Давидовски по страотниот инцидент: Само го пуштив воланот... - Канал 5

Автомобилизам

Давидовски по страотниот инцидент: Само го пуштив воланот...

Виктор Давидовски имаше борбено издание во првата од двете трки кои се возеа на Хунгароринг овој викенд, а се бодуваат за ТЦР Светската серија и за првенството на ТЦР Европа.

Давидовски по страотниот инцидент: Само го пуштив воланот...

Откако во првата трка беше пласиран на четврто место, по голем дуел со Италијанецот Чекон, македонскиот автомобилист за втората трка информираше дека имал подобрен сет-ап на возилото и очекувал да биде уште поконкурентен, но беше инволвиран во инцидентот кој се случи на патеката.

Урутија беше казнет за предизвикување на судирот, по што Борковиќ и Михелис се извртеа на патеката.

- Кога го видов Михелис пред мене се обидов од петни жили да избегнам да го удрам, или барем да не го удрам во пределот на вратата за да не му нанесам повреда. Мислам дека успеав во тоа, но сепак неговиот автомобил ме поткачи и ми го скрши тркалото. Тоа беше силен удар, а јас силно сопирав за да застанам, по што знаев дека ќе има карамбол и дека другите возачи зад мене нема да ме видат во облакот од прав. Потоа, само го пуштив воланот и се обидов да се заштитам.

Тимот од Белгија во моментов работи на скенирањето на штетата, при што главната грижа е потребата од менување на шасијата.

- Можам само да жалам бидејќи уште еднаш оваа сезона бев спречен од малерозни околности да го дадам својот максимум. Во Португалија бев удрен, во Франција ми пукна гума. Имавме солидно унапредување на штелувањето на возилото и тоа се покажа со освојувањето на второто место во трката за ТЦР Светската серија од страна на тимскиот колега Хаф, како и победата на тимскиот колега Паувелс во ТЦР Европа. Моја цел е да ги соберам потребните бодови за да можам да учествувам на завршниот настан, таканареченото „финале на сезоната“ во Џеда, Саудиска Арабија, а притоа да ги повторам минатогодишните успеси во ТЦР Европа,- вели Давидовски.

На табелата во ТЦР Европа сега Давидовски е на петтата позиција со 159 бода. Петтиот гран при викенд се вози на патеката „Пол Рикар“ во Франција, каде што ќе има две трки на 22 и 23 јули, а Давидовски минатата година таму ја славеше првата победа во европското првенство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин му беше домаќин на африкански претседател, висок 204 сантиметри- сите му се смеат (ФОТО)

Фотографијата од рускиот претседател Владимир Путин и претседателот на Мозамбик, Даниел Чапо, привлече внимание на социјалните мрежи поради големата разлика во нивната висина.

Путин му беше домаќин на африкански претседател, висок 204 сантиметри- сите му се смеат (ФОТО)

Двајцата лидери се сретнаа во вторник во Москва, каде што Русија беше домаќин на осмиот самит на Форумот на земјите извознички на гас (GECF).

Речиси 35 сантиметри разлика

Даниел Чапо, според медиумските извештаи, е висок 204 сантиметри, додека висината на Путин се проценува на околу 170 сантиметри. Разликата меѓу двајцата е речиси 35 сантиметри, што е особено впечатливо на заедничките фотографии.

На фотографијата, Чапо стои до Путин и, поради неговата висина, значително се извишува над рускиот претседател, па токму оваа сцена го привлече вниманието на корисниците на социјалните мрежи.

Шеги на X

Социјалната мрежа X беше преплавена со коментари за висината на Путин, а имаше и неколку добри шеги.

„Гуливеровите патувања во Москва“ и „Не пропуштајте го фактот дека овој хобит дури носи и штикли“, напишаа корисниците на X.

„Џуџе“ и „Џуџе во високи потпетици“, се некои од коментарите.

Тагови: Владимир Путин претседател

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо е најдобрата „Златна топка“ на сите времиња, Меси е втор

Еден од најдобрите фудбалери на сите времиња, Кристијано Роналдо, ја освои наградата за најдобрата Златна топка во историјата - BOAT, како што одлучи гласањето на навивачите на веб-страницата.

Роналдо е најдобрата „Златна топка“ на сите времиња, Меси е втор

По гласањето за најдобар играч во светот за 2026 година, каде што наградата ја освои Хари Кејн, играч на Баерн Минхен и капитен на репрезентацијата на Англија, беше доделена наградата за најдобрата „Златна топка“ во историјата.

Тука се избрани сите добитници на Златната топка откако е доделена оваа најважна индивидуална награда.

Роналдо ја освои Златната топка вкупно пет пати, а онаа ја освои во 2008 година, кога играше за Манчестер Јунајтед, со кого ја освои Лигата на шампионите таа година и имаше неверојатна сезона, по што се пресели во Реал Мадрид во најголемиот трансфер на сите времиња во тоа време, првиот што надмина 100.000.000 евра.

Второто место го освои Лионел Меси со Златната топка во 2012 година.

Колку се доминантни Роналдо и Меси над другите фудбалери во историјата, покажува фактот дека секој од нив ги освоил првите 12 места, секој за различна сезона.

Првиот фудбалер и добитник на Златната топка што се нашол на листата, а не е Роналдо или Меси, е Роналдо Назарио, кој е на 13-то место за 2002 година. Потоа тука се Кевин Киган во 1979 година, Јохан Кројф во 1974 година, Мишел Платини во 1984 година, Франц Бекенбауер во 1976 година...

Тагови: Кристијано Роналдо Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Филмски грабеж во центарот на Виена: Со џип упаднале во луксузна златарница, украле скапоцен накит и избегале

Драма утрово во центарот на Виена! 

Филмски грабеж во центарот на Виена: Со џип упаднале во луксузна златарница, украле скапоцен накит и избегале

Банда вандали провали во позната луксузна златарница на улицата Грабен. Во раните утрински часови, сторителите удрија со теренец „Лексус“ во излогот на продавницата и насилно влегоа внатре.

Излогот беше целосно уништен во бруталниот напад

Сторителите потоа украдоа накит. Вредноста на украдените предмети сè уште не е позната. Сепак, станува збор за една од најскапите златарници во Виена, каде што ѓерданите вредни до 175.000 евра не се невообичаени, пишува весникот „Хојте“.

Местото на злосторството беше целосно уништено. Тешко оштетениот теренец остана заглавен во скршениот излог на златарницата по провалата. Полицијата пристигна во голем број, го блокираше просторот и го обезбеди местото на злосторството. Истрагата е во тек.

Сè уште не е познато колку сторители учествувале во спектакуларната провала, ниту во кој правец избегале со пленот.

Информации за висината на материјалната штета исто така сè уште не се достапни.

Тагови: Виена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер