Дејвид Атенборо најде огромен диносаурус, снимајќи го новиот документарец - Канал 5

Живот

Дејвид Атенборо најде огромен диносаурус, снимајќи го новиот документарец

Британскиот ТВ-документарист Дејвид Атенборо направил ретко откритие за време на снимањето на новиот документарен филм.

Дејвид Атенборо најде огромен диносаурус, снимајќи го новиот документарец

Станува збор за череп на диносаурус, „целосно сочуван по милиони години“... Документарецот се снима во Обединетото Кралство.

Така, 96-годишниот ТВ-истрражувач вели дека џиновското морско чудовиште е всушност џиновски плиосаурс, кој се смета за „еден од најсуровите грабливци“ од Јура-периодот. Палеонтолозите веруваат дека ова е „целосно нов вид“, а во мигов работат на „тајна локација“ за да го откопаат масивниот череп.

„Овој огромен праисториски морски рептил владеел со морињата истовремено кога диносаурусите владееле со земјата - пред 150 милиони години“, се вели во документарецот.

Со надеж дека ќе ги открие „длабоко скриените тајни“, Атенборо додава дека плиосаурусите биле најголемите и најстрашните ловци во морињата.

- Морскиот еквивалент, може да се каже - на Т-рекс. Само черепот на овој е долг повеќе од два метри и „вооружен“ со масивни очници. Черепите што може да ни кажат најмногу за едно животно, лесно се кршат пред да се фосилизираат. Но, овој е речиси недопрен и ветува дека ќе открие секакви нови подробноти за овие застрашувачки грабливци кои ги ловеле нам познатите ихтиосауруси од Лајм Реџис (областа во јужна Англија, б.п.), раскажува Атенборо.

Документарецот „ќе ја комбинира револуционерната наука со волшебното раскажување на приказната и најсовремени специјални ефекти за да раскаже за овој најфеноменален предатор на светот Јура“, се вели во најавата. Ќe е прикажува под наслов „Атенборо и џиновското морско чудовиште“ на „Нетфликс“, но засега нема конкретни датуми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Како министерство сериозно сме засегнати за решавање на проблемите

Министерството за земјоделство, шумарство и водостопанство сериозно е засегнато за решавање на проблемите во делот на пласманот, производството и цената на оризот, порачал ресорниот министер Борче Серафимовски.

Серафимовски: Како министерство сериозно сме засегнати за решавање на проблемите

Тој денеска во Горни Подлог присуствувал на традиционалното зажетнување со срп на 35. издание на манифестацијата „Денови на кочанскиот ориз“.

Тагови: Борче Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Измамникoт од Tinder“ лансира апликација – се бара од „Apple“ и „Google“ да ја блокираат

Шимон Хајут, попознат како „Измамникот од Tinder“ – по документарниот филм за измамите што ги вршел – сака да лансира сопствена апликација за запознавање.

„Измамникoт од Tinder“ лансира апликација – се бара од „Apple“ и „Google“ да ја блокираат

Идејата на Хајут е да го искористи своето искуство со измами за да развие платформа наречена „Safe Love“, дизајнирана да ги штити корисниците од луѓе како него.

Хајут тврди дека неговото познавање на методите на лажење, манипулација и измама му овозможува да создаде систем што може подобро да ги спречи таквите активности. Сепак, неговата идеја веќе предизвика реакција во индустријата за онлајн запознавање.

Организацијата „Online Dating and Discovery Association (ODDA)“ испрати писмо до „Apple“ и „Google“, повикувајќи ги да не дозволат апликацијата поврзана со Хајут да се појави во нивните продавници за апликации. Организацијата наведува дека неговата вклученост во апликацијата би претставувала сериозен ризик за корисниците, особено за жените.

Деталите за тоа како „Safe Love“ всушност треба да ги штити корисниците остануваат непознати. Хајут спомна верификација на корисници, модерација и системи за заштита од измами, но не објасни како би функционирале овие системи или точно кога апликацијата би станала достапна.

Во исто време, ваквата апликација покренува дополнителни прашања во врска со довербата. Современите платформи за запознавање сè повеќе користат верификација на идентитетот и други безбедносни механизми, барајќи од корисниците да споделуваат лични податоци. Со апликација основана од некој што е озлогласен по романтични измами, довербата во начинот на кој се чуваат тие податоци ќе биде од особено значење.

Засега не е познато дали „Apple“ и „Google“ ќе го прифатат барањето на „ODDA“. „Safe Love“ сè уште не е објавена како широко достапна апликација, а нејзиното евентуално појавување во продавниците за апликации ќе зависи од усогласеноста со нивните политики и регулаторни барања.

Извор: Б92

Тагови: Tinder

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер