Живот

Денес го славиме светецот на кого му се молат и Муслимани и чие срце сè уште „чука“: Ова се 4-те чекори што водат до спасение според неговиот завет

Денес православните верници ширум Балканот го одбележуваат празникот на Свети Наум Охридски – еден од најважните светци на словенската црква, познат по своите чудотворни моќи.

Неговото име е длабоко врежано во духовниот и културниот идентитет на овој простор, а неговиот манастир на брегот на Охридското Езеро и денес собира аџии од целиот регион.

Овој празник го одбележува денот на преносот на моштите на Свети Наум, кои се наоѓаат во манастирот што самиот го основал.

Ученик на Кирил и Методиј

Ученик на Светите Методиј и Кирил и еден од Петточислениците коишто најревносно соработуваа со овие словенски Апостоли. Свети Наум патуваше во Рим, каде што се прослави со чудотворна моќ и со голема ученост. Знаеше многу јазици. Со помош на царот Борис Михаил, по враќањето од Рим тие се населија на бреговите на Охридското Езеро. Додека свети Климент дејствуваше како епископ во Охрид, дотогаш свети Наум основаше манастир на јужниот брег на езерото. Тој манастир и денес го краси брегот како што и името на свети Наум ја краси историјата на словенското христијанство и низ вековите беше извор на чудотворна сила и засолниште за болните и за неволните. Околу свети Наум се насобра мноштво монаси од сите страни на Балканот.

Беше мудар учител, единствен раководител на монасите, одлучен подвижник, чудотворен молитвеник и духовник. Неуморно се трудеше и на преведувањето на Светото Писмо и на другите црковни книги од грчки на словенски јазик. Вршеше чуда и за време на животот и после смртта. Неговите чудотворни мошти до ден денес восхитуваат со многубројни чуда, посебно со исцеленијата од тешки болести, особено од лудило. Се упокои во првата половина на 10 век.

Чудотворец и духовен заштитник

Според преданијата, Свети Наум поседувал дар за исцелување – особено на душевни и ментални болести. Верниците веруваат дека таа моќ не престанала со неговата смрт. Моштите на Свети Наум и денес привлекуваат болни и оние што бараат утеха, исцелување и сила преку верата и молитвата.

Манастирот што го подигнал бил прибежиште за монаси и страдалници, а Свети Наум работел и на превод на Светото писмо и црковните списи од грчки на словенски, со што трајно влијаел врз развојот на словенската писменост.

Празник што обединува

Празникот на Свети Наум традиционално се одбележува со голем собир во манастирот. Верници, но и луѓе од други вероисповеди, се собираат во надеж за исцелување и духовна обнова. Интересен е настанот од 1926 година, кога еден муслиман од Ресен, благодарен за оздравувањето на својот брат, му подарил ѕвоно на манастирот – во знак на почит кон светителот.

Срце што и понатаму чука

Посебен дел од локалната традиција претставува верувањето дека, ако увото се прислони на гробот на Свети Наум, можат да се слушнат отчукувањата на неговото срце. Иако овој феномен научно не е потврден, длабоко е присутен во народната вера како знак на неговото вечно присуство.

Манастирот на Свети Наум, основан во 905 година, и понатаму е едно од најважните духовни средишта на Балканот. Посетителите го доживуваат како место на молитва, надеж и духовно будење.

Заветот на Свети Наум: четири чекори до спасението

Свети Наум оставил краток, но силен духовен завет: „Пробудување, покајание, очистување и причестување.“

Тагови: Свети Наум Охридски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Сѐ уште се активни пожарите што изминатите неколку дена горат во општините Струга, Македонски Брод и Чучер-Сандево

Сѐ уште се активни пожарите што изминатите неколку дена горат во општините Струга, Македонски Брод и Чучер-Сандево, информираат утрово од Центарот за управување со кризи.

Во текот на изминатото деноноќие се регистрирани вкупно 34 пожари, од кои седум се ставени под контрола. Во општина Струга пожар има кај селата Буринец, Локов, Селце и Елевци, каде што гори нискостеблеста шума. Во општина Македонски Брод гори кај селото Белица, односно кај местото викано Кајорец кон селото Брезница, а во Чучер-Сандево гори во близина на селото Брест на Скопска Црна Гора. Директорот на дирекцијата за заштита и спасување Стојанче Ангелов, вчера уште еднаш предупреди жителите да внимаваат заради тоа што се уште има опасност од пожари .

Тагови: ЦУК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

48 годишниот пејач кој беше застрелан на влезот на Арачиново е во стабилна состојба

48 годишниот пејач кој беше хоспитализиран по повреда од огнено оружје е во стабилна сосотојба велат од Грдска болница за Канал 5. Во план е да се прави втора интервенција кај него велат од таму.

Од министерството за внатрешни работи информираат дека вчера во 01 часот и 50 минути наутро, во СВР Скопје било пријавено од здравствената установа „Свети Наум Охридски“ дека кај нив е донесено лице со иницијали А.М од Скопје.Според полицијата настанот се случил на влезот на Арачиново , откако од возило едно лице кое го познавало , а било во придружба со друго лице со огнено оружје пукало кон него . Од МВР велат дека се преземаат мерки за расчистување на случајот .

Тагови: Арачиново

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: На граничниот премин Долно Блаце за влез во Македонија се пријавил Перпарим Бајрами, баран со меѓународна потерница

Поранешниот директор на Државна лотарија, Перпарим Бајрами, во раните утрински часови се пријавил кај македонските власти по што бил уапсен информираат од министерството за внатрешни работи. Бајрами беше во бегство од 2024 година.

Од министерството за внатрешни работи информираат дека утрово во 5 часот и 35 минути ,на граничниот премин Долно Блаце за влез во Македонија се пријавил 33 годишниот Бајрами које баран со меѓународна потерница. Тој бил лишен од слобода и спроведен во казнено поправната установа -Скопје. Бајрами е обвининет во кривичниот процес во врска со наводното незаконско работење на Државна лотарија, заедно со поранешниот вицепремиер Артан Груби, кој исто така беше во бегство и исто така самиот се предаде на полицијата. МВР против Бајрами и Груби распишаа меѓународна потерница во декември 2024 година откако Кривичниот суд им определи мерка притвор од 30 дена, но тие не беа достапни за органите на прогонот. Груби се предаде во февруари годинава на граничниот премин Блаце, на македонско-косовската граница и беше во притвор, што подоцна беше заменет со куќен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.