Свет

Ден на жалост во Австралија поради смртта на кралицата Елизабета II, Абориџините на протест

Австралија денеска го одбележа Денот на жалост за кралицата Елизабета Втора, при што премиерот Ентони Албанезе рече дека најголемата почит што нацијата може да ја понуди не е спомен, туку „повторно прифаќање на идејата за служба на заедницата“.

Со оглед на тоа дека денот е прогласен за национален празник, во зградата на парламентот во Канбера се одржа комеморација за кралицата Елизабета, која како шеф на австралиската држава ја посети земјата 16 пати во текот на седумте децении владеење. На комеморацијата присуствуваа 600 државници.

Церемонијата ја отвори водачот на домородната заедница Виолет Шеридан, која изврши традиционален ритуал за добредојде и се сеќаваше на кралицата Елизабета како мајка и баба. Настанот се случи пред протестите во три града организирани од домородните групи против монархијата и влијанието на британската колонизација врз абориџинските групи.

Албанезе, која се врати во Австралија еден ден порано, откако присуствуваше на погребот на кралицата Елизабета во Лондон, истакна дека нејзиниот спомен се почитува „на континент кој е дом на најстарата континуирана култура во светот“.

Албанезе ја поддржува идејата Австралија да стане република, но претходно рече дека неговата централно-левичарска лабуристичка влада ќе даде приоритет на признавањето на луѓето од првите нации во уставот, кој, како и секоја транзиција кон република, бара национален референдум. Референдумот за република не успеа во 1999 година, а неодамнешните анкети покажуваат дека мислењето е поделено.

Говорејќи на меморијалната церемонија, тој рече дека Австралија претрпе трансформација за време на владеењето на кралицата Елизабета. Кога кралицата беше на својата прва турнеја, Британија беше најголемиот трговски партнер на Австралија и најголемиот извор на миграција, рече тој. „Онаа Австралија од 1954 година, каде седум милиони луѓе - 70 отсто од населението - го пречекаа првиот суверен што ја посети оваа земја, беше, речиси во секој поглед, различна земја во различен свет“, рече тој.

Кралицата Елизабета беше горда на напредокот на Австралија и „застана покрај нас“, рече тој, а во Австралија „наклонетоста кон неа остана силна“.

„Можеби најголемата почит што можеме да ја оддадеме на нејзиното семејство и нејзиниот спомен не е мермерна статуа или метална плоча. Тоа е обновување на идејата за служба на заедницата“, рече тој.

Свет

Руски новинар на „Форбс“ е приведен поради наводно ширење лажни информации за армијата

Новинарот на магазинот „Форбс Русија“, Сергеј Мингазов е приведен под сомнение дека ширел лажни информации за руската армија, објави денеска магазинот.

„Форбс Русија“ додава дека досега не успеале да стапат во контакт со Мингазов. Неговиот адвокат Константин Бубон на Фејсбук објави дека новинарот е во притвор во источниот руски град Хабаровск, каде што живее.

Адвокатот рече дека Мингазов бил приведен поради преобјавување публикации за наводни руски воени злосторства во украинскиот град Буча, каде што убиствата на украинските цивили во првите недели од војната беа пријавени од Ројтерс и други новински организации.

Профилот на Мингазов на платформата Телеграм содржи бројни објави за Буча, а засега не е јасно за која од нив новинарот е приведен. /МИА

Свет

Шведска треба да го зголеми воениот буџет за 4,6 милијарди евра до 2030 година

Шведска треба да го зголеми воениот буџет за речиси 54 милијарди круни (4,6 милијарди евра) до 2030 година за да ја зајакне противвоздушната одбрана и да го зголеми бројот на регрути, препорача Комитетот за одбрана на шведскиот Парламент.

Комитетот, составен од претставници на осум парламентарни партии, наведува дека членството во НАТО и сериозната безбедносна состојба бараат поголеми амбиции. Шведска стана членка на НАТО минатиот месец, напуштајќи ја децениската политика на воена неутралност по руската инвазија врз Украина.

Напад врз Шведска или врз нашите сојузници не може да се исклучи, истакна Комитетот во денеска објавениот извештај.

Во документот, иста така се истакнува дека шведската противвоздушна одбрана мора да се прошири за да одговори на заканите со беспилотни летала, оти треба да се набават повеќе крстосувачки ракети, а морнарицата треба да добие повеќе персонал. Исто така, се предлага постепено зголемување на бројот на регрути од сегашните 8.000 на 12.000 до 2032 година. /МИА

Свет

Пет клучни донатори вложија повеќе од 50 милиони долари во претседателската кампања на Трамп

Пет клучни донатори инвестирале повеќе од 50 милиони долари во претседателската кампања на Доналд Трамп.

Тимоти Мелон, наследник на банкарското семејство Мелон, од 2022 година инвестираше најмалку 16,5 милиони долари во организацијата „Мага“ блиска до Трамп. Тој исто така има инвестирано најмалку 20 милиони долари во организацијата за време на претседателските избори во САД во 2020 година.

„Форбс“ го проценува богатството на Мелон на 14,1 милијарди долари, а познато е дека тој инвестирал и најмалку 20 милиони долари во кандидатурата на Роберт Кенеди за претседател на САД.

„Форбс“ го проценува богатството на Мелон на 14,1 милијарди долари, а познато е дека тој инвестирал и најмалку 20 милиони долари во кандидатурата на Роберт Кенеди за претседател на САД.

Брачниот пар Исак и Лара Перлмутер во актуелната кампања на Трамп инвестирале повеќе од 10 милиони долари, а во 2020 година во неговата кандидатура вложиле 21 милион долари.

Трета на листата е претприемачката Линда Мекмахон, која донираше повеќе од 10 милиони долари на Трамп овој изборен циклус, а во 2019 и 2020 година инвестираше повеќе од 15 милиони долари.

Успешниот хотелиер Роберт Бигелоу во овој изборен циклус вложил девет милиони долари во организацијата „Мага“, а вети дека ќе вложи вкупно 20 милиони долари.

Додека Патриша Дуган во сегашната кандидатура на Трамп инвестираше повеќе од пет милиони долари, а претходно таа и нејзиниот поранешен сопруг Роберт веќе инвестираа во кампањата на Трамп во 2020 година. /МИА

притисни ентер