Живот

Дијамант од 25 милиони исчезнал за момент- крадците ги пронашла вештачка интелигенција

Полицијата во Дубаи уапси тројца крадци само осум часа откако украдоа редок розов дијамант вреден 25 милиони долари.

Брзата операција беше овозможена благодарение на напредната употреба на вештачка интелигенција и специјализирани теренски тимови.

Според командантот на полицијата во Дубаи, скапоцениот камен го донел трговец со дијаманти од Европа, но брзо станал цел на добро организирана криминална група. Крадците го намамиле во вилата, под изговор да го покажат на потенцијален богат купувач. Кога трговецот пристигнал на лажен преглед, дијамантот го немало.

Сепак, криминалците не уживале во својот плен долго.

Благодарение на напредните технологии за надзор, анализата на CCTV и алгоритмите за вештачка интелигенција, полицијата успеала да ги лоцира и уапси тројцата осомничени, сите државјани на азиски земји, во рок од осум часа.

Видеата објавени од Медиумското биро во Дубаи ги прикажуваат апсењата, со заматени лица на осомничените, како и детали од безбедносните камери кои биле клучни за откривање на целата операција, објавува Аларабија.

Дубаи, еден од светските центри за трговија со дијаманти, е познат по својата строга контрола и високо ниво на безбедност. Овој случај покажува дека во ерата на дигитална безбедност, вештачката интелигенција станува клучен сојузник во борбата против организираниот криминал, драматично скратувајќи го времето на одговор на полицијата и подигнувајќи ги безбедносните стандарди на глобално ниво.

Тагови: вештачка интелигенција дијамант

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор.

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.