Денес и вчера лишени од слобода осум возачи - Канал 5

Македонија

Денес и вчера лишени од слобода осум возачи

Денес и вчера лишени од слобода осум возачи за кривично дело –„безобѕирно управување со моторно возило“

Денес и вчера лишени од слобода осум возачи

Денеска (01.06.) како и вчера во осум одвоени случаи полициски службеници од сообраќај остраниле и ги лишиле од слобода лицата С.З. (24) од Кочани А.О. (42) од Штип Т.Д. (53) од Делчево, М.Л. (55) од Ресен, Д.Т. (50) од Скопје, В.Б. (26) од Тетово, Е.К. (46) од Струга и В.М. (46). од Охрид, заради сторено кривично дело – „безобѕирно управување со возило“ по член 297-а од КЗ на РМ.

Имено, најпрво вчера во 15.40 часот на магистрален пат Кичево- Гостивар полициски службеници од Полициско одделение за безбедност на патниот сообраќај Гостивар го лишиле од слобода Е.К. којшто со патничко возило „Мерцедес“ го управувал возилото со брзина од 145 километри на час, на место каде што максимално дозволената брзина била 60 км/ час. Истиот ден во 22.50 часот на регионален пат Желино- село Сиричино, полициски службеници од Полициската станица за безбеденосен сообраќај Тетово, ги лишиле од слобода М.Л. од Ресен кој управувал патничко возило „Рено“ под дејство на алкохол (кај него биле измерени 1.68 промили алкохол во крвта).

Денеска, пак, во 00.40 на улицата „Борис Кидрич“ во Тетово лишен од слобода бил В.Б. од Тетово кој управувал патничко возило „Ауди“ со измерени 1.79 промили алкохол во крвта. Исто така денеска, во 00.00 часот на автопатот Куманово-Скопје, полициски службеници од СВР Куманово го лишиле од слобода Д.Т. од Скопје, кој што на истиот автопатот, управувајќи товарно возило „Тојота“ предизивикал сообраќајна незгода помеѓу пет возила, во која нема повредени лица, а при преземените мерки било констатирано дека е под дејство на алкохол, односно дека имал 1,58 промили алкохол во крвта.

Полициски службеници од ОВР Кочани по истиот основ денеска околу 02.55 часот на улицата „Доктор Николиќ“ во Кочани, полициски службеници го лишиле од слобода С.З. кој што управувал патничко возило „Фолксваген пасат“ под дејство на алкохол, односно имал 1,89 промили алкохол во крвта. Во Штип, пак, на улицата „Кирил и Методиј“ во 01.56 часот полициски службеници го лишиле од слобода А.О. кој што управувал патничко возило „Фолксваген голф“ со измерени 1,68 промили алкохол во крвта, а во 02.15 часот на улицата „Крушевска“ во Делчево, полициски службеници го лишиле од слобода Т.Д. кој што возел патничко возило „Хонда“ под дејство на алкохол, односно со измерени 1,71 промили алкохол во крвта.

И последниот денешен случај во 09,28 полициски службеници од ПС за БПС Тетово кај клучката Камењане на патот Тетово-Гостивар, го лишиле од слобода В.М, кој што управувал патничко возило „Пасат“ со брзина, според радарското мерење, од 158 километри на час наспроти дозволените 80 километри на час. Против сите нив, по целосно документирање на случаите ќе бидат поднесени соодветни пријави.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Можете ли да го користите телефонот додека се полни?

И дали треба да ја оставите батеријата целосно да се испразни пред повторно полнење?

Можете ли да го користите телефонот додека се полни?

Денес, толку сме приврзани за нашите паметни телефони што чувствуваме потреба да ги користиме дури и додека се полнат. Но, можеби се прашувате дали користењето на телефонот додека се полни може да влијае на животниот век на батеријата.

Краткиот одговор е не. Иако вашиот телефон може да се полни побавно ако не го оставите сам да го заврши процесот, користењето на телефонот додека се полни генерално не влијае на животниот век на батеријата. Ова во голема мера се должи на технологијата за полнење со бајпас и системите за дисипација на топлина.

Со полнењето со бајпас, кога ќе го вклучите телефонот во полнач и ќе продолжите да го користите, вашиот телефон ја пренасочува енергијата од полнењето на батеријата кон директно стартување на апликациите, ефикасно паузирајќи го полнењето. Ова обезбедува добро корисничко искуство, но исто така ја штити батеријата на вашиот телефон од топлина што може да ја оштети. Користењето на телефонот за тешки активности, како што е играње игри, може да предизвика уредот да се прегрее, па оваа функција помага да се спречи тоа.

Недостатокот е што кога ќе го исклучите телефонот по напорна активност како што е видео монтажа или играње игри, процентот на батеријата веројатно нема да се зголеми многу, ако воопшто се зголеми. Тоа е затоа што енергијата оди директно до уредот за да го напојува, а не до батеријата.

Еден од првите примери за премостено полнење беше на „Sony Xperia 1 II“ во 2020 година, наречен „Heat Suppression Power Control“. Денес, оваа функција е достапна на многу врвни паметни телефони од водечки брендови, вклучувајќи ги „Samsung“, „Google“, „Xiaomi“ и „ZTE“. Сепак, имајте на ум дека „Apple iPhone“ сè уште не ја поддржува оваа функција. Дури и без неа, вашиот телефон ќе се полни побавно ако го користите додека е на полначот. Ако забележите дека вашиот телефон се прегрева, престанете да го користите за да спречите оштетување на батеријата. Повеќето модерни телефони имаат напредно управување со батеријата и системи за дисипација на топлина кои помагаат во контролата на зголемувањето на температурата.

Значи, иако користењето на телефонот додека се полни не е лоша навика само по себе, добра идеја е да го избегнувате кога е можно. Ако треба да проверите порака, да се јавите некому, да фотографирате или да објавите нешто брзо – можете да го направите тоа без никакви проблеми. Кога треба да го користите за потешки задачи, внимавајте на прегревање, но не грижете се дека тоа ќе ја оштети батеријата на вашиот телефон. Телефонот едноставно нема да се полни со вообичаената брзина.

Заблудата дека не треба да го користите телефонот додека се полни е само еден од многуте митови за полнењето и продолжувањето на животниот век на батеријата. Друга заблуда е дека не треба да го оставате телефонот на полначот преку ноќ. Ова не е вистина. Иако ова значи дека мала количина „скриена“ електрична енергија се влече од штекерот, вашиот телефон нема да се „преполни“. Сите најнови телефони имаат вградени заштити што престануваат да се полни штом уредот достигне 100 проценти. Уште повеќе, многу паметни телефони ги учат вашите навики и го оптимизираат полнењето со забавување на полнењето на самиот крај за да ја зачуваат батеријата и во исто време да обезбедат телефонот да биде целосно наполнет до утрото.

Исто така, не треба да дозволите батеријата целосно да се испразни пред да се полни. Всушност, за да го продолжите животниот век на батеријата на вашиот телефон, подобро е да ја полните кога нивото на полнење е помеѓу 20 и 80 проценти, отколку да чекате целосно да се испразни.

Заклучок: Користењето на телефонот додека се полни не треба да ѝ наштети на батеријата, освен ако не предизвика прегревање. Сепак е добра идеја да ја ограничите употребата кога е можно - првенствено за да ја наполните батеријата што е можно побрзо, а не за да ја заштитите.

Извор: Б92

Фото: ВИ

Тагови: Батерија мобилен телефон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

На Џорџина и велат дека е дебела, одговорот на Роналдо е хит

Џорџина Родригез одговори на постојаните критики за нејзиниот физички изглед објавувајќи интимен разговор со Кристијано Роналдо. 

На Џорџина и велат дека е дебела, одговорот на Роналдо е хит

Славниот пар испрати порака за важноста на љубовта кон себе и дека вредноста на една личност не треба да се мери според нејзиниот изглед или мислењата на другите.

Секое лето, откако ќе објави фотографии во бикини, социјалните мрежи се преплавени со коментари за тежината и облините на Џорџина Родригез. Овој пат, таа призна на Инстаграм дека јавниот притисок влијае и врз неа, но наместо директна конфронтација, реши да ги сподели своите мисли за естетскиот притисок и важноста на внатрешниот мир.

Поддршката на Роналдо

За време на одмор на брод, Родригез прочита негативни коментари за нејзините најнови фотографии и му призна на Кристијано: „Се грижам што сега ме нарекуваат дебела, бидејќи живеам според мојот имиџ“. Одговорот на Роналдо беше многу јасен: „Не живееш според својот имиџ. Живееш според тоа кој си. Совршена жена. Убава, со одлично тело, мајка, добра личност, успешна и некој што го живее животот со љубов. Што повеќе би можела да посакаш? Нормално е да ти завидуваат“.

Овие зборови длабоко ја трогнаа Родригез и ја потсетија што е навистина важно. Таа призна дека е горда на Кристијано за вредностите што ги отелотворува како татко и маж. Таа нагласи дека вредноста на една личност никогаш не може да зависи од нејзиниот физички изглед или од мислењата на странци.

Љубов кон сопственото тело

Џорџина нагласува дека не се плаши од промените во своето тело бидејќи тие значат дека таа продолжува да живее. За неа, вежбањето никогаш не било борба за губење тежина, туку извор на здравје, дисциплина и ментален мир. Таа изјави: „Ги сакам моите облини. Ја сакам слободата да живеам во телото што го избирам“.

Порака до идните генерации

Како мајка на шест деца, Џорџина нагласува дека нејзината најголема мотивација е примерот што им го дава на своите ќерки. Заедно со Кристијано, таа сака да ги научи дека вредноста на една личност не зависи од нејзиниот физички изглед, туку од вредностите што ги носи во себе. На крајот, таа рече: „За мене, вистинскиот успех никогаш не бил вклопување во стандард што никој не знае кој го измислил. Вистинскиот успех е да се живее во мир, да се биде опкружен со луѓе што ги сакам, да се ужива во семејството и пријателите и да се грижи за своето здравје.“

Фото: Инстаграм

Извор: Индекс.хр

Тагови: Кристијано Роналдо Џорџина Родригез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна снег во Нов Зеланд (ВИДЕО)

Антарктички студен бран погоди делови од Јужниот Остров на Нов Зеланд, носејќи снег на нивото на морето и ниски температури што ги затворија патиштата и го нарушија работењето на училиштата.

Падна снег во Нов Зеланд (ВИДЕО)

Снегот го покри Данидин, вториот по големина град на Јужниот Остров, поради што полицијата ги повика луѓето да избегнуваат секакви патувања освен неопходните, предупредувајќи на заледени патишта, објави Ројтерс.

„Полицијата утрово доби бројни пријави за сообраќајни несреќи низ Данидин, при што некои возила се лизнаа од патот. За среќа, немаше повредени“, соопшти полицијата на Нов Зеланд на социјалните медиуми.

Скијачите и сноубордерите ги искористија снежните врнежи за да се тркаат по улицата Болдвин во Данидин, за која се вели дека е најстрмната станбена улица во светот, објавија локалните медиуми.

Посеверно, снег падна и на плажата Њу Брајтон во Крајстчерч, каде што беше видлив на песокот.

Времето предизвика откажување на сите автобуски услуги во градот, додека фериботските услуги помеѓу Северните и Јужните Острови се суспендирани поради силни ветрови и високи бранови.

YouTube video

Новозеландската метеоролошка служба соопшти дека се очекува студениот бран да трае уште два дена, со снег или лапавица што ќе паѓа речиси до нивото на морето низ источниот дел на Јужниот Остров.

Метеоролозите предупредија дека четврток наутро може да ги донесе најниските температури во годината во многу делови од Нов Зеланд.

Извор: Б92

Тагови: Нов Зеланд снег

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер