Десет причини поради кои треба да јадете сливи - Канал 5

Здравје

Десет причини поради кои треба да јадете сливи

Ова овошје има малку калории и е богато со витамини и минерали важни за зајакнување на имунитетот и одржување на здравјето.

Десет причини поради кои треба да јадете сливи

Сливите не се само сочно овошје кое нè потсетува дека летото заминува туку се и вистински сојузник на здравјето. Тие се богати со растителни влакна, разни минерали (цинк, манган, железо и бакар), витамини од Б групата, антиоксиданси (лутеин и зеаксантин). Ваквите хранливи состојки ги прават сливите одлична ужина во здравата и урамнотежена исхрана.

Со редовно јадење сливи придонесуваме во здравјето на организмот барем на 10 начини:

Го чуваат срцето и крвните садови: Благодарение на антиоксидантите и калиумот, сливите помагаат во регулирање на крвниот притисок и намалување на ризикот од срцеви болести.

Го зајакнуваат имунитетот: Витаминот Ц и бројните фитонутриенти ги поттикнуваат одбранбените механизми на телото и помагаат во борбата против инфекции.

Добри се за здравјето на мозокот: Флавоноидите од сливите ги заштитуваат мозочните клетки и може да помогнат во одржување на меморијата и концентрацијата.

Помагаат во контрола на телесната тежина: Нискокалорични се и богати со влакна, па создаваат чувство на ситост и го олеснуваат одржувањето на витка линија.

Ги зајакнуваат коските: Сливите содржат витамин К, магнезиум и калиум, кои во комбинација се важни за зачувување на коскената густина и превенирање на остеопороза.

Добро влијаат на забите и непцата: Витаминот Ц и природните минерали од сливите придонесуваат за здрави непца и свеж здив.

Го штитат видот: Витаминот А и антиоксидансите како лутеин и зеаксантин ги чуваат очите и го намалуваат ризикот од катаракта.

Ги намалуваат воспаленијата: Редовното јадење сливи помага во ублажување на хроничните воспалителни процеси во организмот.

Поттикнуваат варење: Растителните влакна од сливите го поттикнуваат варењето, ја регулираат столицата и поддржуваат здрава цревна флора.

Го стабилизираат нивото на шеќер во крвта: Благодарение на нискиот гликемиски индекс, сливите не предизвикуваат нагли скокови на шеќер во крвта, што ги прави погодни за дијабетичарите.

Со вклучување на сливите во исхраната избирате едноставен и корисен начин секојдневно да внесете повеќе виталност во одржувањето на здравјето. Свежи, суви, во смути, тие секогаш се добар избор за да уживате во добрите навики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“ каде обвинети се Артан Груби и Перпарим Бајрами

Денеска продолжува рочиштето  за предметот „Државна Лотарија“. Меѓу обвинетите се поранешниот прв вицепремиер Артан Груби и поранешниот директор на Државна Лотарија, Перпарим Бајрами, како и уште шест лица.

Продолжува судењето за „Државна Лотарија“ каде обвинети се Артан Груби и Перпарим Бајрами

Тие се товарат за злоупотреба на службената положба и овластувања при набавка на видеолотариски терминали.

Според обвинението, со незаконско постапување на државната компанија ѝ била нанесена штета од околу 596 милиони денари, односно 9,7 милиони евра.

Сите обвинети досега се изјаснија дека не се чувствуваат виновни.Бајрами на судењето се појави откако претходно беше во бегство, а притворот му беше заменет со гаранција во недвижен имот вредна над 1,1 милион евра.

На Груби кој исто така беше во бегство пред судењето, му беше укинат домашниот притвор, но останува без пасош и со други мерки на претпазливост.

Тагови: Државна лотарија Артан Груби Основен кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието го усвои амандманот со кој се брише членот 13 од измените на Законот за јавните набавки

Собранието го усвои амандманот со кој се брише членот 13 од измените на Законот за јавните набавки.

Собранието го усвои амандманот со кој се брише членот 13 од измените на Законот за јавните набавки

Спорната одредба се однесуваше на мандатите на претседателот и членовите на Државната комисија за жалби по јавни набавки.Со предложените измени се овозможуваше нивно повторно именување без јасно ограничување на бројот на мандати.

Досегашното законско решение предвидуваше мандат од пет години, со право на уште еден избор.Тоа значи дека членовите можеа да ја извршуваат функцијата најмногу десет години.

Претседателката Гордана Сиљановска-Давкова одби да го потпише указот за прогласување на законот токму поради оваа одредба.Таа оцени дека новата формулација е правно непрецизна и остава простор за неограничен број реизбори.Амандманот за бришење на членот го поднесоа пратениците на ВМРО-ДПМНЕ.

Од владејачкото мнозинство образложија дека со ова се прифаќаатзабелешките на претседателката.

Од СДСМ реагираа дека и тие претходно предложиле исто решение.Опозицијата побара законот да биде повлечен и да се организира јавна расправа за новите измени.За законските измени беа поднесени вкупно 2.158 амандмани.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер