Прес-конференција, Атина Мургашанска, советничка во Советот на општина Куманово

Правдата никако да стигне до нашиот град - Куманово. Тоа мора да се промени.

Скандалите поврзани со работата на градоначалникот од ЗНАМ, Максим Димитриевски никако да добијат институционална разрешница.

Станува збор за основани сомнежи кои мора до крај да бидат расчистени, сомнежи за судир на интереси, перење пари и коруптивни шеми, злоупотреба на функцијата и институциите во Општина Куманово.

Сомнежи за систем кој наместо на граѓаните им служи на личните бизнис интереси и кумовски врски предводен лично од градоначалникот Максим Димитриевски.

1.Мора да се истражи најголемиот коруптивен скандал во општина Куманово со земјиште, во организација на Максим Димитриевски и неговиот кум и бизнис партнер Драган Митевски.

Кумот на Димитриевски купува земјиште од семејството на Димитриевски за 248.000 евра а само месец дена подоцна тоа исто земјиште го препродава на ЛИДЛ за 600.000 евра.

За ова земјиште се менува и ДУП-от за кој гласа братот на Митевски кој е координатор на советничката група на ЗНАМ.

Кој повеќе е заглавен во конфликт на интереси во овој скандал?

Како Димитриевски и неговиот кум заработиле 350.000 евра? Институциите мора да дадат одговор.

Понатаму, мора да се истражат и другите скандали.

2. Како тоа Димитриевски добива стан од 97 метри квадратни во центарот на Куманово вреден 70.000 евра за само 2.500 евра? Каква е таа размена на земјиште од својот кум?

Има ли тука грам пазарна логика? На што личи ова освен како уредено сценарио за прикриен профит и перење пари?

Значи кумот купува, продава, заменува препродава и најважно од се профитира. А сето тоа е индеиректно овозможено од Димитриевски.

Овие случаи не се изолирани инциденти – туку дел од системски образец: користење на политичката функција за лично и семејно богатење на Димитриевски.

Институциите не смеат да замижуваат пред овие криминали, кумовски шеми за големи профити.

СДСМ јавно повикува:

Антикорупциска комисија да отвори предмет за скандалите со Димитриевски.

Финансиска полиција и Јавното обвинителство да постапат по допрен глас.

Конечно, правдата да стигне и до Куманово.

СДСМ

Локално врнежите ќе бидат обилни и поројни во форма на невреме со услови за појава на град. Од овој бран во јужните и источните делови се очекува вкупно да наврне од 30 до 50л/м2 дожд, соопшти УХМР.

Дневните температури ќе бидат во опаѓање, особено во недела и почетокот на следната седмица.

Во Скопје, во деновите од викендот ќе има повремени врнежи од дожд, повремено пороен проследен со појава на грмежи и засилен северен ветер. Во делови од котлината ќе има услови за краткотрајно невреме.

УХМР препорачува во случај на појава на електрични празнења да не се престојува на отворен простор и под осамени дрвја.

Официјално, ефективни третмани не постоеја, иако вистината е поинаква. Уште во април 2020 имаше високо ефективна терапија, но таа главно беше игнорирана и се тргна во развој на нови лекови и вакцини. Сега, 5 години подоцна, благодарение на истражувачите од веб страницата c19early.org, имаме многу јасна слика кои третмани за ковид се ефективни, а кои се неефективни па дури и опасни. Генералниот заклучок е дека најефективните третмани се најевтини, најнеефективните третмани се најскапи, а голем дел од скапите третмани не само што се неефективни, туку и го зголемуваат ризикот.

Списанието ЕМИТЕР на нивниот веб-портал објавува статија, од перото на д-р Марјан Божиновски, во која се дава преглед на научените лекции од истражувањата презентирани на веб страницата c19early.org со анализа на резултатите добиени од сеопфатните мета-анализи за клучните ковид третмани, во контекст на апсурдните политики на здравствените власти во најголемиот број држави. За оние кои не се запознаени со овој поим, мета-анализа е статистички метод кој комбинира резултати од повеќе независни научни истражувања (студии) со контролни групи за да се добие посигурна и прецизна проценка на проучуваниот ефект. На пример, ако 10 студии ја испитуваат ефикасноста на лек за ковид, мета-анализата ќе ги собере нивните резултати за да утврди дали лекот генерално функционира и со каква сигурност.

Иако беа брутално цензурирани, истражувачите од c19early.org продолжија неуморно да работат и да го информираат целиот свет во реално време на нивната веб страница за сите ефективни и неефективни третмани за ковид. Нивниот 5 годишен труд сумиран во неколку реченици:

“c19early анализираше над 5.700 студии за 145 третмани - над 17 милиони часови истражување. Американските власти веруваат дека само три високопрофитни третмани го намалуваат ризикот (ремдесивир, паксловид, молнупиравир). Всушност, многу третмани го намалуваат ризикот, а 25 третмани со ниска цена се одобрени во 163 земји.”

Бројни клинички студии покажаа дека првата линија на одбраната требаше да биде третирањето на примарниот извор на почетната инфекција (носот, устата и грлото) со помош на антисептички средства одамна познати во медицината (на пример, повидон-јод или Бетадине) кои драматично ги намалуваат ризикот од влошување на состојбата и ризикот од пренос на вирусот кон други луѓе.

Од исклучителна важност за имуниот систем се некои витамини и минерали како витаминот Д, за којшто западните здравствени власти и СЗО никогаш не препорачаа масовна суплементација, иако постоеја бројни солидни докази дека нивото на серумскиот 25(OH)D3 е во обратно-пропорционална зависност со ризикот од смртен исход, пришто една мета-анализа од 2021 утврди дека доколку концентрацијата на серумскиот 25(OH)D3 ви е над 50 ng/mL, ризикот ковид да ве убие е речиси НУЛА.

Мета-анализите на евтините лекови (без патент) хидроксихлорокин (423 студии со околу 600 илјади пациенти) и ивермектин (105 студии со околу 220 илјади пациенти) покажаа висока ефективност против ковид особено како профилактични и рани третмани. На пример, ивермектин ја намалил смртноста во просек за речиси 50% и покрај неколкуте сомнителни студии кои сериозно ја контаминираа мета-анализата, а ризикот од ковид инфекција го намалил за неверојатни 81% (од 16 студии со 14 илјади субјекти), додека хидроксихлорокин применет како ран третман достигнал редукција на смртноста од 76%. За жал, беа исмевани и некоректно прикажувани во мејнстрим медиумите или како токсични (хидроксихлорокин) или како лекови за коњски глисти (ивермектин), за разлика од миленичињата на медиумите - екстремно скапите, патентирани медикаменти како едвај ефективниот паксловид (Фајзер) и токсичниот ремдесивир (Гилеад) за чиишто набавки беа платени десетици милијарди долари од голем број држави во светот.

Целата статија, со вклучените референци, можете да ја прочитате на веб-порталот на списанието Емитер на линкот https://emiter.com.mk/vesti/21361.