Демократ во Конгресот на САД зборува шест часа без пауза, сака да го спречи законот на Трамп (ВИДЕО) - Канал 5

Свет

Демократ во Конгресот на САД зборува шест часа без пауза, сака да го спречи законот на Трамп (ВИДЕО)

По ноќ исполнета со лобирање, уцени и притисок на социјалните медиуми, републиканците во Претставничкиот дом изјавија дека конечно се подготвени да гласаат за огромниот пакет за даноци и трошоци на претседателот Доналд Трамп.

Демократ во Конгресот на САД зборува шест часа без пауза, сака да го спречи законот на Трамп (ВИДЕО)

Вредноста на пакетот е дури 4,5 трилиони долари, а Трамп бара од Конгресот да го усвои до утре, на Денот на независноста на САД.

Против законот на Трамп

Дебатата за законот од 887 страници започна во раните утрински часови во четврток. Но, лидерот на демократите, Хаким Џефрис, не ја напушти говорницата повеќе од шест часа, остро критикувајќи го законот, за кој демократите тврдат дека значително ќе ги намали социјалните програми од кои зависат милиони американски семејства и деца, а во исто време ќе ги намали даноците за богатите и значително ќе го зголеми американскиот јавен долг.

Џефрис користи правило познато како „магична минута“ - непишана традиција што им овозможува на партиските лидери да зборуваат колку што сакаат откако ќе заврши формалната дебата.

Во 2021 година, тогашниот лидер на републиканците, Кевин Мекарти, зборуваше рекордни осум часа и 32 минути во обид да го блокира законскиот пакет на Џо Бајден, но законот сепак беше усвоен. Џефрис го започна својот говор кратко по 5 часот наутро и се очекува да го сруши рекордот на Мекарти во 13:26 часот по локално време.

Што вели Џефрис?

Демократите се целосно обединети против законот, кој го нарекоа „големата грдотија“. Џефрис чита лични приказни од Американци низ целата земја кои би биле погодени од законот уште од рано наутро. Тој зборува за луѓе кои ќе го изгубат здравственото осигурување, купони за храна и други клучни социјални бенефиции. До него има купишта папки од кои ги чита признанијата на засегнатите граѓани.

Тој го нарече законот „место на злосторство“ и „гнас“ што им користи на милијардерите.

„Луѓе ќе умрат. Десетици илјади, можеби година по година, како резултат на нападот на републиканците врз здравствената заштита на американскиот народ“, рече Џефрис.

Што велат републиканците?

Републиканците продолжуваат да го бранат клучниот закон на Трамп и се очекува да го усвојат. Претседателот на Претставничкиот дом, Мајк Џонсон, рече дека средата била „долг и продуктивен ден“ и го пофали Трамп за повикот до неодлучните пратеници до раните утрински часови.

Трамп го помина поголемиот дел од средата на состаноци и телефонски разговори со скептичните републикански пратеници.

Кога изгледаше дека законот може да застане, Трамп се огласи на својата социјална мрежа Truth Social за да им се закани на противниците во партијата:

„Што чекаат републиканците??? Што се обидувате да докажете??? МАГА НЕ Е ЗАДОВОЛНА И ВЕ ЧИНИ ГЛАСОВИ!!!“

Тагови: Доналд Трамп Конгресот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео- Фото: Халанд со нова фризура во нови победи со Сити

Светската фудбалска ѕвезда, норвешкиот стрелец Ерлинг Халанд со нов имиџ, кратка коса се појави на старот на  новата сезона со Манчестер Сити во Премиер лигата. 

Видео- Фото: Халанд со нова фризура во нови победи со Сити

Напаѓачот на Манчестер Сити, Ерлинг Халанд (26), ја скрати долгата коса и ја започна сезоната во Премиер лигата со драстично поинаква фризура.

На милиони негови фанови ќе им биде тешко да се навикнат на фактот дека норвешката машина за голови сега изгледа вака:

Халанд се појави на натпреварот против Борнмут на стадионот „Етихад“ со кратка коса, а пред почетокот на мечот објави видео од својата нова фризура на својот профил на социјалната мрежа X.

Поради новиот изглед на Халанд на социјалните мрежи се јавија и неговиот долгогодишен тренер, легендарниот Пеп Гвардиола и светската ѕвезда Златан Ибрахимовиќ.

Во видеото во кое Халанд е со новиот имиџ може да се види и изненадената реакција на неговиот поранешен тренер Пеп Гвардиола, кој не можеше да поверува во она што го гледа. Шпанецот реагираше побурно, па дури и опцу за време на нивниот видео-повик.

„Не е можно... Среќник си што воопшто имаш коса, и јас би сакал да имам“, рече Гвардиола со насмевка.

„Што по ѓаволите си направил? О Боже, што е ова? Да не изгуби во некој облог или слично? Блокирај ме, избриши ми го бројот“, му рече Златан Ибрахимовиќ.

Секако реагираа и многу соиграчи на Халанд.

Ерлинг Халанд со години носеше долга коса и беше препознатлив по неа. Последен пат настапи со косата врзана во опавче на Светското првенство во Америка, каде што испиша историја со националниот тим: го елиминираа Бразил и стигнаа до четвртфиналето, откако во нокаут-фазата ја совладаа Брегот на Слоновата Коска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче со потсмев ја поздрави одлуката на Абази со која беше ослободен од одговорност за трагедијата со модуларната болница

Филипче со потсмев ја поздрави одлуката на Абази со која беше ослободен од одговорност за трагедијата со модуларната болница во Тетово.

ВМРО-ДПМНЕ: Филипче со потсмев ја поздрави одлуката на Абази со која беше ослободен од одговорност за трагедијата со модуларната болница

Откако 5 години предметот за модуларната болница во Тетово се чуваше во фиоките на Вилма Русковска и Елизабета Јосифовска од СЈО, во која животите ги изгубија 14 лица, Венко Филипче, како тогашен министер за здравство, не беше повикан ниту на разговор.

За да биде појасно што се случувало, треба да се потсетиме дека модуларните болници биле поставувани без соодветен надзор, без одобренија од општините и без одобрение од надлежното министерство, односно спротивно на правилата предвидени со Законот за градење.

Филипче склучил анекс на договорот со фирмата која ги поставувала модуларните болници, со што цената била зголемена за 20%.

Овој случај, во кој 14 луѓе го загубија животот, Абази го затвори со тоа што го спаси Венко Филипче. A што станува со измените на Законот за градење, за отсуството на елаборат за електрична енергија, како и за недостатокот на основни технички спецификации?

Досега, условни затворски казни добија поранешните директори на Клиничката болница во Тетово, Флорин Бесими и Артан Етеми, додека и самата болница како правно лице беше парично казнета.

Но, Абази оценил дека нема основ за одговорност од Венко Филипче.

Очигледно за Абази не биле доволни документите и вештачењата за да се отвори постапка против Филипче.

Па така, не е ни чудно што Филипче со потсмев ја поздравува оваа одлука, затоа што Абази си ја заврши задачата за која беше поставен во време на СДС, а тоа е да аргати за Заев, Филипче и Ахмети.

Секако, се појават нови докази, постапката за истото дело може повторно да биде отворена.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер