Шоу биз

Џенифер Анистон имала мајка од пеколот: Ми зборуваше дека сум грда и дебела, зашто личам на татко ми (ФОТО)

Џенифер Анистон е една од најомилените холивудски актерки која стекна светска слава со улогата на Рејчел Грин во култната комедија серија „Пријатели“.

Иако денес е симбол на успех и харизма, нејзиниот приватен живот беше обележан со еден од најтешките семејни односи во светот на познатите личности, односот со нејзината мајка Ненси Дау.

Нејзините родители, Ненси Дау и Џон Анистон, исто така беа актери, но Џенифер го помина детството во атмосфера која, според неа, беше далеку од топла и поддржувачка. Таа имаше исклучително комплициран и турбулентен однос со нејзината мајка што имаше длабоки последици врз нејзината самодоверба.

Со години, актерката отворено зборуваше за критиките што ги трпела како дете. Таа нагласи дека нејзината мајка често ѝ испраќала пораки што ја кршеле емоционално и го обликувале нејзиното чувство за вредност.

„Таа беше многу критична кон мене затоа што беше манекенка. Таа беше убава и зачудувачка, а јас не бев“,изјави таа за „Холивуд репортер“.

Џенифер, исто така, откри дека нејзината мајка ја навредила затоа што го наследила својот изглед од нејзиниот татко, Џон Анистон, и дека ѝ велела дека е грда и дебела. Ваквите зборови, призна таа, ја натерале долго време да верува дека не е доволно добра.

Раскинувањето на врската се случило кон крајот на 1990-тите, кога Ненси Дау објавила мемоари во кои открила приватни детали од детството и животот на Џенифер. Книгата била насловена „Од мајка и ќерка до пријатели“, но за актерката тоа бил момент на длабоко разочарување и чувство на нарушена приватност.

По објавувањето на книгата, Џенифер го прекинала контактот со својата мајка и дури не ја поканила ниту на свадбата со Бред Пит во 2000 година. Тој период го означил нивното целосно отуѓување.

Сепак, животот донел неочекуван пресврт. Кога Ненси Дау дознала дека има сериозни здравствени проблеми, нејзиниот однос со ќерка ѝ почнал полека да се менува. Во тој период, Џенифер повторно била со неа. Ненси починала во 2016 година, а актерката успеала да најде внатрешен мир и прошка.

Таткото на Џенифер, Џон Анистон, починал во 2022 година, што исто така било тешко за актерката.

Со текот на годините, таа често беше јавно критикувана затоа што немала деца, со тврдења дека ја ставала кариерата пред семејството. Таа одговори на овие коментари дури подоцна, откривајќи дека зад сè стои многу лична и тешка борба.

„Луѓето не ја знаеја мојата приказна, ниту низ што поминав во последните дваесет години обидувајќи се да основам семејство. Поминав низ асистирани репродуктивни процедури и пробав секој можен метод. Тоа не е ничија работа, но доаѓа момент кога повеќе не можете да молчите“, рече таа во интервју за Harper's Bazaar UK.

Таа откри дека била подложена на третмани со ин витро фертилизација и дека сега жали што не ги замрзнала јајце-клетките порано. Како што рече, во тој период направила сè што можела, но без успех.

„Во моите доцни триесетти и четириесетти години, поминав низ некои навистина тешки времиња. Пиев секакви чаеви, пробав сè. Сега знам дека времето поминало“, искрено призна таа. Неодамна, Џенифер повторно пронајде емоционална стабилност и среќа во љубовта. По браковите со Бред Пит и Џастин Теру, нејзиното срце го освои хипнотерапевтот Џим Кертис. Блиски извори тврдат дека актерката изгледа посмирена и посреќна со него отколку порано, што го забележале нејзините обожаватели ширум светот.

Тагови: Џенифер Анистон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска почнува судењето на Артан Груби: Можен ли е политички потрес?

По пола година од враќањето во земјава, поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот.

Груби додека траеше истрагата првично беше обвинет за потешко кривично дело „проневера во службата“ за кое затворската казна трае и до 20 години, но подоцна истото беше преквалификувано во злоупотреба на службената положба. Тој и уште седум лица се товарат за злоупотреби во „Државна лотарија“. Обвинителниот предлог беше поднесен пред десет дена на 13-ти август, а Груби кој е второбвинет во предметот во моментот се наоѓа во куќен притвор. Првообвинет е Прпарим Бајрами, претседател на Управниот одбор и Генерален директор на Државна лотарија. Тој и натаму е во бегство и е недостапен на органите на прогонот.

Според ОЈО обвинетите иако биле свесни дека Лотарија немала право да приредува електронски игри на среќа на видеолотариски терминали на територијата на државата, сепак започле постапка за набавка на видеолотариски терминали вредна стотици милиони денари, при што го оштетиле акционерското друштво за околу 8,2 милиони евра. Груби, како што е наведено во обвинението на владина седница одржана на 6ти јуни 2023 постапил спротивно на деловникот за работа на Владата и го заобиколил пропишаниот начин на одлучување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно и топло, попладне локален пороен дожд, грмежи и ветер

Времето денеска ќе биде променливо облачно и топло со сончеви периоди. Попладне ќе има локален пороен дожд, грмежи и засилен ветер.

Наместа ќе има услови за невреме со силен ветер и појава на град. Ќе дува слаб до умерен ветер од југоисточен правец, информира УХМР.

Минималната температура ќе биде во интервал од 13 до 22, а максималната ќе достигне од 30 до 38 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 37 степени.

Во текот на новата седмица времето ќе биде претежно стабилно и сончево со мала до умерена облачност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. август 2026 година

Дневен хороскоп за понеделник, 24. август 2026 година.

Девица 23.8.-23.9.

Љубов

На дневен ред ќе испливаат некои работи од минатото од вашето семејстов , што ќе мора денеска да ги решите.

Кариера

Подготвени сте привремено да се повлечете , зашто насетувате дека така би ви одговарало.На некој начин сте во право.

Здравје и совет

Сѐ повеќе работи ве заморуваат.

Вага 24.9.-23.10

Љубов

Веројатно ќе ви се отворат нови љубовни шанси , а со своето однесување вие ќе ги поттикнувате.

Кариера

Понекогаш ви се чини дека пред вас се задачи што не сте ги очекувале, но тие ќе ве надополнат и збогатат.

Здравје и совет

Прифатете сѐ што доаѓа.

Шкорпија 24.10-22.11.

Љубов

Пред вас е уште еден успешен љубовен ден.Секој вид контакт добро е поставен , па обидете се да бидете меѓу тие луѓе.

Кариера

Вашата драматичност на многумина им е здодевна. Сега ви преостанува нов стил , што значи да работите тивко и професионално.

Здравје и совет

Јадете помалку , движете се повеќе.

Стрелец 23.11.-21.12.

Љубов

Отворени сте за луѓе и нови познанства , релативно лесно ги среќавате , но емотивното исполнување е многу тешко.

Кариера

Калкулациите околу млади луѓе или креативност на работата ќе потраат и денеска. Ќе насотјувате да ви биде интересно.

Здравје и совет

И натаму сте во добра состојба.

Јарец 22.12.-20.1.

Љубов

Можен е разговор за една сериозна тема со блиска личност. Ќе знаете да дадете совет или да пружите поддршка.

Кариера

На работното место се повеќе покажувате наклоност кон забави , а се помалку кон сериозна работа. Се наоѓате во свој свет и како да не ве интересира ништо друго.

Здравје и совет

Сконцентрирајте се на целта.

Водолија 21.1.-19.2.

Љубов

Мали нервози малку ќе ви ја разнишаат самодовербата, но само ако вие тоа го дозволите. Контролирајте се и се ќе биде во ред.

Кариера

Денеска заработените пари ќе ви изгледаат како да се малку , но разберете и дека тие не се цел сама за себе. Поважно е да работите нешто што го сакате.

Здравје и совет

Се засилува вашиот интерес за козметика.

Риби 20.2.- 20.3.

Љубов

Пред вас е уште еден ден во кој ќе бидете склони кон зголемена чувствителност и се поголеми барања од партнерот.

Кариера

Не грижете се за малото затишје на работата. Тоа добро ќе ви дојде за малку да се реорганизирате.

Здравје и совет

Повеќе сон и одмор.

Овен 21.3-20.4.

Љубов

Се што не ви се допаѓа во вашиот љубовен живот ќе се обидете да го турнете под тепих или едноставно да го скриете од другите. Тоа не е добро.

Кариера

Недостаток на интерес за работата е резултат на вашиот недостаток на енергија. Пробајте подобро да се организирате , па ќе ви се врати желбата за работа.

Здравје и совет

Треба уредно да живеете.

Бик 21.4- 20.5.

Љубов

Ако денеска се впуштите во њротска авантура , треба да знаете дека сигурно ќе промашите. Затоа задржете ја потребната дистанца.

Кариера

не се обидувајте со сила да докажувате дека сте во право. Подобро прифатете ги советите на другите , кои се посериозни од вас.

Здравје и совет

Поважни се зборовите отколку делата.

Близнаци 21.5.-21.6.

Љубов

Трошокот поради вашата организација на заенички ручек или вечера малку ќе ве загрижи.

Кариера

Се повеќе работи одат во ваша корист и ви го прават работниот ден попријатен. Но , вие и натаму работите со сите сили.

Здравје и совет

Можете малку да здивнете.

Рак 22.6-22.7.

Љубов

Препознавате нови љубовни шанси , а во тоа ви помагаат вашите пријатели. Денеска немојте да бидете сами , туку излезете.

Кариера

Можеби ќе ви се чини дека другите не ве поддржуваат , но тоа не е точно. Тие само се внимателни и ви покажуваат каде се грешките.

Здравје и совет

Немојте да се грижите.

Лав 23.7-22.8.

Љубов

Ќе бидете во фаза на повлекување и најдобро ќе се чувствувате во некое скришно катче самите со себе. Тоа е само преодно расположение.

Кариера

Обидете се сите поважни работи да ги привршувате , зашто наскоро за нив ќе ви треба двојно поголема енергија од вообичаеното.

Здравје и совет

Наполнете си ги батериите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.