Живот

Девојката со најголемите природни гради на светот – тие се се поголеми, а таа се плаши од нив (фото)

Шеридан Ларкман која има 23 години и живее во Австралија, има можеби најголеми гради на планетава и затоа во овој момент носи градник со големина К.

Таа се плаши дека нејзините гради ќе продолжат да растат.

Таа се надева дека наскоро ќе оди на операција за намалување на градите.

Лакерман раскажува дека на 10-години таа носела градник со чашка од величина D и дека животот за време на тинејџерските години бил многу тежок.

Шеридан вели дека освен што се чувствувала различна од другите девојки, таа требало да толерира и жестоки забелешки и груби коментари во однос на телото.



„Не знаев како да реагирам. Не знаев дали е нормално момчињата тоа да ми го прават. Не знаев дали се потсмеваат или се обидуваат да ми направат да се чувствувам добро. Јас едноставно не можев да дознаам зошто го прават тоа.

Често се чувствував себеси како се гадам и сакав да носам облека за да го скријам моето тело“, додаде таа.



Во текот на нејзините тинејџерски години, градите на Шеридан продолжиле да растат, а кога имала 16 години, таа веќе нарачала специјални градници од странство.

По обраќањето кон својот лекар, таа е вклучена на листа на чекање за операција за намалување на градите, но седум години подоцна таа се уште чека.

Македонија

ВМРО-ДПМНЕ: ДКСК да покрене постапка против Битиќи

ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче.

По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката.

Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.

ДКСК не смее да чека, да отвори случај и да се отвори постапка и пред другите институции.

Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност.

Време е да ја вратиме државата на народот. Македонија повторно твоја,се наведува во партиското соопштение.

Македонија

Пендаровски со порака по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака:

„Слободата на медиумите е еден од темелите на демократските вредности и е од суштинско значење за демократскиот развој на македонското општество.

Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.

Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање.

На сите медиумски работници им го честитам Светскиот ден на слобода на медиумите.“, соопштуваат од неговиот кабинет.

Македонија

СДСМ: На 8 ми мај граѓаните масовно да излезат на изборите, се одлучува за иднината на државата

Граѓаните треба масовно да излезат на изборите на 8-ми мај и да гласаат. Се одлучува за иднината на државата.

Прашањето е каква држава сакаме да изградиме?

Дали ќе следи уште една лоша реприза од тоталитарното владеење на Груевски и неговата криминална екипа, или заедно со СДСМ ќе имаме слободна, просперитетна и европска иднина.

Изборот е во рацете на граѓаните но тоа може да има сериозни негативни последици кон иднината на Македонија.

СДСМ ги повикува сите граѓани, да излезат на гласање во среда, да го заокружат бројот 1 и да гласаат ЗА, за европска иднина, за европски стандарди и вредности, за држава во која децата ќе сакаат да останат, се наведува во партиското соопштение.

притисни ентер