ДИХК: Околу 22.000 германски компании годинава би можеле да бидат затворени поради несолвентност - Канал 5

Живот

ДИХК: Околу 22.000 германски компании годинава би можеле да бидат затворени поради несолвентност

Германската индустриска и трговска комора (ДИХК) бара реформи поради зголемениот број на барања за стечај.

ДИХК: Околу 22.000 германски компании годинава би можеле да бидат затворени поради несолвентност

Бројот на барања за стечај минатиот месец е зголемен за 10,4 отсто во споредба со септември 2024 година. Во јули 2.197 компании повеле постапка за несолвентност, што е 13,4 проценти повеќе во однос на истиот месец од минатата година.

Се проценува дека доверителите во јули од компаниите во стечај барале 3,7 милијарди евра, додека во јули минатата година барале 3,2 милијарди евра.

Најпогодени се компаниите во секторите за транспорт и складирање. Зголемувањето на бројот на банкротирани компании беше очекувано со оглед на тоа што помина владината поддршка воспоставена за време на пандемијата на коронавирусот. Покрај тоа, високите цени на енергијата, бирократијата и политичката неизвесност придонесоа за зголемување на бројот на банкроти.

ДИХК не очекува подобрување во наредните месеци.

- Падот на извозот, особено во САД, падот на индустриското производство и забавувањето на економијата – ништо од ова не е добро за Германија како место за водење бизнис, изјави главниот аналитичар на ДИКХ, Фолкер Трајер.

Тој очекува дека во текот на годината повеќе од 22.000 компании ќе бидат затворени поради несолвентност. Трајер повика на реформи за подобрување на условите за работење.

- Итно треба да ги намалиме трошоците за енергија и работна сила, како и високите даночни и бирократски оптоварувања, нагласи Трајер.

Додека според Здружението на стечајни управници и доверители во Германија (ВИД) бирократијата не е главната причина за несолвентност. Претседателот на ВИД, Кристоф Ниринг оцени дека причината е комбинација од промени во однесувањето на потрошувачите, нерешено прашање на наследување, надворешни фактори, нарушувања во синџирот на снабдување и погрешни стратешки одлуки.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пожар во породилиште во Исламабад: Изгореле 15 бебиња (ВИДЕО)

Најмалку 15 бебиња загинаа во пожар што избувна во болница во Исламабад, објави денес локалната телевизија „Geo TV“.

Пожар во породилиште во Исламабад: Изгореле 15 бебиња (ВИДЕО)

Пожарот избувна во болницата на Пакистанскиот институт за медицински науки (PIMS), а според телевизијата, тој бил предизвикан од дефект во системите за климатизација, објави Ројтерс.

Во времето на пожарот имало 16 новороденчиња во гинеколошкиот оддел, од кои едно било спасено.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Стратешкото партнерство со САД оди заедно со членството во ЕУ

Мицкоски се обидува да објасни дека токму нему лично не му оди во процесот на преговори со ЕУ - бидејќи, како што самиот рече, тој „разговара“, а не  „преговара“, што не е ни чудо што не му оди.

СДСМ: Стратешкото партнерство со САД оди заедно со членството во ЕУ

Второ, по сите лажни ветувања, овој тендер-патриот, лидер на промакедонска партија (бидејќи не може да биде лидер на македонска партија каде со бугарско државјанство се речиси цело раководство), шеф на организираната криминална група, сега не може да им каже на своите гласачи дека сè било лага.

Не може да им каже дека нема подобри услови, дека нема гаранции, дека нема „половични"- членства со Вучиќ, дека нема ништо од тоа.

Не може да им го каже тоа, но веќе и не мора - денес тоа им е јасно на сите.

Сега се обидува да протурка нова теза.

Нема ЕУ – вели Мицкоски, премногу им дадовме, а не добивме ништо.

Воопшто не спомнува дека не ги завршил реформите што ги вети уште во јуни, со пролонгирањето од една година што го доби минатата година.

Што вели Мицкоски?

Вели дека би бил пресреќен за воведување уште построги визи за македонските граѓани - затоа што не очекува укинување на сегашните, каде што сме на листата на трети земји… туку вели дека ќе има уште поцврсти врски и соработка.

Но што сака всушност да објасни? Дека ѝ врти грб на ЕУ, ја оддалечува земјата и го блокира европскиот пат.

Мицкоски сака да каже дека Македонија, наместо во ЕУ, треба да биде во релација само со САД, нашиот најважен стратешки партнер.

Некој треба да му објасни на Мицкоски дека оваа приказна за спинување на блокирањето на ЕУ-патот и целосна изолација на земјата не поминува со оваа теза.

Членството во ЕУ и стратешкото партнерство со Америка меѓусебно не се условуваат, напротив, се надополнуваат и создаваат синергија во интерес на Македонија, регионот и пошироката европска безбедност.

Стратешките партнерства се компатибилни. Ако го напушташ европскиот пат тоа значи и напуштање и стратешкото партнерство со САД.

На Македонија ѝ е местото во ЕУ, со стратешко партнерство со Соединетите Американски Држави и така треба да остане.

На сите денес им е јасно дека стравот од независното европско обвинителство кај Мицкоски е голем колку Америка.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожари во близина на Атина, наредена е евакуација на неколку населби

Пожари беснеат во регионот. 

Пожари во близина на Атина, наредена е евакуација на неколку населби

Властите за цивилна заштита на Грција наредиле евакуација на пет населби во близина на Атина поради големи пожари што беснеат југоисточно од главниот град и во близина на најголемата поморска база во земјата на островот Саламина, пишува грчки „Катимерини“. Освен на овие пожари, пожарникарите интервенирале и на повеќе огнени стихии северозападно од градот и во северна Грција. Поради сушата, ризикот од пожари останува висок во поголемиот дел од Грција, според грчката агенција за цивилна заштита. Земјата, кон крајот на летото, се соочува со топлотен бран со температури до 40 целзиусови степени, а се предвидува дека тој ќе трае до почетокот на следната недела. Активни пожари има и во 5 општини во Црна Гора. Како што соопшти црногорското министерство за внатрешни работи пожари беснеат во Херцег Нови, Даниловград, Колашин, Цетиње и Никшиќ. Во некој области побарана била помош и од воздухоплови за гасење на пожарите.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер