„Гордите момчиња“ тужат американски обвинители за 100 милиони долари по упадот во Конгресот - Канал 5

Свет

„Гордите момчиња“ тужат американски обвинители за 100 милиони долари по упадот во Конгресот

Петмина лидери на американската крајно десничарска група „Горди момчиња“, осудени во врска со упадот во Конгресот на 6 јануари 2021 година, поднесоа тужба против американската влада за 100 милиони долари.

„Гордите момчиња“ тужат американски обвинители за 100 милиони долари по упадот во Конгресот

Петмина лидери на американската крајно десничарска група „Горди момчиња“, осудени во врска со упадот во Конгресот на 6 јануари 2021 година, поднесоа тужба против американската влада за 100 милиони долари, тврдејќи дека нивните права биле прекршени за време на гонењето, јави Би-Би-Си.

Тие беа осудени за заговор и учество во немирите, чија цел беше да се поништат резултатите од претседателските избори во 2020 година, кои ги загуби Доналд Трамп. Откако се врати во Белата куќа претходно оваа година, американскиот претседател ги помилува.

Во тужбата, поднесена во Флорида, се тврди дека агентите и обвинителите на ФБИ биле мотивирани од лична пристрасност во водењето на случаите. Лидерите на „Гордите момчиња“ тврдат дека нивните уставни права биле прекршени „со цел да се казнат и угнетуваат политичките сојузници“ на Трамп.

Тужбата ја поднесоа Хенри Тарио, Итан Нордејн, Џозеф Бигс, Закари Рел и Доминик Пецола.

Тарио беше прогласен за виновен за планирање на нападот врз Конгресот. Тој доби максимална казна од 22 години затвор за поттикнување и заговор, меѓу другите обвиненија. Другите четворица исто така се соочија со слични обвиненија и беа осудени на затвор. Нивните казни беа поништени од Трамп, кој во јануари - на денот на неговата инаугурација - издаде околу 1.500 помилувања за оние вклучени во тие немири.

„Овие луѓе беа уништени. Она што им го направија е скандалозно. Ретко сме виделе нешто слично во историјата на нашата земја“, рече Трамп по потпишувањето на помилувањата.

Во тужбата, се наведува дека петте лидери биле подложени на „бесрамна злоупотреба на правниот систем“. Во тужбата се тврди дека обвинители се вмешани во „фалсификување докази“ и „заплашување сведоци“. Исто така, се тврди дека обвинителството било „корумпирано и политички мотивирано“.

Тужбата е против Министерството за правда, кое моментално е под администрацијата на Трамп и предводено од државниот обвинител Пам Бонди. Според бројките објавени од одделот во јануари, околу 1.583 лица се обвинети за кривични дела поврзани со упадот во Конгресот.

Тагови: Конгресот обвинители

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер