Свет

Десетици загинати во насилните меѓуверски судири во Индија (ВИДЕО)

Индија и натаму ја потресуваат насилните верски судири во кои загинаа вкупно 33 лица во Њу Делхи, во услови на зголемена поларизација во таа голема јужноазиска земја управувана од хинду-националистите на премиерот Нарендра Моди.

Незадоволните вооружени со камења и сабја, а некои и со пиштоли, од неделата шират неред и терор во сиромашните предградија на североисточниот главен град, на десетина километри од центарот на градот. Хиндусите и муслиманите се судрија околу контроверзниот закон за граѓанство според кој муслиманите веруваат дека се дискриминирани.

Сунил Кумар, директор на најголемата болница во областа, за Франс Прес изјави дека 30 лица се мртви во болницата. Друга болница пријави тројца мртви кои се поврзани со конфликтот.

Повеќе од 200 луѓе биле повредени, од кои многумина се застрелани. Ова брзо ширење на насилните верски судири во кои полицијата уапси повеќе од сто луѓе е најлошото во главниот град по масакрот во Сихк во 1984 година, како одговор на убиството на Индира Ганди.

Законот го олеснува патот до државјанството на немуслиманите од соседните земји со муслиманско мнозинство.

Им дозволува на имигрантите Хинду, Сики, Будисти, Џаинисти, Христијани и Парси од трите соседни муслимански земји право да добијат државјанство преку забрзана постапка.

Шоу биз

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Фудбал

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Фудбал

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.