Џеј Ло: Мајка ми ме претепуваше, избегав од дома на 18 години - Канал 5

Шоу биз

Џеј Ло: Мајка ми ме претепуваше, избегав од дома на 18 години

Познатата пејачка Џенифер Лопез проговори за комплицираниот однос со нејзината мајка Гвадалупе Родригез и рече дека нејзината мајка ја тепала кога била мала.

Џеј Ло: Мајка ми ме претепуваше, избегав од дома на 18 години

Во нејзиниот нов документарен филм Halftime на Нетфликс, таа зборува за тоа колку строга била нејзината мајка во воспитувањето на неа и нејзините две сестри, Лесли и Линди. "Таа го правеше она што требаше да го направи за да преживее, и тоа ја направи силна, но ја направи и груба. Знаеше како да не утепа од ќотек", признала пејачката, пишува New York Post.

Џеј Ло избегала од дома кога имала 18 години, откако неколку пати се судрила со мајка си за нејзината иднина. Таа признала и дека во тоа време не била фокусирана на училиштето бидејќи во тоа време танцувала, а токму тоа предизвикало дополнителни тензии меѓу нив.

„Мајка ми рече: „Ако живееш во оваа куќа, ќе го завршиш своето образование. Една вечер имавме голема тепачка и јас си заминав“, се присетила пејачката.

Самата Родригез призна дека била строга кон ќерките. Таа емигрирала од Порторико и ги одгледала ќерките во Бронкс, заедно со нејзиниот сопруг Дејвид, од кого се развела кога девојчињата пораснале.

"Секогаш имав најголеми очекувања од нив. Не сакав да бидам критична, само сакав да им покажам дека секогаш можат подобро. Најтешко ми беше со Џенифер, ќе бидам искрена. Често не се согласувавме“, признала мајката на познатата пејачка.

„Бев далеку од совршена мајка. Сè што правев, правев од срце и во нивен најдобар интерес“, рекла Гвадалупе, објаснувајќи дека само сакала трите нејзини ќерки да се образуваат за никогаш да не се потпираат на мажите во нивните животи.

Емотивните сцени со мајката се само дел од многуте искрени моменти снимени во филмот Halftime, кој главно е снимен пред настапот на Џеј Ло и Шакира на Супер Боул во 2020 година. Во една сцена од документарниот филм, гледачите можат да видат и како поп-дивата е лута што таа и Шакира се принудени да ја делат сцената на полувремето на Супер Боул.

„Ова беше најлошата идеја на светот“, рече Лопез, која смета дека на пејачките им биле дадени премалку минути за нивниот атрактивен настап.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер