Македонија

Димитар Ковачевски официјално го потврди повлекувањето од функцијата Претседател на СДСМ

Димитар Ковачевски официјално го потврди повлекувањето од функцијата Претседател на СДСМ, побара свикување Конгрес и организирање внатрепартиски избори, се наведува во партиското соопштение.

Ве информираме дека на денешната седница на Извршниот одбор на СДСМ, претседателот Димитар Ковачевски го потврди повлекувањето од функцијата Претседател на СДСМ којашто ја најави на 8-ми мај, како високо морален чин, и согласно Статутот на партија иницираше свикување Конгрес на СДСМ заради анализа на изборните резултати и изјаснување за довербата на органите на СДСМ, избрани од Конгресот, со оглед на изборните резултати.

Интегралната содржина на дописот на претседателот Ковачевски до Извршниот одбор и претседавачот на Централниот одбор, Славјанка Петровска:

До

Извршен одбор на СДСМ

Претседавач на ЦО на СДСМ, Г-ца Славјанка Петровска

Почитувани другарки и другари,

На 8 Мај 2024 година се одржаа парламентарните и вториот круг на претседателските избори во фер и демократска атмосфера, согласно европските стандарди, што претставува огромен исчекор кој е резултат на високиот степен на демократија, слободата на медиумите и на мирот и стабилноста која ја воспоставивме во изминатите години во државата.

Им благодарам на нашите членови и подржувачите кои и покрај големиот пораз во првиот круг на претседателските избори, достоинствено излегоа на изборите во вториот круг и овозможија да се постигне цензусот за избор на Претседател на Република Северна Македонија. СДСМ со тоа повторно покажа и ја докажа својата врвна државотворност и одговорност. Покажавме дека Македонија ни е најважна и секогаш ќе биде така.

На парламентарните и претседателските избори СДСМ доживеа пораз, со што му е зададен тежок удар, не само од граѓаните, туку и од симпатизерите, дел од сегашните, како и од доскорешни членови на партијата организирани во друг политички субјект, а стимулирани и од поранешни носители на високи партиски функции.

И јас и партиското раководство имаме одговорност, исто како што имаат одговорност и сите именувани и избрани функционери, вклучително и сите партиски функционери на локално и централно ниво. Никој реално не е без одговорност.

Овој резултат и креираното јавно мислење беше очигледно уште на локалните избори во 2021 година кога СДСМ доживеа пораз, по што партијата не направи анализа на изборните резултати како што налага Статутот и не ги лоцираше причините за поразот за да се извлечат соодветни поуки.

СДСМ ќе треба добро да погледне навнатре, да размисли што направивме и кои се резултатите и слабостите во последните 4 години, можеби и во последните 7 години. И уште поважно, што е тоа што треба да се направи за да ја обновиме и вратиме довербата на граѓаните што ја изгубивме. Процесот на обнова мора да е на сите нивоа.

Тој процес не смее да биде долг, но никако ни брзоплет, стихиен и експресен. Тој процес на длабока внатрешна промена и консолидација може да го изведат само оние кои се подготвени да се жртвуваат за иднината на партијата и демократијата во државата. Оние кои немаат багаж од било каков вид, особено не такви карактеристики, заради кои граѓаните го испратија СДСМ во опозиција и на локално и на централно ниво.

Согласно член 26 став 2 и став 4, барам да се свика Конгрес на СДСМ заради анализа на изборните резултати и изјаснување за довербата на органите на СДСМ, избрани од Конгресот, со оглед на изборните резултати, со следниот Дневен ред:

Избор на работно претседателство и Претседавач со Конгресот.

Реферат на Претседателот на СДСМ за периодот декември 2021 до Мај 2024 година.

Реферати на раководството

Извештај од ЦИШ за парламентарните и претседателските избори одржани во 2024 година.

Единствена расправа од делегатите на Конгресот по втора, трета и четврта точка.

Изјаснување за довербата на органите на СДСМ избрани од Конгресот.

Согласно член 68б став 3, а врз основа на изборните резултати на парламентарните и претседателските избори 2024 година, како и врз основа на очигледната пасивност на дел од членовите и симпатизерите на СДСМ, вклучително и најголемиот дел на избраните и именуваните функционери на централно и локално ниво, како високо морален чин се повлекувам од функцијата Претседател на СДСМ .

Истовремено повикувам истото да го направи целокупното раководство на партијата по вертикала од членовите на раководството, преку централните партиски органи, се до општинските органи на раководење на партијата.

Ваквиот чин е редовна постапка во сите европски и светски демократии, каква претендираме да бидеме и ние и треба да биде пракса на сите раководства на партијата по изборен неуспех.

Барам од ИО, Претседавачот со ЦО и ЦО на СДСМ да ги донесат сите потребни одлуки, акти и постапки согласно Статутот на СДСМ за организирање на Конгрес на СДСМ заради анализа на изборните резултати и изјаснување за довербата на органите на СДСМ и организирање на внатрепартиски избори согласно Статутот на партијата.

Првиот чекор во консолидацијата на СДСМ мора да биде обновување на идеолошката и вредносна матрица која ќе ги собере сите прогресивни сили на левиот центар во државата.

Вториот чекор, треба да биде длабока кадровска промена и создавање на силен кадровски потенцијал, со вистински и докажани социјалдемократи, со вредности и знаење, со чесност и енергија, со мотив и со искреност кон партијата.

Во овој процес на обнова согласно статутот мора сите да работиме со разум, искрено и со срце, без тесногради и ситни лични интереси. Треба да работиме во партиски интерес и да мотивираме во органите и телата на партијата да се вклучат лица кои ќе бидат препознаени од членовите на партијата и од граѓаните како автентични социјалдемократи, чиешто однесување е водено од принципите и вредностите на социјалдемократијата.

И трето, да се реформира организациската поставеност на партијата која ќе овозможи целосно консолидирање на СДСМ и враќање на победничките патеки.

Но, додека се случува овој процес на внатрешна обнова, ние не можеме и не смееме да ја занемариме нашата одговорност кон државата и граѓаните. И затоа СДСМ и коалицијата треба и мора да бидат одговорна, силна, принципиелна и државничка опозиција.

Актуелниот систем во кој живееме, води повеќе сметка за ПР-от отколку за суштината, за површината, отколку за длабината. Граѓаните со право се незадоволни и не веруваат во ништо. Многуте кризи придонесоа голем број наши граѓани да се иселуваат, да се чувствуваат несигурни, обесправени и без верба во својата држава. Корупцијата на секое ниво, личните интереси, долгата европска интеграција и изневерените очекувања на граѓаните, нискиот просечен раст на економијата во изминатите три декади, непотизмот, бизнис интересите, етничкиот професионализам, се само дел од крупните дефекти на системот, кој ја јаде и разорува државата и кој мора конечно да се промени. Таа промена треба да започне од СДСМ, која ќе може најпрвин да ја препознаат членовите и симпатизерите на партијата, за да може да ја препознаат и граѓаните.

Во изминатиот двегодишен период за мене беше најважно што во услови на најголема и тотална криза, никого не оставивме сам, се грижевме за сите, и за младите и за пензионерите, и за работниците и за земјоделците, ги зголемивме и платите и пензиите и ја намаливме невработеноста на најниско ниво по тешката и долга транзиција од деведесетите години. Кризите не ги користев како оправдување или бегство од проблемите. Напротив, работев како што знаев и умеев, искрено, директно, чесно и посветено да се помогне на државата и граѓаните и знам дека постигнавме многу и дека за дел од работите, времето ќе ме потврди дека бевме во право.

Како што кажав во изборната ноќ, им порачувам на сите оние кои мислат дека гласањето било против Европа или ќе се обидат да ја искористат можноста да го спречат природниот пат на Македонија кој води до Европската Унија, блокирањето на патот кон Европа не само што ќе донесе голем пад на нашиот животен стандард, туку ќе ги зголеми етничките тензии во земјата, ќе ги наруши односите со соседите и ќе не изложи на безбедносен ризик, кој никој не може навистина да процени колку може да биде голем. За земја како Македонија нема средина. Нема играње на две столчиња. Тоа е или напред или назад. Местото на Македонија е во НАТО и Европската Унија. Местото на Македонците со својот македонки јазик, македонска култура и македонски идентитет е во Европската Унија, место во кое припаѓаат и сите други граѓани на Северна Македонија без разлика на нивната етничка или верска припадност.

Ми беше чест што во овие повеќе од 2 години го предводев СДСМ, што ја предводев македонската Влада и тоа ќе го чувствувам како силен мотив за мојот понатамошен ангажман во застапувањето на социјалдемократските, прогресивните и евроатлантските вредности на нашата држава.

Сакам да се заблагодарам за соработката на моите соработници, во Владата и во партијата.

Сакам да им се заблагодарам на сите прекрасни членови на СДСМ кои и во најтешкото не калкулираа заради лични амбиции и интереси, туку се бореа за партијата, а не во партијата. Тие се најголемата вредност на СДСМ.

Поминавме заедно тешки години, години на кризи, години на тешки но големи одлуки за државата, бевме изложени на јавен притисок, неосновани закани и линч, се жртвувавме за нашата татковина, а поголема жртва од тоа нема.

Нема поголемо задоволство да работиш воден од социјалдемократските вредности во кои веруваш од најмлади години. Но, исто така, нема поголемо задоволство кога знаеш дека си дал се од себе за земјата во која си родени и која ја сакаш.

Со почит,

Проф. д-р Димитар Ковачевски

-------------------------------------------

Претседател

Социјалдемократски Сојуз на Македонија

Скопје, 22.05.2024 година

Живот

„Замокот на развратот“ на браќата Иван и Алан: Топлес, секс на отворено, но и тужби за силување

Дали сте слушнале за познатата палата на Сер Иван Вилциг во американскиот град Хемптонс? Тоа е место познато по жените во топлес, сексот на отворено и развратот, а сопственикот е горд на угледот на својот познат комплекс.

„Планот за недела попладне е сончање топлес. Ако тоа не е ваша работа, Иван би ви рекол: „Тоа е забава која вклучува топлес пливање. Дојдете друг пат.“ Се разбира, братот на Иван, Алан Вилциг, изјави за The Post.

Станува збор за импресивната вила на Сер Иван, која се простира на 15 илјади квадратни метри, а е изградена во стил на средновековен замок. Вилата има лоша репутација како место за диви ноќни забави, а оние што ја посетиле тврдат дека „колку подолго престојувате, толку луѓето здивуваат“. Поранешните гости сè уште раскажуваат разни случки и несреќи од луксузната куќа, а се споменува голо пливање, секс во џакузи и мистериозна зандана во куќата.

Сопственикот Иван е музичар кој понекогаш настапува на забави, а познат е по тоа што се шета во проѕирна наметка и танга. Но, неговиот брат Алан тврди дека развратните доцни забави се минато, сега се посветени на попладневни скари.

„Тоа заврши околу 2017 година. Сега е недела попладне за скара, пред луѓето да се вратат во градот“, изјави братот Алан за NY Post.

Сепак, новата тужба повторно ги разбуди старите приказни. Кејт Вајтман поднесе тужба во март оваа година во која тврди дека во 2012 година, на забава во замокот на Иван, била „сексуално нападната, малтретирана, силувана, штипкана, пипкана, тепана и галена од обвинетите Алон и Орен Александар“, идентични близнаци кои биле чести гости на забавите во замокот.

Еден од браќата, Орен, е важна личност во Официјалната компанија за недвижности, додека Алон е извршен директор во приватна компанија за обезбедување. Сопственикот на замокот, Иван, исто така е именуван во тужбата, каде што е обвинет за наводна небрежност, но на ниту еден начин не е вмешан во наводите за напад и силување.

Вајтмен исто така тврди дека браќата ја однеле против нејзина волја во замокот и ја нападнале во спалната соба која ја делат близнаците.

„Оваа тужба беше објавена откако Александар избраа да не попуштат и да платат десетици милиони долари. Уверени сме дека ова прашање ќе биде решено во нивна полза со оглед на обемниот број моќни докази, кои вклучуваат телефонски записи, СМС пораки, е-пошта и други документи чија содржина јасно ги разоткрива овие тврдења“, изјави адвокатот на обвинетите, Џим Фераро, за The Post.

Братот на сопственикот на „палатата за задоволства“ објаснува точно за каква куќа станува збор.

„Идејата е овие забави да се чувствуваат секси, гламурозно, забавно и малку ризично. Ако бевте таму со сопругата или девојката во сабота навечер, можеби ќе најдевте место за дружење. Паровите овде се чувствуваат како да се во Рајската градина“, опишал Алан, кој ја изградил куќата заедно со својот брат, но во 2004 година го продал својот дел на својот 58-годишен брат Иван.

Но, извор кој зборувал за NY Post тврди дека вистината е малку поинаква.

„Како маж, би морал да се појавам со девојка. Ќе стигнете до таа куќа, сите треба да се соблечете и да носите саронг како што носи Иван. Потоа влегувате во базенот, тој ви вели дека е време да се придружите , треба да се соблечете и да ги ставите своите работи во шкафчињата.“

И додека Иван не сака да ги коментира ваквите наводи за американските медиуми, Алан смета дека многу од тоа е претерано.

„Луѓето ќе го сензационализираат сето тоа. Ќе стигнете таму, ќе видите две девојки како се сончаат топлес и, ако некој сака да биде идиот, ќе рече дека треба да трча гол. Еднаш прочитав дека Иван имал шкафчиња и дека секој гостин морал да ја стави облеката во шкафче или да облече таква наметка. Тоа би ја уништило атмосферата“, објаснува братот на сопственикот.

Извор, исто така, изјави за NY Post дека Иван поседува „зандана до неговата гаража, како и кревет со лисици“.

„Изгледа како зандана на bdsm“, рекол изворот.

Иван во интервју во 2011 година изјавил дека занданата е „инспирирана од Калигула и Маркиз де Сад и украсена со златни листови, гранит и мермер“. Просторот, вели тој, има три намени: „Тоа е зандана што би го направила замокот вистински замок. Тоа е и соблекувална и кабина за базен.

„Имаме строго правило дека никој никогаш не се смее да има секс во таа соба. Мојот брат еднаш ми кажа дека последното нешто што сакал да го слушне е да има секс во зандана“, рекол Алан.

Еден од учесниците на забавите се присетил на 2012 година, кога луѓето на таа забава „дефинитивно се обидуваа да се искрадат низ куќата за да ја најдат познатата „секс соба“, но обезбедувањето беше наоколу и се погрижи да не влезете во одредени соби“.

Овој контроверзен замок е изграден за забави, со дискотека со големо огледало, осум спални соби, соба за игри и звучен систем каков што ќе најдете во подобрите ноќни клубови. Во надворешниот двор има статуа која, според Иван, е „полу гола жена и половина змеј“.

Редовен од старите денови се сеќава дека „замокот бил место за секс“.

„Сите го знаеја тоа. Браќата се многу отворени за нивниот начин на живот. Сум бил таму многу пати. Никогаш не сум имал секс и никој никогаш не ме принудил на тоа. Браќата се многу добри момци. Иван има одличен вкус. Беше тоа место на отворено што се залага за слободна љубов и позитивни вибрации“, вели изворот, кој замокот го споредува со замок на Дизни.

Инаку, браќата Вилциг се збогатиле благодарение на нивниот татко Сиги. Тој го преживеал холокаустот, дошол во Америка без пари и заработил милиони во нафта и банкарство. По неговата смрт во 2003 година, Алан ја продаде семејната банка во Њу Џерси за 765 милиони долари.

Додека го граделе својот популарен замок, браќата Иван и Алан работеле во банка, а откако го завршиле во 1997 година, неговата репутација ги „запрепастила сите во банката“ и тие биле исфрлени од канцеларијата.

Наскоро тие се препуштиле на нивните контроверзни, популарни забави, а денес Иван е „несреќен и нервозен поради тужбата во која се тврди дека неговиот познат замок е сцена на силување“, тврди инсајдерот, додавајќи: „Нема сомневање дека Иван бил вклучен во нешто од тоа."

Свет

Полицијата низ Европа и во САД уништува сервери поврзани со опасна терористичка организација

Полицијата ширум Европа и САД собори голем број сервери поддржани од медиуми поврзани со Исламската држава, соопштија денеска европските полициски и правосудни организации Европол и Евроџастис.

Серверите биле симнати во САД, Германија, Холандија и Исланд, додека шпанската полиција уапси девет „радикализирани лица“, се вели во соопштението.

Серверите поддржуваа веб-страници, радио станици, новински агенции и содржини на социјалните медиуми со глобален дофат, се додава.

„Тие ги пренесоа директивите и пароли на Исламската држава на повеќе од триесет јазици, вклучувајќи шпански, арапски, англиски, француски, германски, дански, турски, руски, индонезиски и паштунски јазик. Откриени се неколку терабајти информации“, се вели во соопштението.

Забава

Спиела со 300 луѓе за една година, сега планира двојно да го зголеми „рекордот“ (ФОТО)

Ени Најт (27) минатата година се најде во центарот на вниманието на јавноста поради нејзината изјава дека спиела со дури 300 мажи и жени во текот на 2023 година.

Таа откри дека во еден ден имала дури пет различни сексуални партнери, но и дека ја имала поддршката од нејзината мајка, пишува Мирор.

- Партнери наоѓам преку апликации. Многу луѓе ме навредуваат поради мојот начин на живот, ми кажуваат дека сум венерична болест која шета, дека сум грда... Но, се чувствувам добро, подготвена сум да пробам сè - рече Ени, која верува дека општеството има двојни стандарди кога станува збор за сексуалниот живот на жените и мажите.

– Луѓето прифаќаат дека мажите се сексуални суштества, а на жените гледаат како да не се сексуални суштества, тоа не е точно – вели Ени.

Таа често патува, објавува фотографии на Инстаграм, а пред пет недели го посетила и Дубровник.

И покрај бројните критики, Ени планира да го продолжи животот. Во сè ја има поддршката од својата мајка Карин.

- Знае што прави. Можеби се обидува да покаже дека жените можат да имаат контрола над својот живот - вели мајката Карин, а пренесува Мирор.

Ени исто така откри дека се надева дека ќе ја надмине бројката од 2023 година во 2025 година и ќе спие со 600 луѓе.

- Која е разликата помеѓу маж кој спие со пет луѓе дневно и жена што спие со пет луѓе дневно?“, вели таа.

Ени Најт има профил на социјалната платформа за возрасни OnlyFans, а кога нејзиниот поранешен работодавец дознал за тоа, веднаш добила отказ. Таа добила е-пошта со писмо за оставка и слики од екранот од нејзината сметка на OnlyFans.

притисни ентер