Од продажбата тој заработи 54.000 евра. Станува збор за трофејот што секој играч го добива – покрај медалот – за освојувањето на Светското фудбалско првенство.

Тој ја објасни својата одлука на „Снепчет“ (Snapchat): „Дали е тоа мој трофеј или ваш? Мој е и можам да правам со него што сакам. Ми зафаќаше многу простор во плакарот. Имам уште работи што можам да ги продадам“, рече Менди, покажувајќи ги своите полици полни со медали и трофеи.

А ги има навистина многу. Со Манчестер Сити, тој четири пати беше англиски шампион и освои еден ФА куп и три Лига-купови. Со Сити го освои и англискиот Суперкуп. Менди беше и француски шампион со Монако во 2017 година. Денес, Менди е играч на полскиот клуб Погоњ Шчечин.

Во еден момент, тој беше најскапиот одбранбен играч во светот. Манчестер Сити го доведе од Монако во 2017 година за 57,5 ​​милиони евра.

Во тоа време, трансферот на францускиот лев бек беше највисокиот дотогаш за еден одбранбен играч.

На почетокот во Сити го мачеа повреди, а во август 2021 година клубот го суспендираше откако беше обвинет за силување во шест наврати.

Две години подоцна, тој беше ослободен од сите обвиненија и успешно го тужеше Сити за неисплатени плати. Ја оживеа кариерата во Лориен, но е далеку од формата што – меѓу другите успеси – му ја донесе титулата светски првак со Франција во 2018 година. Минатата сезона одигра само 11 натпревари за Погон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На Мечкин Камен, на местото каде што се испишани најзначајните страници од нашата историја, утре како дел од државната делегација предводена од заменик претседателот и министер за транспорт Александар Николоски и министерот за здравство Сашо Клековски, ќе го одбележиме 2 Август – Денот на Републиката.

Илинден не е само симбол на борбата за слобода, туку и трајна порака дека државата се гради врз идеалите на еднаквост, правда и заедничка иднина. Овие вредности и денес се темелот на нашата Република и на нашата обврска да градиме општество во кое секој граѓанин се чувствува рамноправен и почитуван.

Нашата сила отсекогаш била во различностите. Република Македонија е заеднички дом на сите нејзини граѓани, а нејзиниот развој е резултат на придонесот на сите заедници.

Нека зборовите од Крушевскиот манифест нѐ потсетат на една вредност што никогаш не старее, а тоа е заедништвото.

„Ние, вашите вечни комшии, пријатели и познајници... без разлика на вера, народност, пол и убедувања...“.

Оваа порака и денес зборува за Македонија како заеднички дом на сите нејзини граѓани.

Да ја чуваме таа идеја и денес – со взаемна почит, разбирање и солидарност, затоа што различностите не нѐ разделуваат, туку ја збогатуваат нашата заедничка иднина.

Нека духот на Крушевскиот манифест биде потсетник дека слободата, правдата и соживотот се вредности што се градат заедно.

Како министер за правда, верувам дека вистинскиот патриотизам се покажува преку почитување на владеењето на правото, заштитата на човековите права и јакнењето на довербата меѓу сите заедници. Само преку меѓусебна почит, дијалог и еднакви можности можеме да изградиме држава која ќе биде силна, стабилна и успешна за сегашните и идните генерации.

Нека ни е честит 2 Август – Денот на Републиката.

Нека живее единството, правдата и заедничката иднина на сите граѓани на Република Македонија!

Јетон Шасивари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европската фудбалска организација сега издаде соопштение во кое ја поздравува таквата одлука. УЕФА беше таа што го покрена отпорот против овие планови на Џани Инфантино.

Сите 55 членки на УЕФА изјавија дека нема да учествуваат во тој проект и дека воопшто не размислуваат за настап на Светското првенство.

Ова ја поттикна КОНКАКАФ да го стори истото, па така проектот за продажба на Светското првенство сега е стопиран.

Во соопштението, кое го пренесуваме во целост, УЕФА упати остри критики кон ФИФА и, пред сè, кон Џани Инфантино, кој е директно спомнат, критикуван и повикан на одговорност.

Соопштението на УЕФА:

„УЕФА ја поздравува одлуката на ФИФА да се повлече од планот за продажба на удел во своите натпреварувања, вклучително и Светското првенство, на приватни субјекти. Предлогот беше едногласно отфрлен од фудбалските асоцијации членки на УЕФА, како и од многу други асоцијации и федерации ширум светот чија задача е да го штитат фудбалот.

УЕФА им се заблагодарува на навивачите, лигите, клубовите, играчите, истакнатите личности, асоцијациите и федерациите кои се спротивставија на ова, како и на премиерите и шефовите на држави кои му покажаа на претседателот на ФИФА дека фудбалот не е на продажба. Не можеме да продолжиме со вакви тајни договори, подготвувани од анонимни поединци и туркани насила, кои не носат никаква непосредна корист. Треба да ги идентификуваме одговорните и да ги повикаме на одговорност.

Правилно е УЕФА во наредните денови и недели тесно да соработува со своите асоцијации и со другите федерации за да разбере како дошло до ова и да изготви план за да се спречи тоа да се повтори. Анализата на ситуацијата мора да биде сеопфатна и не смее да се отфрли ниту едно можно решение. Актуелното раководство на ФИФА не само што ја изгуби довербата на УЕФА и на многу други...

Кога Џани Инфантино побара доверба за да биде избран за претседател во 2016 година, тој рече: „Се разбира дека ќе бидеме транспарентни. Поминав 15 години во УЕФА и човек мора секојдневно да биде дел од животот на ФИФА. Парите на ФИФА се ваши пари, а не пари на претседателот на ФИФА. Националните сојузи и вие мора да ги користите парите на ФИФА за развој на фудбалот, и за ништо друго“. Тој не исполни ниту едно од тие ветувања. Нетранспарентните договори зад затворени врати, како и чудните зделки што ги склучуваше и се обидуваше да ги наметне, беа сè друго освен транспарентни. И покрај резервите од 5 милијарди долари, тој не ги искористи средствата за да придонесе кон развојот на фудбалот. УЕФА веднаш ќе започне соработка со партнери ширум светот за да предложи нов начин на трошење на ресурсите. Мораме да почнеме да ги користиме парите од сметката на ФИФА за соодветни инвестиции во 211-те земји-членки на ФИФА. Не мораме да го распродаваме семејното сребро за да го платиме тоа. Ова е победа за целиот спорт. Но, приказната не смее да запре тука. Предлогот беше отфрлен, но трансформацијата на ФИФА штотуку започна“, се наведува во опширното соопштение на УЕФА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.