Џенифер Анистон си заминала од снимање на филмот за „Пријатели“: Беше вознемирувачки (ВИДEO) - Канал 5

Шоу биз

Џенифер Анистон си заминала од снимање на филмот за „Пријатели“: Беше вознемирувачки (ВИДEO)

Во неодамнешно интервју, Џенифер Анистон призна дека неколку пати го напуштила снимањето на специјалното шоу во кое се прикажува повторното обединување на Пријатели.

Џенифер Анистон си заминала од снимање на филмот за „Пријатели“: Беше вознемирувачки (ВИДEO)

Таа за „Холивуд репортер“ изјавила дека снимањето ја потсетувало на тешките времиња и дека ја преплавиле емоции.

Покрај снимањето на филмот, таа во интервјуто се осврнала и на кариерата по завршувањето на серијата, која не напредувала како што планирала.

„Сè беше многу вознемирувачко и, се разбира, насекаде имаше камери, а мене ме обзедоа емоции. Затоа морав да го напуштам снимањето во одреден момент. Не знам како заврши во финалната верзија на филмот“, рече Џенифер.

Таа продолжила да зборува за тоа како се чувствувала кога се вратила на поранешниот сет на серијата.

„Патувањето низ времето е тешко. Мислам дека сите бевме толку наивни кога влеговме во тоа, мислејќи: „Колку ќе биде забавно ова? Тие повторно го составуваат сетот, токму онака како што беше. Потоа доаѓаш и велиш дека не си размислувал што се случило последниот пат кога си била таму. Само ме изненади затоа што беше како: „Здраво, минато, се сеќаваш ли на мене? Се сеќаваш ли колку беше тешко? мислеа дека те чекаат добри работи и дека животот ќе биде прекрасен, а тогаш го поминав можеби најтешкиот период во животот?“, изјавила Џенифер.

Кога во интервју била прашана што ја направило емотивна на снимањето, таа објаснила дека се потсетила на актерската кариера по Пријатели.

„Имаше повеќе лични работи кои очекував да се променат. Сите имавме идеја за тоа како ќе изгледа нашата иднина и на што ќе се фокусираме, а потоа сè се смени преку ноќ и тоа беше тоа. Но, повторно, да, тоа беше тоа. Сè не се случи, а јас немаше да седам овде како жена што сум денес“, истакнала таа.

Таа се осврнала и на пресметката со таблоидите кои често пишувале за нејзиниот живот. Особено по разводот од Бред Пит.

„Дали е срамно во јавност да поминувам низ темните ср**а на мојот живот? Да, срамно е, но имав избор. Можев да се кријам и да живеам под ќебе и да продолжам да живеам и да напредувам, што и го направив. Првите промени се случија со филмот The Break-Up “, коментира актерката.

YouTube video

Friends: The Reunion излезе претходно оваа година на платформата за стриминг HBO и ги собра омилените ликови и гости од серијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер