Дали секојдневното бањање го загрозува здравјето?

Според професорот Стефан Шумак, претседател на Австралискиот универзитет за дерматологија, пречестото туширање предизвикува иста штета како и неодржувањето на хигиената.

Според овој професор чијшто став предизвика полемика меѓу неистомислениците, причината за секојдневното туширање всушност е социјалниот притисок, а не реалната потреба. Професорот објаснува дека: „Само жлездите под пазувите и оние на препоните го произведуваат телесниот мирис“, и предупреди дека секојдневното туширање со топла вода и јаки хемиски препарати може да предизвика штета.

- Прекумерното миење доведува до намалување на маснотиите на кожата, што го ослободува телото од природните масла кои ги штитат клетките на кожата. Кожата станува попропустлива и подостапна за вирусите и бактериите, па може да се појават симптоми како што се чешање, сува кожа и егзема - тврди професорот Шумак.

Сепак, неговиот став наиде на многу критики, како од неговите колеги, така и од оние кои имаа можност да ги прочитаат резултатите од неговата студија во многу медиуми. Општо е прифатено дека прекумерното изложување на телото на силни препарати може да биде лошо за здравјето, пред сè за кожата, но дека тоа не важи за секојдневно туширање.

Температурата на водата за време на капењето треба да биде помеѓу 30 и 35°C. Се препорачува капењето да се заврши со малку поладна вода, за да се подобри циркулацијата на крвта.

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер