Диња во Њујорк чини 110 евра на попуст и веднаш се распродава: „Купувањето вакво овошје е храбар избор“ - Канал 5

Живот

Диња во Њујорк чини 110 евра на попуст и веднаш се распродава: „Купувањето вакво овошје е храбар избор“

Во светот на земјоделството, јапонските круниски дињи со причина ја носат титулата „кралица на овошјето“.

Диња во Њујорк чини 110 евра на попуст и веднаш се распродава: „Купувањето вакво овошје е храбар избор“

Овие престижни мускатни дињи од регионот Шизуока, познати по исклучителната сладост, нежната текстура и беспрекорниот изглед, се сметаат за еден од најлуксузните земјоделски производи што можете да ги купите – а сега, по нешто пониска цена, може да се најдат и во срцето на Њујорк.

Според пишувањата на „New York Post“, азискиот супермаркет „HMart“, кој се наоѓа во „Upper West Side“, моментално нуди Шизуока круниски дињи по намалена цена од 130 долари (околу 110 еври) по парче, што претставува попуст во однос на редовната цена од 160 долари (околу 136 евра).

Можеби ќе ве интересира: На ова место се продава најскапиот домат: Никој не сака кавијар – сите го купуваат и не жалат пари

Сепак, побрзајте – на залиха останале уште само неколку примероци.

Овие дињи се препознатливи не само по вкусот, туку и по начинот на одгледување. Системот „едно стебло – еден плод“ значи дека на секоја билка се одгледува само една диња, со цел сите хранливи материи да се насочат во тој единствен плод. Резултатот е совршен баланс на вкус, мирис и текстура. Плодовите тежат околу 1,5 килограми, поголеми се од обичните дињи, но помали од топка за куглање. Спакувани се во црни кутии со златен натпис и изложени во стаклени витрини – симбол на престиж и квалитет.

Секоја диња има стебло во форма на буквата T, што е карактеристичен знак на автентично одгледување. Процесот на одгледување вклучува внимателно следење на температурата, влажноста и режимот на наводнување, а секој плод поминува строга контрола – се оценува нивото на шеќер, зрелоста, изгледот и вкусот пред да го добие „кралскиот печат“.

Цената од 130 долари можеби изгледа висока, но во некои продавници овие дињи можат да чинат и повеќе. На пример, луксузниот маркет „Butterfield“ на Лексингтон авенија редовно продава до 36 парчиња неделно – кога се достапни. Моментално се распродадени, но се најавува нова испорака.

Можеби ќе ве интересира: Глобалните цени на храната речиси највисоки во последните две години

За оние кои повеќе преферираат онлајн купување, Шизуока дињите можат да се нарачаат и преку специјализирани веб-страници како „Melissa’s Produce“, по цена од 159 долари – без дополнителни трошоци за достава.

– Купувањето вакво овошје е храбар избор – изјавила д-р Лулија Гурарија додека ја разгледувала понудата во „HMart“. – Тоа е совршен подарок за оние кои веќе имаат сè.

Овие дињи се сервираат и како десерт во ексклузивни ресторани како „Jōji NY“. Богати се со витамини A и C, како и со калиум, а по бербата зреењето продолжува на собна температура. Пред консумација, се препорачува да се разладат во фрижидер два до три часа за целосно да се истакне нивниот вкус, пренесува Биз портал.

Тагови: Диња овошје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер