Де Ниро жестоко го нападна Трамп: Ова не е само проблем на САД, туку глобална закана (ВИДЕО) - Канал 5

Шоу биз

Де Ниро жестоко го нападна Трамп: Ова не е само проблем на САД, туку глобална закана (ВИДЕО)

Американскиот актер Роберт де Ниро, говорејќи за време на церемонијата на отворањето на 78-от Кански филмски фестивал, рече дека повторно избраниот претседател на САД Доналд Трамп претставува глобална закана.

Де Ниро жестоко го нападна Трамп: Ова не е само проблем на САД, туку глобална закана (ВИДЕО)

„Во мојата земја, се бориме жестоко за демократија што некогаш ја земавме здраво за готово. Тоа влијае на сите нас овде, бидејќи уметноста е искушение што ги зближува луѓето, како вечерва. Уметноста бара вистина. Уметноста ја прифаќа различноста. Затоа уметноста е закана“, рече Де Ниро во својот говор откако му беше доделена почесната Златна палма, објави „Дедлајн“.

Де Ниро, откако доби аплауз во „Гран Пале“, најголемото кино во Кан, додаде дека затоа актерите и уметниците се „закана за автократите и фашистите“, додека го нарече Трамп „филистејски претседател“, односно некој што е непријателски настроен или рамнодушен кон културата и уметноста.

„Американскиот филистејски претседател се назначи за раководител на една од нашите водечки културни институции (Центарот Кенеди). Тој ги намали средствата и поддршката за уметноста, хуманистичките науки и образованието“, рече Де Ниро.

Зборувајќи за изненадувачката најава на Трамп пред десет дена дека планира да воведе царина од 100 проценти за филмови направени надвор од САД, Де Ниро рече дека „не можете да ставите цена на креативноста“.

„Но, очигледно можете да ставите царина на тоа. Секако, тоа е неприфатливо. Сите овие напади се неприфатливи. И ова не е само американски проблем, туку е глобален. Како и со филмот, не можеме само да седиме и да гледаме. Мора да дејствуваме, и мора да дејствуваме сега“, рече тој.

Де Ниро го заврши својот говор со повик за акција, „без насилство, но со голема страст и решителност“.

„Време е секој што се грижи за слободата да се организира, да протестира, а кога ќе дојдат изборите, да гласа. Гласајте. Вечерва, и во следните 11 дена, ја покажуваме нашата сила и посветеност славејќи ја уметноста на овој славен фестивал. Слобода, еднаквост, братство“, рече Де Ниро.

Американскиот актер Леонардо Дикаприо му ја врачи наградата на Де Ниро, кој сега има 81 година, пред премиерата на филмот - француската комедија „Partir un jour“. Де Ниро беше претседател на жирито на фестивалот во 2011 година и долго време е редовен гостин на Кроазета. Канскиот филмски фестивал трае до 24 мај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љубомир Гајдов вечерва во „Само вистина“

Вечерва во „Само вистина“ гостин ќе биде Љубомир Гајдов

Љубомир Гајдов вечерва во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„На кавга со Иван“ - Слаѓана Тасева

Вечерва, во оригиналното шоу „На кавга со Иван“ ќе гостува Слаѓана Тасева

„На кавга со Иван“ - Слаѓана Тасева

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Кога обврските ја потиснуваат романтиката

 – Како повторно да внесете блискост во односот

Кога обврските ја потиснуваат романтиката

Стресот поради работата, семејните обврски и секојдневните проблеми не влијаат само на сонот и расположението, туку може да ја ослабат и желбата за блискост.

Кога сме исцрпени и постојано размислуваме на обврските, тешко ни е да се опуштиме и да уживаме во времето што го минуваме со партнерот.

Зошто стресот влијае на желбата за интимност?

Кога сме под притисок, организмот се подготвува да се соочи со предизвиците, па тешко се опуштаме. Повишеното ниво на кортизол и адреналин влијае на сонот, расположението и енергијата, што се одразува на партнерскиот живот.

Долготрајната напнатост често носи умор и раздразливост, и чувство дека немаме доволно време за себе. Кога сме исполнети со грижи, често немаме енергија за нежност, романтика и заеднички моменти.

Хормонaлните промени, особено симптомите на перименопауза и менопауза, промените во нивото на естроген, како и физичките тегоби за време на односот, кои не треба да се занемаруваат, влијаат на желбата, Сепак, намалената желба не значи автоматски дека привлечноста исчезнала или да врската е во криза. На неа влијаат и здравствената состојба, квалитетот на сонот, одредени лекови и емоционални проблеми поради што важно е да се согледа целокупната ситуација.

Како повторно да се разбуди блискоста?

Првиот чекор е да најдете начин да ја намалите секојдневната напнатост. Прошетка, вежби со дишење, јога или активност која ви причинува задоволство, сето тоа може да ви помогне да се опуштите и да се одвоите од проблемите што ве преокупираат.

Важно е да разговарате со партнерот без обвинување и создавање дополнителен притисок. Објаснете како се чувствувате, сослушајте ја неговата перспектива и заедно размислете што би можеле да промените за да имате повеќе време еден за друг.

Не мора веднаш да планирате големи романтични гестови. Заедничката прошетка, вечера, прегратка или разговор без телефони може да ви помогне повторно да се поврзете. Нежноста не мора секој пат да води кон интимен однос, а токму отсуството на очекување може да помогне во опуштањето.

Обидете се да го подобрите квалитетот на сонот и да најдете рамнотежа помеѓу обврските и одморот. Редовното движење, сонот и времето посветено на себе може да придонесат за подобро расположение и поголема енергија, што позитивно се одразува на односот со партнерот.

Ако намалената желба трае, предизвикува незадоволство и влијае на вашиот однос, разговарајте со лекар за можните причини. Особено е важно да побарате помош ако се јавува болка и изразена непријатност во текот на интимниот однос.

Блискоста не се мери со честите интимни односи, туку со чувството на сигурност, разбирање и поврзаност. Кога ќе си дадете доволно време себеси и на партнерот, ќе разговарате отворено без да создавате дополнителен притисок, полесно ќе најдете начин повторно да уживате во заедничките моменти, пренесува Ordinacija.hr

Извор: srecne.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер