Македонија

Директна линија од кабинетот на Мицкоски за повредените во Кочани и нивните семејства

Преку директна телефонска линија, управувана од Канцеларијата на премиерот Христијан Мицкоски - Владата во следниот период ќе комуницира со повредените од трагедијата во Кочани.

Преку директна телефонска линија, управувана од Канцеларијата на премиерот Христијан Мицкоски - Владата во следниот период ќе комуницира со повредените од трагедијата во Кочани и нивните семејства, кои ќе може да ги изнесат своите барања и потреби. Целта како што велат е континуирана, системкса, организизрана поддршка. А телефонската линија ќе стане активна в понеделник и ќе биде досптапна 24 часа на ден.

„Ова доаѓа диретно од терен и од оние тимови кој што ја направиле таа евалуцаија. Медицинските тимови треба да се грижат само за здравствената состојаба на пациентите, пациентите и нивните семејства имаат прашања и надвор од ова а се однесуваа на некој институционални барања кои им се неопходни да ги решат. За да го анулираме тоа да воспоставиме директна комуникација и да можеме да го проследие барањето до институцијата која е надлежна да го реши како пример случајот со боледувања, ќе направиме се со цел да решиме брзо тие барања.“

Од Влада велат ова е само прва фаза, во следниот период ќе се разгледа и опцијата за отворена канцеларија токму во Кочани, а се размислува и на подобрување на условите во кочанската болница за да не мора повредените за сите интервенции да доаѓаат во Скопје.

„Ова е исто така тема на дискусија која ја имаме во рамки на Владата и е резултат на информации од работната група која ги евалуира состојбите и за многу скоро од денеска ќе објавиме и план како сето ова треба да се реши... свесни сме дека постојат вакви услови дека пациентите не смеат да се изложат на сонце, може да имаат дополнителна потреба од грижа, ќе најдеме начин како се тоа да го изменаџираме.“

Во пожарот во кочанската дискотека Пулс, кој се случи на 16 март, загинаа 62 лица, 200-те беа повредени, од кој во моментов уште 10 се на лекување во болница, 5мина во странство, 5 мина во земјава, откако вчера се вратија последните двјаца пациенти кои беа на лекување во Универзитетскиот ценрат во Белград.

На 30 ти мај, обвинителството соопшти дека ја завршило истражаната постпака, со која се опфатени 46 лица осомничени за тешки дела против општата сигурност.

Живот

Британски „стелт“ ловец Ф-35Б заглавен во Индија

Суперсовремениот британски авион ловец Ф-35Б, кој заглави на цивилен аеродром во Индија пред речиси еден месец, предизвикувајќи потсмев на социјалните мрежи, можеби ќе одлета дома следната недела – или можеби не, изјавија индиски официјални лица.

Ловецот со „стелт технологија“, еден од најнапредните во светот, кој чини 115 милиони долари, остана на Меѓународниот аеродром Тируванантапурам во јужната држава Керала поради дефект и веќе некое време го поправаат британски мајстори.

Овој авион на 14 јуни бил на редовна патрола над Арапското Море, но поради лошото време не можел да се врати на својот матичен носач на авиони „Принц од Велс“, па бил пренасочен кон Тируванантапурам. Но, потоа бил откриен дефект поради кој не можел никаде да полета.

Продолжениот престој во Индија на овој моќен авион, кој е гордост на угледната американска компанија „Локид Мартин“, предизвика потсмев на социјалните мрежи.

Дури и Туристичката служба на градот Керала се придружи на шегите со слика на авионот опкружен со палми и оцена од пет ѕвездички, со текст во кој се вели: „Керала е толку добра што не сакам да си одам. Секако ви ја препорачувам!“

- Тоа е нашиот начин да покажеме дека ги цениме Британците и да им се заблагодариме бидејќи се најбројни посетители на Керала“, изјави шефот на градската Туристичка служба, К. Бижу.

На Х беше направена и карикатура на која авионот ужива со грицки со група локални жители, со живописна позадина.

Во Индија се шпекулира дека, доколку не успее поправката на авионот, тој би можел да биде демонтиран и така превезен дома, но Министерството за одбрана на Велика Британија го негираше тоа.

Фудбал

УЕФА одлучи: Кристал Палас ќе игра Конференциска лига

Европската фудбалска федерација кончено донесе одлука за настапот на премиерлигашот Кристал Палас во еврокуповите.

Освојувачот на ФА купот нема да биде дел од Лига Европа на УЕФА. Причината е затоа што сопственикот на клубот е истовремено и сопственик на Олимпик Лион, кој е истотака учесник во ова натпреварување.

Според прописите на УЕФА не е дозволено во исто натпреварување да има два клуба кои имаат ист сопственик, па според тоа Кристал Палас мораше да биде префрлен во Конференциската лига на УЕФА.

Местото на Англија во Лигата Европа на Кристал Палас ќе го пополни Нотигнем Форест.

Тагови: УЕФА Кристал Палас

Свет

Поранешниот шеф на МИ6, сер Алекс Јангер, тврди дека Путин „се преигра“ со Трамп

Рускиот претседател Владимир Путин си играше со американскиот претседател, Доналд Трамп, „како со виолина“ во врска со плановите за Украина, но сега „се преигра“, смета поранешниот шеф на МИ6, сер Алекс Јангер.

Јангер, кој ја водеше британската тајна разузнавачка служба од 2014 до 2020 година, верува дека обидите на Путин да го измами американскиот претседател и да го натера да мисли дека се пријатели му се удриле од главата.

Тој предупреди дека сè поинтензивното бомбардирање на Киев и другите украински градови може целосно да го уништи односот меѓу Трамп и Путин.

Зборувајќи во програмата „Вечерни вести“ на Би-Би-Си, поранешниот шеф на разузнавањето нагласи дека е „збунет“ од тоа како поранешниот офицер на КГБ Путин „се преигра“.

„Досега го играше Трамп како виолина. Тој ја создаде идејата дека тие се пријатели и дека се еднакви и дека заедно можат да ги решат сите светски проблеми. Но, на Доналд Трамп му станува многу јасно дека Путин нема друг план освен да ја освои Украина и дека самиот ќе изгледа како кукла на конец ако Путин продолжи, а тоа не е прифатливо“, рече Јангер.

„Путин се прецени себеси... И нема воено решение. За три години изгуби милион луѓе, а има помалку територија отколку што имаше во 2022 година, во ред? Значи, Трамп е неговото единствено решение. Тој игра многу опасно тука“, продолжи тој.

Трамп денеска потврди дека САД ќе испратат нови пратки оружје во Украина, вклучувајќи ги и моќните системи за воздушна одбрана „Патриот“.

„Ќе ги испратиме ’Патриотите’ во НАТО, а потоа НАТО ќе ги прераспредели“, изјави Трамп за Ен-Би-Си Њуз, додавајќи дека Алијансата ќе ги покрие сите трошоци.

Тагови: Владимир Путин МИ6 Јангер