Со гестот рече, Мизрахи ги проблематизира односите со нашиот јужен сосед, но флагрантно го прекршува и Уставот, а тоа повлекува политичка и кривична одговорност..

–Државата нема да дозволи ваква инфантилност. Министерството за труд и социјална политика не е нејзин приватен стан, како што Уставот не е обично парче хартија. На министерката може да не и се допаѓа Уставот или договорот од Преспа, но тоа не и дава право да не ги применува. Без начелото на уставност и законитост од државата нема да ни остане ништо. И мене не ми се допаѓа проектот „Скопје 2014“ но одам на работа во МНР, вели Димитров.

На прозивките на Димитров, Мизрахи кусо одговори дека се неосновани,а таблата тврди дека била истата од времето на Царовска.

Димитров реагираше за потегот на Мизрахи, откако во петокот добил вербалната нота од Грција за прекршување на Договорот од Преспа. Иако, еведентно е дека обврските не ги почитува ниту јужниот сосед, каде се уште земјава се именува како „Скопје“, а не се променети ниту сообраќајните табли, Димитров нема конкретен одговор дали МНР реагирало и каков одговор добиле.

“ Примената на договорот секогаш може да оди побрзо и потемелно но има чекори кои се премногу видливи . Ние исто така реагираме во делот на примената на обврските на другата страна Грција исто така редовно реагира на почитувањето на обврските на нашата страна...??? Но во овој период кога сме во историска шанса конечно да ги почнеме пристапните преговори дури би рекол и да го тргнеме договорот наш интерес е да го почитуваме сопствениот устав.”

По ваквиот одговор на Димитров, Канал 5 се обиде да добие став и од прес службата на министерството, но ни беше кажано да се обратиме утре.