Дел од ЕУ амбасадорите повикаа на исполнување на обврските, на трибина посветена на ЕУ проширувањето - Канал 5

Македонија

Дел од ЕУ амбасадорите повикаа на исполнување на обврските, на трибина посветена на ЕУ проширувањето

На трибина посветена на евопското проширување дел од ЕУ амбасадорите повикаа Македонија да ги исполни обврските.

Дел од ЕУ амбасадорите повикаа на исполнување на обврските, на трибина посветена на ЕУ проширувањето

Дел од амбасадорите од земји членки на Европската Унија во земјава повикуваат на единствена позиција во државава за следниот чекор на македонскиот евроинтегративен пат – Уставните измени, тврдејќи дека ЕУ е амбициозна и подготвена за проширување а Македонија има добар реформски прогрес.

-Понекогаш чувствувам дека овде во Македонија сè уште постои чувство дека овој замор (од проширување) не е завршен, но е. Македонија може да биде дел од оваа нова динамика и мислиме дека треба да биде. За тоа треба да се направи компромис и треба да се пронајде единство во земјата за да се преземат тешките чекори.- Петра Дрекслер амбасадорка на Германија во Македонија

-Со големо задоволство можам да кажам дека гледаме позитивна траекторија, дека земјата забрзува во спроведувањето на овие реформски мерки.- Стефен Худолин, делегација на ЕУ во Македонија

Спикерот Африм Гаши пак посочи дека Македонија е држава која направила како што рече, најголем компромис, што ЕУ не го признала како вредност.

-Мислам дека е испуштена една голема шанса и голема порака, да се награди големиот труд на оваа држава, на овие граѓани, да смогнат сила да го сменат името на државата а тоа да не биде вреднувано како што треба.- Африм Гаши, претседател на Собрание

Според лидерот на опозициската СДСМ – Венко Филипче, јасен е патот напред кон ЕУ а одолговлекувањето на Уставните измени, ја влошува целокупната состојба во државава.

-Ние имаме конкретен предлог од сите земји членки на ЕУ – се вика преговарачка рамка. Ја изгласале сите земји членки на ЕУ а првиот чекор што треба да се направи е уставни измени и да се случи следната меѓувладина конференција, тоа е на масата. Ние можеме до утре да дебатираме за вредностите на ЕУ, за тоа како ќе ги вратиме вредностите општествени, нема да ги вратиме без ова, ќе биде уште полошо. - Венко Филипче, претседател на СДСМ

Според реномираниот Бриселски медиум Еуактив, пет земји од ЕУ - Австрија, Чешка, Италија, Словачка и Словенија преку конфиденцијален документ, ја повикале ЕК да го разгледа моделот на „систематска секторска интеграција“ за земјите од Западен Балкан преку кој би добиле пристап ,базиран на заслуги, до европскиот единствен пазар.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер