Делчевци ги извадија олд-тајмерите од гаражите и дефилираа низ градските улици - Канал 5

Автомобилизам

Делчевци ги извадија олд-тајмерите од гаражите и дефилираа низ градските улици

Со почитување на сите мерки за заштита од Ковид-19, денеска членовите на здружението „King’s of the roads" од Делчево, направија спонтан мини собир на кој се претставија со своите возила од кои повеќето спаѓаат во категоријата олд-тајмери.

Делчевци ги извадија олд-тајмерите од гаражите и дефилираа низ градските улици

Едно од постарите возила кои денес учествуваа на собирот е автомобилот Алфа Ромео Суд, возило прозиведено 1978 година кое е сопственост на делчевецот Емил Илиевски.

-Се работи за оригинален модел каков што го гледате каква што ја гледате, колата е во добра состојба потребна и е само каросериска реставрација. Возилото го имам 6 години, а љубовта кон авотмобилите стари ми се јави уште од мали нозе. Во моментот имам неколку возила кои едно по едно гледам да ги реставрирам. На оние кои имаат желба за купување стари возила, а мислат дека ова е скапо хоби можам да им кажам дека има и поевтини возила кои можат да ги набават доколку сакаат да се дружиме, вели Илиевски.

Еден од оние кои пасионирано се занимава со реставрација на олдтајмери е Ангелчо Лефковски кој денес на собирот дојде со својот малку понов модел на БМВ кој е произведен 1987 година.

-Колата е БМВ, Е-30 од 1987 година. Целата е реставрирана со доста доработки по неа. Автомобилот е на мојот помал син и не е баш олдајмер туку е тјунинг возило и искрено заради тоа што уште се реставрира слабо ја возиме. Во однос на реставрирањето можам да кажам дека чини доста, колку една нова кола да си купиш, но како што велиме ние овде „секој ќеиф се плаќа", па така доста финансии се вложени и доста има по неа уште да се прави. Планираме да ставиме нови амортизери со друг систем на спуштање и дигање. Возилото има специјално направен издув така што колата е постара ама убава, вели Лефковски.

Претседателот на клубот Лоренцо Трајановски изрази задоволство што и покрај пандемијата денеска членовите се собраа после подолго време и ги извадија своите возила од гаражите.

-Целта на денешниот собир ни е да се видиме со членовите на клубот, поради тоа што поради пандемијата долго време не се дружевме. Доколку се олабави ситуацијата денес разговараме за можноста кога да го одржиме нашиот собир кој требаше да биде од балкански карактер затоа што имавме најавено учесници од Бугарија Србија, Грција, а имавме конаткти и со членови од Албанија и Косово. Се надеваме дека брзо ќе заврши оваа пандемија за да можеме да го организираме собирот, рече Трајановски.

Иако денешниот собри бил спонтан Трајановски најави почесто дружење на делчевските олд-тајмерџии особено со сопствениците на познатите Т-3 комбиња кои оваа година требаше да учествуваат на Балканското мини-бус шоу во Ниш кое поради пандемијата исто така се одложи.

-Ќе се дружиме почесто затоа што тоа е нашо хоби, затоа што сите се мераклии и не исполнува. Денес имаме и некои нови членови кои првпат се дружат со нас и со нив разговаравме за нивно вклучување во клубот со потпишување пристапници со што и официјално ќе можат да се зачленат. Да напоменам и една друга работа поврзана со Т-3 комбињата кои во нашиот град ги има во доста добра бројка, негде околу 12-13 такви возила. Годинава со дел од сопствениците на тие возила требаше да учествуваме на Балкан-бус собирот во Ниш на кој беа најавени учесници од 120 земји. Тоа требаше да биде 10-ти собир по ред, а ние бевме пријавени како единствени учесници од Македонија. Со организаторите доколку се подобри ситуацијата со пандемијата ќе разговараме за можноста овој собир следната година да се одржи во Делчево за што благовремено ќе бидете известени, додаде Трајановски.

Еден од оние кој денес учествуваше со такво Фолксваген Т-3 комби е и делчевецот Ванчо Цоневски кој планира активно да учествува на бус-митинзите кои ги најави Трајановски.

-Денес сум тука со возило Т-3 „фолксваген", комби кое го имам го околу 8 месеци. Имав желба за постари возила одамна, имав застава 750 – фиќо претходно, но немав услови да го средам и затоа го продадов. Лоренцо ми даде идеја за да го средам, повеќе време траеше, но се исплатеше. Возилото ќе ми служи за личен транспорт, но и како олдтајмер кој е во малкју помодерен стил, со додатоци од украсни диоди, додатни фарови и слично, објаснува Цоневски.

Сите возила кои денес дојдоа својата убавина ја претставија на дефилето пред своите сограѓани кои пиеја кафе во блиските локали, но уживаа во глетката на булеварот каде што се движеа возилата. За одбележување на денешниот настан е и тоа што учество зедоа младите Матеј Левковски и Никола Тодоровски кои како вљубеници во овој спорт во идниан планираат да учествуваат на разни собири како најмлади членови на Здружението „King’s of the roads" од Делчево./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Петре Арсовски е добитник на „Голема ѕвезда на македонскиот филм“ на ДФРМ за 2026 година

Актерот Петре Арсовски е годинешен добитник на наградата „Голема ѕвезда на македонскиот филм“, која Друштвото на филмските работници на Македонија (ДФРМ) ја доделува за исклучителен придонес кон македонската кинематографија. 

Петре Арсовски е добитник на „Голема ѕвезда на македонскиот филм“ на ДФРМ за 2026 година

Наградата ќе му биде врачена на свеченото отворање на годинешното издание на Интернационалниот фестивал на филмската камера „Браќа Манаки“, на 19ти септември во Битола.

Со повеќе од пет децении присуство пред филмската камера, Петре Арсовски е едно од препознатливите актерски лица на македонската кинематографија. Неговата кариера започнува во раните седумдесетти години и се протега низ различни периоди од развојот на македонскиот филм, оставајќи зад себе голем број улоги кои се дел од неговата историја.

Филмската кариера Арсовски ја започнува во 1971 година во „Македонскиот дел од пеколот“ во режија на Ватрослав Мимица. Во годините што следуваат игра во „Истрел“ на Бранко Гапо, „Јад“ на Кирил Ценевски, „Најдолгиот пат“ на Бранко Гапо и „Пресуда“ на Трајче Попов, а во 1980 година ја толкува главната улога на Петре Ќушко во „Време, води“ на Бранко Гапо.

Следуваат улоги во бројни филмови кои одбележаа различни периоди од македонската кинематографија, меѓу кои „Среќна Нова ’49“, „Тетовирање“, „Ангели на отпад“, „Џипси меџик“, „Збогум на 20-тиот век“, „Големата вода“, „Бал-кан-кан“, „Караула“, „Трето полувреме“, „До балчак“, „Ослободување на Скопје“, „Златна петорка“ и „Лена и Владимир“. Неговата филмографија опфаќа и бројни филмски и телевизиски продукции во земјите од регионот и пошироко.

За својата повеќедецениска работа Арсовски е добитник на бројни признанија, меѓу кои државната награда „11 Октомври“ за животно дело од областа на културата и уметноста, наградата за животно дело на Македонскиот театарски фестивал „Војдан Чернодрински“ и наградата „13 Ноември“ на Град Скопје.

Со доделувањето на „Голема ѕвезда на македонскиот филм“, ДФРМ му оддава признание на Петре Арсовски за неговиот исклучителен и траен придонес кон македонската кинематографија, за повеќедецениското присуство во македонскиот филм и за бројните актерски остварувања со кои неговото име стана нераскинлив дел од неговата историја.

Наградата „Голема ѕвезда на македонскиот филм“ ДФРМ ја востанови во 2013 година, а нејзини досегашни добитници се Кирил Ценевски, Милчо Манчевски, Дарко Марковиќ, Сајмон Пери, продуцентската куќа „Вардар филм“, Милица Стојанова, Љупчо Константинов, Столе Попов, Северџан Бајрам, Горјан Тозија – Медо, Лабина Митевска, Димитар Грбевски и Кирил Џајковски.

ДФРМ

Тагови: ДФРМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Кавадарци чекори кон поголема енергетска ефикасност

Во Општина Кавадарци се реализира значаен проект за поставување и проширување на фотоволтаични системи на повеќе јавни објекти, со цел зголемување на енергетската ефикасност и намалување на трошоците за електрична енергија.

Јанчев: Кавадарци чекори кон поголема енергетска ефикасност

Фотоволтаичните панели, како и проектите за нивно поставување, се обезбедени како донација, додека останатиот потребен материјал е обезбеден од Буџетот на Општина Кавадарци, преку спроведена јавна набавка.

Активностите опфаќаат вкупно 12 локации, меѓу кои повеќе објекти на ЈОУДГ „Рада Поцева“ – „Гроздоберче“, „Снежана“, „Детелинка“, „Изворче“ и „Сонце“, како и Библиотеката „Феткин“, Домот на култура ,,Иван Мазов Климе'' зградата на Општина Кавадарци, „ООУ Димката Ангелов Габер“, СОУ „Киро Спанџов – Брко“, Основен суд Кавадарци и ЈЗУ Општа Болница со проширена дејност Кавадарци.

На дел од објектите се поставуваат комплетно нови фотоволтаични системи, додека на други постоечките системи се надградуваат со дополнителен капацитет. На овој начин, јавните установи добиваат поголема можност за производство на сопствена електрична енергија од обновлив извор.

Овој проект претставува уште еден чекор кон создавање поодржлива, енергетски ефикасна и еколошки одговорна општина. Со вложување во обновливи извори на енергија, Општина Кавадарци не само што ги намалува долгорочните трошоци за електрична енергија, туку придонесува и кон заштита на животната средина и создавање подобри услови за идните генерации.

Кавадарци продолжува да инвестира во зелена енергија, одржлив развој и модерна јавна инфраструктура – за поекономична и позелена општина, објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хорор сцени: Пукање и пожар во семејна куќа

Осум лица, меѓу кои четири деца, беа убиени во куќа во Билингс, Монтана, каде што дошло до пукање и пожар по она што се верува дека е семејна расправија, соопшти полицијата.

Хорор сцени: Пукање и пожар во семејна куќа

Некои медиуми објавија дека пукањето се случило за време на семејна вечера.

Полицијата добила повик за помош по 18 часот за активен стрелец, а по пристигнувањето на местото на настанот, слушнале истрели и ја пронашле куќата целосно зафатена од пламен, објави „ABC“.

Останките од жртвите сè уште безбедно се извлекуваат од куќата, која била тешко оштетена во пожарот.

Осомничениот за инцидентот е исто така мртов.

Полицајците пронашле маж во дворот со самонанесена прострелна рана.

Тој бил однесен во болница, каде што починал.

Шерифот на округот Јелоустоун, Кент О'Донел, изјави дека властите веруваат дека инцидентот започнал како семејна расправија.

Полицијата соопшти дека не бараат други осомничени и дека нема понатамошна закана за заедницата.

Истовремениот оган и пукање го направија одговорот особено сложен и опасен, соопштија официјални лица.

Шефот на противпожарната служба на Билингс, Мет Хопел, рече дека куќата е целосно уништена, делумно поради недостаток на противпожарни хидранти во областа.

Имињата и возраста на жртвите и осомничениот не се објавени.

Истрагата ја води полицијата на округот Јелоустоун и Билингс, со учество на повеќе локални, државни и федерални агенции.

Причината и околностите на пожарот ќе бидат дополнително истражени откако местото на настанот ќе биде безбедно.

Тагови: пожар пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер