Девојче го вознемири Путин со своето барање- во војната останала без татко си (ВИДЕО)

Кира Пименова (11) му се спротистави на рускиот претседател Владимир Путин поради нејзиниот вујко, кој бил ранет во војната.

Вујкото на Кира (46), вели таа, бил несоодветно лекуван и вратен на фронтот, иако никогаш целосно не се опоравил, објави Дејли Меил.

Таткото на Кира, Владимир (46), со кого била многу блиска, бил убиен во војната минатата година.

Ученичката не му ја открила својата болна тага на Путин на состанокот на Црвениот плоштад во Москва, но го замолила за помош за да го спаси својот ранет вујко (46) од воениот пекол.

„Мојот вујко сега е на фронтот. Беше ранет во раката, беше во болница. Воопшто не го лекуваат, а сега го враќаат на фронтот“, му рекла Кира на Путин.

Потоа девојчето го замолило да биде префрлен во добра болница во Русија.

„Дефинитивно ќе го најдеме. Дали е во ред?“, ја прашал Путин, чувствувајќи се вознемирено цело време.

Тој не ветил дека ќе го тргне од фронтот за да може да се лекува, но останува да се види дали властите во Кремљ ќе направат нешто за вујкото на Кира.

„Се вика Антон Фисјура“, му рекла Кира на Путин.

Потоа Путин ја бакнал во главата и продолжил понатаму.

Нејзиниот ранет вујко има два сина, на возраст од девет и осумнаесет години. Неколку други членови на семејството на Кира се борат на фронтот во Украина.

Мајката на Кира, Викторија Пименова, работи како адвокат во Комитетот на семејствата на војниците на татковината.

И Кира и нејзината сестра Анастасија (7) го загубиле својот татко во војната во Украина. Нејзиниот татко бил одликуван со Орден за храброст.

За време на средбата, Кира му подарила на Путин Чебурашка, играчка од советско време со огромни тркалезни уши што самата ја направила.

„Ја исплетов играчката Чебурашка за мојот вујко Антон, потоа за вујко Вања и вујко Јура, кои сега ја бранат својата татковина. Моите играчки дефинитивно ќе им донесат среќа“, рекла Кира.

Тагови: Владимир Путин девојче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам.

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес.

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.