Демостат: Многу српски медиуми паднаа на тестот за почитување на основните стандарди - Канал 5

Балкан

Демостат: Многу српски медиуми паднаа на тестот за почитување на основните стандарди

Повеќето српски медиуми по двата масакри на 3 и 4 мај во ОУ „Владислав Рибникар“ во Белград и во селата кај Младеновац и Смедерево, не го почитуваа новинарскиот кодекс и етика, пишува денеска Истражувачко-издавачкиот центар Демостат.

Демостат: Многу српски медиуми паднаа на тестот за почитување на основните стандарди

„За време на вакви настани, медиумите имаат голема одговорност да известуваат во согласност со новинарскиот кодекс и етика, почитувајќи ги основните професионални стандарди - и пред се, важно е да не се објавуваат непроверени информации. Сепак, многу српски медиуми паднаа на тој тест, затоа што се препуштија на сензационализам и паушално толкување, со желба први да ја соопштат веста, да имаат најдетални (дез)информации за настанот чие објавување не е од суштински интерес за јавноста и да добијат што е можно повеќе кликови“, објави Демостат на својата веб-страница.

Како што се додава во текстот, ширењето на дезинформации и лажни и непроверени вести откако ќе се случи голема трагедија може да предизвика дополнителна конфузија, збунетост, страв, вознемиреност и паника и да ја загрози јавната безбедност.

Демостат потсетува дека српските медиуми го објавија идентитетот на момчето што пукаше во училиштето, вклучувајќи и негова фотографија, неполни два часа по вооружениот напад, додека српските власти истиот ден изнесоа низа информации, како што се податоци за неговото семејство, приходите на неговите родители, но и детали од неговото медицинско досие, кои потоа ги пренесоа медиумите.

„Сведоци сме дека порталите, но и некои телевизии, лицитираа со бројот на жртвите во масакрот во белградското училиште, пред МВР и официјално да се обрати до медиумите со соопштение. Многу портали објавија дека наставничката по историја која беше ранета во пукањето починала, но по одредено време таа вест беше демантирана“, наведува Демостат.

Недолго по масакрот во училиштето, многу медиумски портали во Србија објавија фотографија од момчето за кое тврдеа дека е К.К., кој го извршил масакрот. Но, на фотографијата на која се гледаат три лица, на која многу медиуми го додадоа описот „последната фотографија од момчето кое го изврши масакрот“, го нема К.К. туку младиот човек Едвин Хотеа кој живее во Даблин и кој самиот на својот канал на ТикТок објасни дека тој е личноста на фотографијата.

Освен српските медиуми, контроверзната фотографија ја објави и британскиот таблоид Дејли Мејл, но текстот во меѓувреме е отстранет.

На првата официјална прес-конференција на Владата на Србија беше објавено кој се наоѓа на „листата за отстрел“ на малолетниот К.К., а тој список, како што пишува Демостат, „без размислување“ го пренесоа многу медиуми.

„На порталите, во телевизиските емисии и во весниците можеме да прочитаме безброј детали за животот на К.К., за неговото семејство, неговото однесување, можевме да дознаеме во која зграда живее. Новинарите пренесуваат и општи толкувања и теории за тоа зошто момчето решил да изврши страшен чин во своето училиште и како е извршено кривичното дело, игнорирајќи го фактот дека во вакви случаи нема место за сензационализам, бидејќи тоа може да доведе до повторна трауматизација на учесниците и жртвите на настанот, напнатост и страв во јавноста, но и да ги инспирира другите да го имитираат злосторството“, посочува Демостат.

Оттаму, уште додаваат дека медиумите објавиле податоци од истрагата кои не требало да бидат објавени и изјави од различни извори од истрагата кои не можат да се утврдат дали се наводни или вистински, со објаснување зошто дошло до кривичното дело и што рекле малолетник К.К. и убиецот од Младеновац изјавиле на рочиштето или на разговорот со надлежните.

По пукањето во училиштето, на социјалните мрежи се прошири информација дека за повредените се бараат крводарители. Но, во таа објава беше наведено дека се бараат само донатори кои не се вакцинирани против коронавирусот. Тоа, како што посочува Демостат, беше гнасна дезинформација, но многу брзо се прошири на мрежите и беше споделена од многу профили без многу размислување, но и со вистинска намера да ги измамат своите следачи.

Лажната вест ја демантираше Институтот за трансфузија на крв, на чија страница на Инстаграм, меѓу другото, беше објавено дека здрави луѓе кои ги исполнуваат потребните критериуми можат да даруваат крв, без разлика дали ја примиле вакцината против Ковид или не.

На социјалните мрежи се прошири и песна посветена на жртвите, за која корисниците тврдеа дека ја напишал актерот Жарко Лаушевиќ. Песната со потпис на Жарко Лаушевиќ ја пренесоа и многу српски и регионални портали. Но, само еден ден подоцна дојде демант на претставникот на Лаушевиќ, кој изјави дека познатиот актер нема профили на социјалните мрежи. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маж во Италија бил 27 часа затрупан под карпи- во акцијата учествувале 60 спасувачи (ВИДЕО)

Драма во познатите пештери Урзулеи на италијанскиот остров Сардинија. 

Маж во Италија бил 27 часа затрупан под карпи- во акцијата учествувале 60 спасувачи (ВИДЕО)

Пештерски истражувач беше закопан во недела попладне по уривање на карпи и земја. Членовите на Националниот корпус за планинско и спелеолошко спасување (CNSAS) се сомневаа дека човекот е под огромни, повеќетонски парчиња карпа и чакал, објавува Bild.de.

По часови неизвесност, пристигнаа охрабрувачки вести - 31-годишниот Италијанец е жив и е успешно спасен. Фотографиите и видеата го покажуваат моментот кога повредениот човек е извлечен на површината во понеделник вечерта, по повеќе од 27 часа поминати заробен под земја.

Човек заробен на длабочина од 10 метри

Според информациите од спасувачките екипи, човекот ја истражувал пештерата кога се случило лизгање на земјиштето, а карпите и камењата го покриле преминот и го заробиле на длабочина од околу 10 метри.

Неговиот партнер ги известил спасувачките служби околу 14:30 часот. Потоа започнала драматична трка со времето за да го однесат човекот на безбедно.

Во операцијата учествуваа околу 60 спасувачи

На местото на несреќата беа распоредени специјализирани спелеолошки спасувачи, лекари и експерти за отстранување на урнатини од цела Италија. Вкупно околу 60 лица учествуваа во координираната операција, заедно со воздушни спасувачи и пожарникари.

Првично, не беше можно да се воспостави контакт со закопаниот човек, а преминот до пештерата Горопеду беше блокиран.

Спасувачите прво мораа да отстранат камења и урнатини за да стигнат до него. Работата траеше цела ноќ и продолжи до понеделник вечерта. Во многу ограничен простор, екипите рачно го расчистија преминот широк само 1,5 метри и со иста висина. Во исто време, мораа да го обезбедат отворот со дрвени штици за да спречат понатамошно уривање.

По повеќе од 27 часа напорна работа, тие успеаја да го ослободат човекот.

Според порталот „SardegnaLive“ и неколку италијански новински агенции, пештерскиот истражувач бил свесен во моментот на спасувањето, но не можел да се движи. Откако бил извлечен на површината, лекарите ја стабилизирале неговата состојба, а потоа бил префрлен во болница со хеликоптер на брза помош.

Тагови: италија карпи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Дресот на Џордан од финалето на НБА лигата во 1998 е продаден за 14 милиони долари

Дресот што го носел и потпишал поранешниот американски кошаркар Мајкл Џордан за време на финалето на НБА во 1998 година е продаден во приватна трансакција за 14 милиони долари.

Дресот на Џордан од финалето на НБА лигата во 1998 е продаден за 14 милиони долари

Дресот што го носел и потпишал поранешниот американски кошаркар Мајкл Џордан за време на финалето на НБА во 1998 година е продаден во приватна трансакција за 14 милиони долари, соопшти аукциската куќа „Хант“, што ја прави највисоката цена платена досега за кошаркарски сувенир.

Купувачот на црвениот дрес, кој Џордан го носеше во вториот натпревар од финалето против Јута Џез на 5 јуни 1998 година, е инвеститорот во недвижности од Мајами, Рон Фирман, објавува АП.

Последниот шампионски трофеј на Џордан

Чикаго Булс ја победија Јута во тој натпревар и го израмнија резултатот на 1-1, а потоа ја освоија титулата во шест натпревари. Тоа беше шестиот и последен шампионски трофеј на Џордан во неговата кариера.

Сезоната 1997/1998 беше тема на документарната серија „Последниот танц“, објавена во 2020 година, која ја следеше последната шампионска сезона на Џордан со Чикаго.

Претседателот на аукциската куќа, Дејвид Хант, изјави дека важноста на Џордан на пазарот на спортски колекционерски предмети достигна ниво карактеристично за познати уметнички дела.

Продажната цена од 14 милиони долари е втората највисока сума платена за дрес што го носел спортист. Рекордот го држи дресот на бејзбол играчот Бејб Рут, продаден во 2024 година за 24,12 милиони долари.

Рут го носеше овој дрес кога го постигна познатиот хоум ран во Светската серија во 1932 година против Чикаго Кабс.

Сменуваше сопственик само еднаш

Дресовите што ги носеше Џордан во финалната серија во 1998 година веќе достигнаа мултимилионски износи. Дресот од првиот натпревар беше продаден во 2022 година за околу 10,1 милион долари, додека дресот од третиот натпревар минатиот месец достигна цена од околу 12,3 милиони долари.

Фирман рече дека Џордан е исклучително талентиран кошаркар кој е почитуван низ целиот свет и дека е многу возбуден поради купувањето.

Аукциската куќа во соопштението наведува дека дресот првично бил купен од Чикаго Булс во 2003 година и дека оттогаш сменил сопственик само еднаш.

Други предмети поврзани со последната сезона на Џордан во Чикаго се исто така од голем интерес за колекционерите.

Патиките што ги носеше во вториот натпревар од финалето против Јута беа продадени на аукција на „Сотби“ во 2023 година за 2,2 милиони долари, што во тоа време постави рекорд за најскап пар продадени патики.

Тагови: мајкл џордан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пукотница во близина на Европскиот парламент: Едно лице загина, полицаец е застрелан во глава

Во пукотница во близина на зградата на Европскиот парламент во Брисел рано утрово загина едно лице, потврди канцеларијата на белгискиот обвинител.

Пукотница во близина на Европскиот парламент: Едно лице загина, полицаец е застрелан во глава

Пукањето се случило во населбата Иксел, а нема дополнителни информации за околностите на инцидентот, објавува „Бруселс тајмс“.

Во исто време, во бриселското предградие Зет се случи уште една пукотница, во која полицаец бил застрелан во главата додека се обидувал да запре украдено возило.

Осомничениот подоцна бил уапсен во специјална полициска операција, а кај него биле пронајдени три оружја.

Сè уште не е утврдено дали двата инцидента се поврзани.

Белгискиот министер за внатрешни работи, Бернар Квинтин, се огласи за смртта на полицаецот и рече дека е длабоко потресен од трагедијата. Тој изјави дека обвинителството спроведува истрага и дека одговорните ќе се соочат со полната сила на законот.

Во врска со двата случаи, обвинителството треба да одржи прес-конференција попладнево.

Тагови: Европскиот парламент полицаец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер