Димитриеска-Кочоска: Трендот на економски раст потврдува дека сме на вистинскиот пат – продолжуваме со уште поголема динамика - Канал 5

Македонија

Димитриеска-Кочоска: Трендот на економски раст потврдува дека сме на вистинскиот пат – продолжуваме со уште поголема динамика

Растот на македонската економија од 4,3% во вториот квартал од 2026 година е еден од најдобрите квартални резултати во изминатите две и пол години, но уште поважен е континуитетот на позитивните економски движења.

Димитриеска-Кочоска: Трендот на економски раст потврдува дека сме на вистинскиот пат – продолжуваме со уште поголема динамика

Растот на македонската економија од 4,3% во вториот квартал од 2026 година е еден од најдобрите квартални резултати во изминатите две и пол години, но уште поважен е континуитетот на позитивните економски движења и насоката што ја покажуваат податоците, потенцира во пост на ФБ министерката за финансии Гордана Димитриеска Кочоска коментирајќи ги податоците на Државниот завод за статистика за раст на БДП во вториот квартал годинава.

Министерката посочува дека економските политики и во следниот период ќе бидат насочени кон инвестиции, капитални проекти, поддршка на приватниот сектор и одговорно управување со јавните финансии.

„Од раст од 1,6% во првиот квартал од 2024 година, денес сме на 4,3%. Тоа значи дека не зборуваме за еден добар квартал, туку за континуитет, за економија која расте и постепено добива сила. Дали е ова доволно? Не е. Но, податоците покажуваат дека политиките што ги водиме и насоката што ја избравме даваат резултати и дека треба да продолжиме уште посилно и со уште поголема динамика“, истакна Димитриеска-Кочоска.

Податоците за структурата на БДП покажуваат дека растот има широка основа. Бруто-инвестициите во вториот квартал се зголемени за 16,5%, извозот на стоки и услуги за 10,4%, а градежништвото бележи раст од 21,9%. Позитивни движења се регистрирани и во преработувачката индустрија, трговијата, транспортот и угостителството, а растот е поддржан и од домашната потрошувачка.

Резултатот добива дополнително значење имајќи предвид дека е остварен во услови на умерен раст на европската економија, глобални неизвесности и геополитички ризици. Растот од 4,3% е значително над просекот на Европската Унија од 1,2% и еврозоната од 1%.

„Нашата политика е јасна – повеќе инвестиции и капитални проекти, силна поддршка на приватниот сектор, подобро и попредвидливо деловно окружување и одговорно управување со јавните финансии. Ќе продолжиме да инвестираме, да ги реализираме капиталните проекти, да создаваме услови за домашни и странски инвестиции и да го поддржуваме стопанството. Ќе продолжиме со реформите што треба да ја направат македонската економија посилна, поконкурентна и поотпорна“, потенцира министерката за финансии.

Таа додава дека економските резултати не се создаваат преку ноќ и дека за повисок и одржлив раст се потребни стабилност, предвидливост, доверба и континуитет во политиките.

Целта, како што посочува министерката, е позитивните стапки на економски раст да се преточат во повеќе инвестиции, посилни компании, нови можности и повисок животен стандард за граѓаните.

„Бројките ја покажуваат насоката. Наша обврска е да продолжиме по неа“, порача Димитриеска-Кочоска.

Одделение за односи со јавност

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Демант од Сашо Мијалков на наводите на Левица за Барутана

Целосна лага се информациите изнесени од страна на политичката партија Левица дека мене некој ми подарил било што во месноста викана Барутана.

Демант од Сашо Мијалков на наводите на Левица за Барутана

Не поседувам никаков имот на посочената локација, ниту имам каков било интерес во врска со истата. Тоа се однесува не само на мене, туку и на компаниите кои се во моја сопственост и сопственост на членовите на моето семејство.

Овие факти лесно може да се проверат во Централниот регистар и надлежните институции.

Споменувањето на моето име во текстот на Призма е надвор од секаков контекст во врска со Барутана и се сведува на наведување на деловни активности од пред десет години кои на никаков начин не се поврзани со актуелниот случај, при што на ваков тенденциозен начин на известување, доведуваат до креирање на погрешна перцепција кај јавноста.

Не знам кои се причините за пласирање на вакви невистини и мое инволвирање, но секое изнесување на неточни и непроверени информации кои може да нанесат штета повлекува одговорност.

Затоа барам согласно Законот за граѓанска одговорност да биде објавен овој демант и да бидат повлечени лажните информации.

Сашо Мијалков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски на Глобалната платформа за регулаторни иновации: Технологијата напредува брзо, но одговорноста мора да остане човечка

На маргините на 81. сесија на Генералното собрание на Обединетите нации во Њујорк, министерот за надворешни работи и надворешна трговија, Тимчо Муцунски, се обрати на настан во рамките на Глобалната платформа за регулаторни иновации (GRIP).

Муцунски на Глобалната платформа за регулаторни иновации: Технологијата напредува брзо, но одговорноста мора да остане човечка

На маргините на 81. сесија на Генералното собрание на Обединетите нации во Њујорк, министерот за надворешни работи и надворешна трговија, Тимчо Муцунски, се обрати на настан во рамките на Глобалната платформа за регулаторни иновации (GRIP), организиран од Генералниот секретаријат на Кабинетот на Обединетите Арапски Емирати и Светскиот економски форум. Глобалната платформа е заедничка иницијатива на ОАЕ и Светскиот економски форум, насочена кон развој на современи и флексибилни регулаторни пристапи во услови на забрзан технолошки развој.

Во своето обраќање, министерот Муцунски се осврна на предизвиците што брзиот развој на новите технологии, особено вештачката интелигенција, ги поставува пред институциите, регулаторните системи и општествата. Тој нагласи дека иновациите треба да создаваат нови економски можности и поквалитетни јавни услуги, но истовремено мора да бидат придружени со јасна одговорност, заштита на граѓаните и почитување на владеењето на правото.

„Можеме да делегираме задачи на машините, но не можеме да ја делегираме одговорноста“, истакна Муцунски, нагласувајќи дека современата регулатива треба да создава простор за иновации, но и соодветни механизми за заштита, пропорционални на ризиците.

Посебен акцент беше ставен на потребата од поголема меѓународна регулаторна соработка, размена на искуства и активно вклучување на помалите држави во обликувањето на глобалните правила и стандарди за новите технологии. Токму меѓународната соработка и развојот на практични, приспособливи регулаторни решенија се меѓу клучните цели на GRIP.

Осврнувајќи се на нашата држава, министерот истакна дека дигиталната трансформација претставува конкретна можност за зголемување на конкурентноста на домашните компании, отворање нови перспективи за младите и обезбедување поквалитетни, побрзи и поефикасни услуги од институциите.

Во таа насока, Муцунски повика на развој на конкретни регулаторни пилот-проекти, споделување успешни практики и создавање решенија што ќе бидат достапни и применливи за држави со различни институционални капацитети и ресурси.

„Интелигентната ера ќе го тестира квалитетот на нашето расудување исто колку и моќта на технологијата. Потребна ни е храброст да иновираме и мудрост да го зачуваме она што му дава смисла на напредокот“, порача министерот Муцунски, соопштуваат од МНРиНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Гори брод кај Миконос- во тек е голема акција за спасување (ВИДЕО)

Пожар избувнал на товарниот брод „Blue Carrier 2“ додека пловел северно од Миконос во петок наутро.

Гори брод кај Миконос- во тек е голема акција за спасување (ВИДЕО)

На бродот имало вкупно 29 лица - 28 членови на екипажот и еден патник, објавува порталот Protothema.gr..

Сите биле безбедно евакуирани, а кратко по 11:20 часот биле качени на брод на грчката крајбрежна стража кој ги транспортира до островот Тинос.

Според последните информации, пожарот избувнал на камион кој се наоѓал во гаражата број 4 на бродот.

Четири патролни чамци на крајбрежната стража, еден патролен чамец, два глисери на противпожарната служба, еден противпожарен чамец, два реморкери, како и други пловила и бродови што се нашле во близина интервенираат на местото на настанот.

Екипа од Единицата за подводни мисии е исто така испратена во акција за да помогне во операцијата. Во областа дуваат северен ветер со јачина од четири бофорт.

Сите 29 лица на товарниот брод безбедно пристигнале на Тинос.

„Blue Carrier 2“ е товарен брод Ро-Ро под грчко знаме, изграден во 1997 година. Долг е приближно 162,5 метри и има бруто тонажа од 23.986.

Соопштение на компанијата

Компанијата „Атика Ферис“ објави дека пожарот избувнал во петок, 25 септември 2026 година, во 8:57 часот наутро, додека бродот „Blue Carrier 2“ пловел во морето северно од Миконос, по својата редовна рута.

Веднаш по избувнувањето на пожарот, биле активирани пропишаните безбедносни процедури, а екипажот започнал со гаснење со свои средства. Надлежните органи веднаш биле известени за настанот.

Евакуацијата на бродот била извршена на организиран начин и во согласност со безбедносните процедури, а сите 29 лица на бродот безбедно го напуштиле бродот.

Компанијата во последователно соопштение изјавила дека ангажирала специјализирани компании кои, во соработка со надлежните институции, ќе преземат сите потребни мерки во врска со заштитата на животната средина и управувањето со ситуацијата на бродот.

Тагови: Миконос брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер