Манасиевски: Опозицијата на чело со СДС, Левица и ДУИ не се бори за подобар Изборен законик, туку за да нема Изборен законик
Младеновска: Нов скандал на Тошковски –полицијата е како „швајцарско сирење“, наркодилер избега низ прозорец
1Манасиевски: Опозицијата на чело со СДС, Левица и ДУИ не се бори за подобар Изборен законик, туку за да нема Изборен законик
2Младеновска: Нов скандал на Тошковски –полицијата е како „швајцарско сирење“, наркодилер избега низ прозорец
БалканДелфи декларација: Унапредување и поставување нови темели за европска интеграција на Западен Балкан Ја изразуваме нашата решителност, во духот и целите на Солунската агенда, активно да го унапредиме патот кон членство на сите партнери од Западен Балкан и да постигнеме конкретни резултати за време на грчкото претседателство со Советот на ЕУ. Во месеците до грчкото претседателство, нашата заедничка цел е да поставиме нови темели за приближување и европска интеграција на Западен Балкан, пишува во декларацијата усвоена на министерскиот состанок на маргините на Економскиот форум во Делфи, јави дописничката на МИА. „Делфи декларацијата за европската интеграција на Западен Балкан“ ја усвоија шефот на грчката дипломатија Јоргос Герапетритис и претставниците на шесте земи од регионот, односно заменик-министерот за надворешни работи и надворешна трговија Зоран Димитровски, министерот за Европа и надворешни работи на Албанија Ферит Хоџа, првиот вицепремиер и министер за надворешни работи и дијаспора на Косово Глаук Коњуфца, министерот за европска интеграција на Србија Немања Старовиќ, заменик-министерот за ЕУ на Црна Гора Иван Иванишевиќ и амбасадорот на Босна и Херцеговина во Грција Драган Вуковиќ. Во пресрет на грчкото претседателство со Советот на ЕУ во втората половина на 2027 година, учесниците на министерскиот состанок „се обврзуваат да ги засилат напорите за регионална и европска интеграција, со конкретни придобивки за граѓаните и бизнисите“. Министрите и замениците министри во Декларацијата потсетуваат на Солунската агенда, од 2003 година, за време на тогашното грчко претседателство, за која сметаат дека „ја постави основата за европската перспектива на Западен Балкан“, ја потврдуваат заедничката посветеност на ЕУ вредностите за „почитување на човековите права и човечкото достоинство, слободата, демократијата, еднаквоста, владеењето на правото, почитување на човековите права, вклучително и правата на малцинствата“ и повторуваат дека иднината на Западен Балкан е во ЕУ. - Ја нагласуваме важноста на интеграцијата на Западен Балкан во ЕУ како стратешки императив за европската безбедност, со цел зајакнување на отпорноста, автономијата и подготвеноста на регионот и низ Европа. Го поздравуваме обновениот фокус на ЕУ кон проширувањето и интеграцијата на Западен Балкан како геостратешка инвестиција во мирот, безбедноста, стабилноста и просперитетот во нашиот регион и нашиот континент. Ја истакнуваме потребата од ефикасна интеграција и опиплива поддршка од ЕУ за партнерите од Западен Балкан во борбата против хибридните закани и кампањите за дезинформации, пишува во Декларацијата. Дополнително, претставниците на седумте земја ја повторуваат посветеност на инклузивна регионална соработка и добрососедски односи „како предуслови за интеграција во ЕУ, како и клучни елементи за градење заедничка европска иднина“, како и на ефикасното спроведување на Планот за раст за Западен Балкан, а се осврнуваат и на соработката во миграцијата, против корупцијата и против сите форми на организиран криминал. - Повикуваме на ефективна интеграција на регионот во ЕУ плановите за поврзаност, со акцентот на енергетиката, транспортот и дигиталната поврзаност. Ја истакнуваме потребата од транспортна интеграција на Западен Балкан, вклучително и проширувањето на Трансевропската транспортна мрежа (TEN-T) и промоцијата на иницијативи како што се „Зелените коридори“ за поврзување на регионот со клучни транспортни коридори и синџири на снабдување, како што се IMEC, транспортниот коридор Западен Балкан-Источен Медитеран, Коридорот VIII по оската Исток-Запад, Коридорот X и вертикалниот коридор Црно Море-Егејско Море, пишува во декларацијата. Дополнително, повикуваат на понатамошно олеснување на трговијата меѓу ЕУ и Западен Балкан и ги поддржуваме напорите за подобрување на протокот на стоки преку границите на ЕУ. Тагови: Делфи Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ТехнологијаДоаѓа армија од машини: Кина ќе прави над 100.000 хуманоидни роботи оваа годинаКина очекува да произведе повеќе од 100.000 хуманоидни роботи оваа година, според Ган Сјаобин, заменик-директор на Одделот за наука и технологија во Министерството за индустрија и информатичка технологија на Кина.Во разговор со новинарите по повод Светската конференција за вештачка интелигенција (WAIC) во Шангај, тој рече дека развојот на вештачката интелигенција и проширувањето на екосистемот на вештачката интелигенција го забрзуваат растот на роботската индустрија во Кина и е еден од клучните двигатели на идниот технолошки развој на земјата. Светската конференција за вештачка интелигенција (WAIC) ќе се одржи во Шангај од 17 до 20 јули 2026 година, заедно со состанок на високо ниво за глобално управување со вештачката интелигенција. Организаторите најавија дека овогодинешниот собир ќе биде еден од најголемите глобални настани посветени на развојот и примената на вештачката интелигенција, со повеќе од 1.100 компании-изложувачи, над 3.000 презентирани производи и решенија и вкупен изложбен простор од повеќе од 100.000 квадратни метри. Програмата ќе вклучува повеќе од 140 тематски форуми, со учество на над 1.400 меѓународни гости, според веб-страницата на организаторите. Извор: Б92Тагови: Кина роботи Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиУспешно евакуирани три лица од непристапен терен на Бистрица на Шар Планина11:10Македонија ќе ја води истрагата за инцидентот со авионот на „Рајанер“ затоа што инцидентот се случил над наше небо15:06Мицкоски од Охрид: Продолжуваме да инвестираме во проекти кои ќе го подобрат животот на охриѓани12:26Мицкоски во посета на Општина Охрид09:47Ќе успеат ли партиите до 15 јули да договорат нов Изборен законик?15:00
Македонија ќе ја води истрагата за инцидентот со авионот на „Рајанер“ затоа што инцидентот се случил над наше небо15:06
Мицкоски од Охрид: Продолжуваме да инвестираме во проекти кои ќе го подобрат животот на охриѓани12:26
МакедонијаМанасиевски: Опозицијата на чело со СДС, Левица и ДУИ не се бори за подобар Изборен законик, туку за да нема Изборен законикОпозицијата на чело со СДС, Левица и ДУИ не се бори за подобар Изборен законик, туку за да нема Изборен законик.За првпат по подолг период постоеше реална можност новиот Изборен законик да биде донесен со широк политички консензус. Со месеци сите политички партии беа вклучени во разговорите, се усогласуваа текстови, се прифаќаа предлози и се бараше решение кое ќе биде прифатливо за сите. Но, кога требаше договорот да биде финализиран, СДС, Левица и ДУИ решија да се повлечат и да го блокираат целиот процес. Наместо Македонија да покаже политичка зрелост и да испрати порака дека најважните закони можат да се носат со договор, опозицијата избра конфронтација и дневнополитички пресметки. ВМРО-ДПМНЕ и понатаму останува на ставот опозицијата да седне и да се договори што сака, а ние тоа веднаш ќе го прифатиме, само да се олесни гласањето на дијаспората. Одлуката да не се искористи оваа можност и на следните избори повторно да бидеме со стариот ИЗ е исклучиво одговорност на СДС, Левица и ДУИ. Валентин Манасиевски, портпарол на ВМРО-ДПМНЕТагови: Валентин Манасиевски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаМладеновска: Нов скандал на Тошковски –полицијата е како „швајцарско сирење“, наркодилер избега низ прозорецНов скандал на Панче Тошковски, наркодилер му побегна од полициска станица во Кочани.Александар Лазаров Цуна познат криминалец кој и претходно бил осудуван и лежел во затвор за трговија со дрога бега од сред полициска станица. Ако наркодилери можат слободно да бегаат од полициска станица што значи тоа? Тотален распад. Швајцарско сирење. Тоа е сликата за денешната партизираната полиција која наместо да ги гони, ги штити криминалците на власт. Но, овој скандал отвора сериозни сомнежи за пропусти, злоупотреби и спрега на ВМРО со криминалци и наркодилери на секое ниво. Тошковски треба да излезе пред граѓаните и да одговори, кој ќе понесе одговорност за овој скандал? Има ли барем малку грижа на совест што го пушти да избега наркодилерот Цуната, кој се поврзува и со дискотеката „Пулс“ во Кочани? Каква е поврзаноста на Цуната со началникот на ОВР Кочани, Тоше Стојанов, поставен од Тошковски? Каква е поврзаноста со пратеникот на ВМРО Миле Лефков, кој има слики со него? Кој дозволи да побегне преку прозор од полициска станица Кочани, или пак некој намерно го пуштил? Зошто наркодилерот не бил чуван во просториите за задржување? Доколку обвинителството навистина подготвувало предлог за определување мерка притвор, тогаш овој случај е уште посериозен и бара итна и темелна истрага. Но пред се бара одговорност. Во секоја нормална држава, ваков случај ќе значеше итна одговорност и оставки. Овој скандал му се случува на истиот оној Панче Тошковски на кого му поминаа пет тони дрога преку македонската граница без никој да понесе одговорност. На истиот оној Панче Тошковски за време на чиј мандат криминалци бегаа преку граница кога сакаат. На истиот оној Тошковски кој ветуваше: „Брат да ми е, ќе одговара“, а по две години мандат никој не одговара а криминалнци бегаат од полициска станица. СДСМ бара целосно расчистување на случајот, утврдување одговорност за сите инволвирани службени лица, вклучително и на раководството на ОВР Кочани. Уште колку скандали во МВР се доволни за Тошковски да понесе оставка? Прес-конференција на СДСМ, Рената Младеновска, членка на Извршниот одборТагови: Рената Младеновска Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook