформатор експлодираше покрај патот, зафаќајќи бензинска пумпа на монети пред продавница за изнајмување мотоцикли, објави „Бангкок пост“.

Пожарот прво зафати една продавница, а потоа се прошири на четири соседни продавници во четирикатна зграда. На пожарникарите им беа потребни околу два часа за да го стават пожарот под контрола.

Канцеларијата за односи со јавноста во Пукет соопшти дека бензин и мазива се складирани и во продавницата за мотоцикли и дека работниците живеат на горните катови од зградата. Осум жени и тројца мажи загинаа во пожарот, додека четири мажи и 12 жени беа повредени.

Командантот на полицијата во Пукет, генерал-мајор Сурачаи Суксаи, рече дека полицијата има снимки од надзор и сведоци и веќе ја исклучила можноста за палење.

Гувернерот на Пукет, Чотенарин Кердсом, рече дека првичната истрага утврдила дека веројатно се случил краток спој на столб на трафостаница пред продавница за мотоцикли за време на бурата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дебата во Собранието за извештаите на ЕК за владеењето на правото

Во Брисел самит, а во Скопје дебата околу извештаите на ЕУ за владеењето на правото.. 

Дебата во Собранието за извештаите на ЕК за владеењето на правото

Корупцијата го кочи напредокот на земјата кон Унијата, затоа е потребно функционално владеење на правото и доследното спроведување на законите за враќање на довербата во правосудството, порача известувачот за Македонија во Европскиот парламент Томас Вајц. Тој во видео обраќање пред македонските пратенции во дебата посветена на владеењето на правото порача дека земјава ги спровела реформите и дека доколку го надмие спорот со Бугарија може да биде предводник во преговорите со ЕУ. Дека е потребно усвоените реформи во правосуството да не останат на хартија, туку да се спроведат и на дело од дебатата порачаа и швајцарскиот и шведскиот амбасадор во земјава.

За последните оценки во Извештајот за напредокот на земјава во однос на влАдеењето на правото и борбата против правосуството ставовите ги вкрСтија и власта и опозицијата.

На собраниската дебата беа презентирани забалешките за владењето на правото кои се повтруваат во псоледните три извештаи од Европската Комисија, а кои пред се се однесуваат на борбата против корупцијата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонското друштво за патишта се зачлени во Европската асоцијација за асфалтни коловози – ЕАПА

Македонското друштво за патишта се зачлени во Европската асоцијација за асфалтни коловози – ЕАПА..

Македонското друштво за патишта се зачлени во Европската асоцијација за асфалтни коловози – ЕАПА

Со ова членство се овозможува поголема вклученост на македонските стручни кадри во европските професионални мрежи како и можност за следење на новите технологии и стандарди во областа на асфалтните коловози.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер