Автор на театарските маски е Филип Цветковиќ од Србија.

Инспирацијата, која е неопходен и најпосакуван лајтмотив на создавањето, ќе ја усоврши, дотера и дополни нашата почетна идеја на визуелниот изглед на актерите и нивните маски и костими.

Традиционално обележје на секој актер е маската. Како таква таа има дирекно учество во самите ритуални обреди, кои имаат за цел повикување на дождот, оздравување на одреден член на фамилијата. Племињата со своите ритуални танци ги молати вишите сили за добар улов, за благослов, за напредок. Секоја ритуална точка се изведува под маски и секоја од нив има одредено значење, но, една од нив е најважна – танцот на животот и смртта, кој е секојдневно застапен во денешниот живот.

Не е тешко да се направи маска за одреден лик. Токму напротив. Лесно е. Секоја линија, секоја точка, бојата на лицето, треба да има свое значење и вкупниот изглед мора да има приказна, приказна зад која се крие личната порака на авторот. Така и јас ја најдов својата инспирација во елементите на претставите кои ги обработувам, како во секојдневните настани, која отворено и јасно потврдува дека борбата во животот е постојана.

Исто така, на 28.06.2021г. (понеделник) ќе се одржи музичко-драмски концерт „ПИСМОТО ОД КРАЛОТ" со почеток во 20:00 часот на Факултетот за ликовни уметности – Сули ан. Концертот е во соработка со ТРИАНГЛ ПУЛС.

Марика Поповиќ – модератор, мецо- сопран, Андреј Наунов – пијано, Јане Дунимаглоски – тенор, труба и гитара.

Идеен концепт, сценарио и режија: Десанка Глигоријевиќ

Концертот ќе се одржи согласно протоколите за одржување на настани и во продажба ќе бидат пуштени ограничен број на влезници (на страната karti.com.mk и на влезот на објектот пред почетокот на настанот) по цена од 150 денари.

Иновативен музичко-драмски концерт за деца „Писмото на кралот" кој е во својство на едукацијата на најмалите, опфаќајќи актуелни теми (екологија, бон-тон, јавно здравје итн.), испреплетени низ музика изведена во живо.

Цел: Будење на свеста за важноста на чување на нашиот град Скопје, преку едукација на најмладата популација на креативен и иновативен пристап.

Целите на проектите кои ги изведува Здружението ТРИАНГЛ ПУЛС се во функција на развој и афирмација на музичката и на музичко-сценската уметност.

Сите детски проекти кои се реализираат претставуваат симбиоза на неколку типови на музички категории: детски музички концерт и детска музичка работилница, со што се овозможува образовен тематско-едукативен процес кај најмладата популација преку несекојдневен пристап - концерт или претстава.

Со проектите за деца кои ги изведува групата се врши едукација, афирмација на музичката култура во функција на запознавање и доближување на музичката култура кај најмладата популација (целна група 3-10 години) и секогаш драмското дејство е во функција на одредена тематика.

Презентирањето на проектите е со стилска и жанровска разновидност, со мултимедијално претставување и користење на најсовремени технички можности на еден поинаков и иновативен, интерактивен пристап на презентација.

Утре, 29.06.2021г. (вторник) ќе се одигра театарската претстава „ОТЕЛО", со почеток во 20:00 часот во Македонскиот народен театар.

Автор Вилијам Шекспир,

режисер: Нина Николиќ,

драматург: Тамара Барачков,

играат: Енес Салковиќ, Саша Ханџиќ, Дарја Ризова, Ѓорѓи Јолевски, Златан Шкољиќ, Александар Ѓорѓиески, Џенана Џаниќ, Тамара Миличевиќ – Стилиќ, Александар Михајловски, Аксел Мехмед.

Билетите се во продажба на билетарата на Македонскиот народен театар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.