Дебитираше новото Порше 911 Турбо

Откако претходно оваа година беше претставена помоќната верзија од 911, моделот Турбо „S“, сега светлоста на денот ја здогледа и обичната Турбо верзија од 911.

Порше на купувачите ќе им понуди купе и кабриолет верзии, а двата автомобили во себе ќе имаат вградено 6 цилиндерски 3.8 литарски твин-турбо „боксер“ мотор, кој во Порше 911 Турбо испорачува 580 коњски сили.

Во однос на претходната генерација, автомобилот располага со додатни 32 коњски сили.

Силата се пренесува до тркалата преку автоматски 8 брзински менувач со двојно квачило.

Новото Порше 911 Турбо забрзува од 0 до 100 км/ч за 2,8 секудни, што е за 0,2 секунди подобар резултат од претходникот.

Максималната брзина останува иста, 320 км/ч.

Предните пневматици на автомобилот се со димензија 255/35 R20, додека задните 315/30 R21.

Управување на сите 4 тркала е стандерден дел од опремата на новото Порше 911 Турбо, баш како и погон на сите тркала.

Меѓу опциите е и унапреден систем за сопирање со керамичко- композитни кочници.

Еден ваков исклучителен спортски автомобил, мора да има и висока цена, па така 911 Турбо Купе во Германија чини од 180.811 евра, а кабриолет верзијата од 194.035 евра.

Нетанјаху го отфрли предлогот на шефот на Мосад за можен договор во Газа

 Израелската телевизија Канал 12 објави дека шефот на Мосад, Дејвид Барни, предложил можност за договор за размена на затвореници со Хамас, но премиерот Бенјамин Нетанјаху го отфрлил.

Телевизијата, повикувајќи се на неименувани приватни извори, објави дека Барни рекол дека верува во можноста за постигнување договор, но дека Нетанјаху се спротивставил на презентираните детали.

Деталите од договорот за кој Барни верува дека може да биде потпишан вклучуваат ослободување на 40 израелски затвореници и враќање на жителите од северна Газа во нивните домови без никакви други услови.

Како што наведува телевизијата, премиерот Нетанјаху смета дека договорот е „слаб“ за Израел и наложил да се подготват за окупација на Рафа во јужниот дел на Појасот Газа.

Според истиот извор, членовите на израелскиот воен кабинет Бени Ганц и Гади Ајзенкот го поддржале ставот на Барнеа, но тоа не го спречило Нетанјаху да се спротивстави и да го отфрли договорот.

Израелска делегација, предводена од директорот на Мосад, Дејвид Барни, отпатува во Доха, главниот град на Катар, на 18 март на нова рунда преговори за ослободување на затворениците во Газа.

Израелските медиуми објавија дека официјално започнале преговорите за размена на заробеници меѓу Хамас и Тел Авив, а во Доха пристигна израелска делегација предводена од директорот на Мосад. Во вестите на израелската телевизија Канал 12 беше наведено дека преговорите би можеле да траат околу две недели./МИА

Почина Шаќир Алити, прв градоначалник на Тетово по осамостојувањетo

Почина Шаќир Алити, првиот градоначалник на Тетово по осамостојуавњето на Македонија, информираше Општина Тетово. Алити беше градоначалник од 1991 до 1997 година.

-Со длабока тага ја дознав веста за смртта на добриот човек, ангажиран граѓанин, поранешниот прв градоначалник на општина Тетово по осамостојувањето на Северна Македонија, Шаќир Алити. Алити даде драгоцен придонес во политичките, економските и општествените процеси во Тетово. Како градоначалник на општина Тетово одигра суштинска улога во консолидацијата на локалната демократија. Во име на граѓаните на општина Тетово и во мое име, на семејството Алити му изразувам најдлабоко и најискрено сочувство, напиша актуелниот градоначалник Биљал Касами, пренесува канцеларијата за односи со јавноста.

Алити починал на 83 годишна возраст во родното село Глоѓи. Во 1991 годиба беше дел од Партијата за демократски просперитет (ПДП) која ја водеше Невзат Халили.

Во Токио средба Јоко - Лазарини

 Шефицата на јапонската дипломатија Камикава Јоко на средбата со генералниот секретар на Агенцијата на ОН за помош на палестинските бегалци на Блиски Исток (УНРВА) Филипе Лазарини побара поголема координација во пружањето на помош на УНРВА.

- Помошта за УНРВА претставува важен извор на приход, посочи Јоко, и повика на поефикасна структурна реформа на Агенцијата со цел да се обезбеди транспарентност на финансирањето и непристрасност на персоналот.

Таа додаде дека за Јапнија е важно да се зајакне управувањето со УНРВА „за да се осигури дека помошта не се користи за терористички активности“.

Лазарини истакна дека со Јапонија ќе биде воспоставена нова рамка која ќе обезбеди транспарентност на проектите.

Неколку земји го суспендираа своето финансирање на УНРВА во јануари годинава по израелските наводи дека 12 од неколку илјади вработени во Агенцијата учествувале во нападот на Хамас врз Израел на 7 октомври 2023 година. УНРВА ги истражува тврдењата, но предупреди дека намалувањето на финансирањето може да предизвика катастрофа. /МИА

притисни ентер